Ni 28.12.2014 Hmarchhak Eng Special Issue KUM 2014 CHHUNGA BRANCH YMA HMALAKNA TLANGPUI Kum 2014 chhunga Branch YMA hmalakna tlangpui hetiang hi a ni. 1. Tuila dung ngawrh taka humhalh a ni a. Sangha inthlahpun hun lai October- December thla chhungin Lui dungah Duty a riah chhuah thin a ni. Dan bawhchhia mi 20 leh Sangha man-na hmanrua Dynamo 2 leh Geletine-te man a ni. 2. Dry Area hmalakna kal zelah YMA Member, VDP ten an mante lehkha pek thin an nih bakah hruaituten an in-ah an len chilh thin a. Vawithum mante YMA member nihna hlihsak thin an ni. Member nihna hlihsak hi pakhat an nei a ni. 3. YMA Day denchhenin kan khaw tlangval Dr. C. Vanlalhlua, General Surgeon, hmangin Free Clinic buatsaih a ni a. Day-ah hian huaisen chawmawina Certificate heng mite hnenah hian hlan a ni. Pu C. Lalremliana, Pu Tlangluaia H. Sellai, Tv. Ramdinpuia leh Pu H. Lalrozama. 4. Tui Connection chungchangah Connection fee pe tawh chhungkua 27 zet Connection tihsak mai lova PHE Department ten an chawlhsan avangin hmalak a ni a. Hmalakna ang hian Tui Connection hi rawn tih chhunzawm leh a ni. 5. Zirna kawngah hma kan sawn theihnan hmalak a ni a. School hrang hrang leh Zirlai nu leh pa-ah Education Awareness Campaign neih thin a ni a. Awareness Campaign nei tur hian Pu K. Vanlalawia Associate Professor, Pu L. Thangmawia Asst. Professor te chah chhuah an ni bawk. 6. Ramngaw leh Tui hna humhalh nan YMA ram turin Sunhlu hmun tlang ram chu VC te dil a ni a, phal takin Buh tin 10 hmun zet an pe a. Tin, Bawngzawl lui hnar leh Hmaihmuari tuikhur hnara mimal ram chu vantlang tana an ram pe let tura dil a ni a. Heng mite hian phal tak maiin YMA te humhalh turin an ram an pe let- Pu Chawngzika, Pu C Thanglura, Pu C. Sakhawliana leh Pi Lalchhawni leh a fate. 7. VC nen tangkawpin khawchhung kawng chep zualna lai a zauh theih nan hmalak a ni a. Tin, TANTIA Company-te Field kawng leh kawngpui a zau thei ang black top sak tura ngen an ni a. An ngenna ang hian hmalak chhoh mek a ni. 8. Document Sub - Committee hmalakna-in kan Khaw lal Lal Hrangchhuana thlalak leh Branch OB hmasa ber Pu Keichhuna, Pu Valmawia, Pu Kamsavunga, Pu Darkunga, Pu Zadenga, leh Pu Ngurkhuma thlalakte Lal thlanah leh Committee room-ah tar a ni a. Tin, Branch OB lo ni tawh zawng zawngte hming tar a ni bawk. 9. Hlamzuih chungchangah Kohhran Upa leh Val upa te nen inrawnkhawmna neih a nih bakah, Electoral roll leh ration card chungchangah VC leh a concern department-te Joint Meeting neihpui a ni a. Hlamzuih leh E. roll chungchangah hian kalphung mumal tak duan chhuah a ni. 10. Project - chhiatni thatni a hman tur thutphah 50 siam a ni. EDITORIAL : Krismas kan hman dan han thlirlet khan mipui nawlpui chuan changkan kan tum hle tawh tih a hriat theih a, Urlawk Zan boruak pawh a nuam viau a. Mi harsa te tanpui kawngah te pawh hma kan sawn a, lirthei chelek kawngah pawh mi pangngai chin chu kan fimkhur viau tawh niin a lang a, a lawmawm hle. Thenkhat erawh midangte nun ti-ralti khawp hial a tlan kan la awm thung. Fimkhur tlang ila, hma i sawn ang u. SECTION REPORT ( Secretary ten an rawn report anga chhuah a ni.) HRANGCHHUANA SECTION Member zat : Mipa : 138 Hmeichhia : 117 Total : 255 Hnatlang neih zat : Nileng : 4 Zingkar : 10 Commitee Member zat : 37 Committee neih zat : 6 OB Meeting zat : 10 Sum thawhchhuah zat : ì 35900 Hmanral zat : ì 28145 Tuna la neih : ì 7755 Sum tuak dan : Balu lak, Mau sat leh Vanglaini chanchinbu sema sum tuak thin a ni. Tul dangte : (1) Kum 2014 chhung hian YMA Day lawm nan, Group hnihah inthenin Govt. Middle School - I ah Sport Item chi hrang hrang hmangin intihsiakna hun an hmanga, an hlim tlang hle a ni. (2) PHC NE. Khawdungsei-ah YMA Day pualin Poor Fund an pe. (3) Section huamchhunga tanpui ngai ni a hriatte tanpui thin a ni. (4) Thuk tha tawk tak an siam bawk. Note : Kum thar hmain Vanglaini la duh te chuan Hrangchhuana Section hruaitute hnenah in hriattir tur a ni ang. ZUMURA SECTION Member zat : 185 Member thi zat : NIL Hnatlang neih zat : Zingkar : 12 Committee Member zat : 25 Committee neih zat : 7 OB Meeting zat : 2 Tuna sum la kawl zat : ì 17000 Bungraw neihte :(1) Thleng : 200 (2) No : 200 (3) Thutthleng : 35 (4) Dekchi : 2 (5) Mitthi Signboard TUMPANGA SECTION Member zat : Mipa - 123 Hmeichhia - 107 Total : 230 Hnatlang neih zat : Nilengin : 6 Zingkarah : 10 Sum tuak dan tlangpui : (1) Meihawl rawh. (2) Thing lak (3) World Cup Fixture zawrh (4) Chengkawl khawrh (5) Vawksa rep Sum thawhchhuah zat : ì 50050 Tul dangte : (1) PHC NE. Khawdungsei-ah YMA Day pualin Poor Fund ì 1000 dah a ni. (2) Section Project - Thleng 99 lei a ni. (3) Section chhungah Zun In siam a ni. (4) Section chhunga tanpui ngaite tanpui a ni. (5) Section chhung thenfai thin a ni bawk. PHAISAMA SECTION Member zat : 208 Hnatlang neih zat : Zingkar : 5 Nilengin : 4 Committee Member zat : 24 Committee neih zat : 3 ( Phaisama Section chhunzawmna) Sum thawhchhuah zat : ì 23180 Tuna sum la kawl zat : ì 13845 Sum tuak dan tlangpui : (1) Plantation sam (2) Thing lak (3) Buhfai Unload Bungraw neihte : (1) No : 200 (2) Dekchi : 2 Thleng lei an tum mek bawk ZAHUNGA SECTION Member zat : Mipa - 143 Hmeichhia - 86 Total : 229 Hnatlang neih zat : Nilengin : 3 Zingkarah : 8 Committee neih zat : 3 OB Meeting : 3 Sum thawhchhuah zat : ì 22900 Tuna sum la kawl zat : ì 1175 Sum tuak dan tlangpui : (1) Mau sat (2) Lo vat Tuldangte: 1) YMA Day denchhenin PHC NE Khawdungseiah poor fund atan ì 500 an pe. 2) Day lawmnan hnatlang an neih bakah chawhnu lamah football khelin intihhlimna an nei. RALNGAMA SECTION Member zat : 153 Member thi zat : NIL Hnatlang neih zat : Nileng - 7 Zingkar - 10 Committee neih zat : 6 Hmalakna : In tinah Name plate tar a ni a. Section bungrua zawn khawm a ni bawk. YMA Day lawm nan zingkarah section huamchhung tifaiin an hnatlang a, chhunah naupang ho sports an neihpui bawk. KHAWDUNGSEI Br. K.=.P. HRUAITU THARTE Leader : T/Upa C. Lalsangzuala Asst. Leader : Pu Lalpianhlua Zote Secretary : Pu Vanhmingliana Asst. Secy. : Pu Lianmawia Treasurer : Pu TC Liankhuma Fin. Secy. : Tv. ZR. Hranga KHAWDUNGSEI KOHHRAN PAVALAI HRUAITU THARTE Chairman : Pu Pawlsiamliana Vice Chairman: Pu Lalchenpuia Secretary : Pu Jamkhansona Asst. Secy. : Pu Vanlalvuana Treasurer : Pu Chhuantluanga Fin. Secy. : Pu C. Lalremngheta VENGHLUN KOHHRAN PAVALAI HRUAITU Chairman : Upa Rochungnunga Vice Chairman : Pu Lalthankima Secretary : Pu K. Lalsangzuala Asst. Secy. : Pu Chawngnghilhlova Treasurer : Pu Biakthansanga Fin. Secy : Pu PB Ramthanzuala VENGHLUN BR. K.=.P. HRUAITU THARTE Leader : Pu SH. Lalduhawma Asst. Leader : Tv. C. Dengthansanga Secretary : Tv. K. Zoremsanga Asst. Secy. : Nl. Zarzokimi Treasurer : Tv. Lalrinmawia Fin. Secy. : Pu Tumsanga SECTION HRUAITU THLAN A hnuaia hun leh hmun ruatah hian kum 2015 Section hruaitu tur thlanna neih tur a ni a. YMA Member-te kim taka kal theuh tura ngen leh hriattir kan ni a. Section Secretary ten Minute bu ken theuh tur a ni ang. A hun : Ni 30.12.2014(Thawhleh zan) Tan hun : Dar 6 : 30 Ahmun : Community hall KRISMAS REPORT Kohhran hrang hrang leh Veng hrang hrang tena Krismas lawmna ruai an buatsaih dan tlangpui hetiang hi a ni. Ramthar Veng (Ruai Nawn) Vawksa : 32 Kg Arsa : 3 ½ kg Mihring zat : 45 Tlang Veng Vawksa : 50 kg Mihring zat : 100 Mual Veng Kawngthlang (Ruai Nawn) Vawksa : 80 Kg Arsa : 5 Kg Mihring zat : 106 Mual Vengchhak (Bekang Veng) Vawksa : 31 Kg Arsa : 2 kg Mihring zat : 65 Quarters Veng Vawksa : 72 Kg Artui : Pum 50 Mihring zat : 138 Kanan Veng (Kudam Veng) Vawksa : 40 Kg Arsa : 3 Kg Mihring zat : 82 Chawnpui Veng Vawksa : 40 Kg Mihring zat : 80 Hmar Veng Vawksa : 83 Kg Arsa : 5 Kg Mihring zat : 170 Dinthar Veng Vawksa : 29 ½ Kg Artui : Pum 20 Ui : 1 Sangha Tin : 1 Mihring zat : 61 Bungkawn Veng (Ruai Nawn) Vawksa : 140 Kg Arsa : 10 Kg Mihring zat : 150 Paihte Veng - I Vawksa : 61kg Mihring zat : 95 Paihte Veng - II Vawksa : 60 Kg Arsa : 5 kg Mihring zat : 115 Venghlun Kohhran (Ruai Nawn) Vawksa : 380 Kg Arsa : 37 Kg Mihring zat : 500 PCI (Ruai Nawn) Vawksa : 44 Kg Arsa : 12 Kg Mihring zat : 90 KUM THAR RUAHMANNA NEIH TUR Tunkar lo awm tur Zirtawpni (Ni 2.1.2015) hian Branch YMA Executive Committee Member ten kum thar ruahmanna neih tur a ni a. Member-te kim taka kal theuh tura ngen leh hriattir kan ni. Tan hun: Dar 10:00 AM SPORTS Naktuk Thawhtanni hian Dr. John Zothanpuia Memorial Team te chuan Volley Ball Tournament an buatsaih dawn a. Lawmman 1-na Rs. 4000 a ni ang. Nilaini (Krismas Urlawk Ni) khan Khawdungsei Football League Final khelh a ni a. Dr. John Zothanpuia Team te chu an champion a ni. Tin, tunkar thawhlehni atang hian Local Football Tournament khelh chhunzawm leh a ni ang. 2015 KSU HRUAITU THAR President : Tv. K. Lalneihkima Vice President : Tv. Thuamrodinga Secretary : Nl. T. Lalchhankimi Asst. Secy : Nl. Lalruatzeli Treasurer : Tv. Lalenkawla Fin. Secy. : Tv. Rualthansanga Naktuk thawhtanni zingkarah hian khawlai thianfaiin hnatlang an nei dawn a. KSU member leh khaw chhunga zirlai awm zawng zawng te zing dar 6 : 30 ah Mual zawlah innghah khawm tur a ni. KSU te hian ni 3.1.2015 (Inrinni) zanah zirlai tithate chawimawina hun an hmang dawn bawk a ni. AWARENESS CAMPAIGN NEI Nimin Inrinni khan Branch YMA chuan Education Awareness Campaign hmundanga awm zirlaite hnenah an nei a. Awareness campaign hi Pu K Lalrodinga President an a kaihruai a, Pu Lalhmingmawia Vice President, Tv Vanlaltanpuia, MCS, BDO (Sangau) leh Tv Zoramkhuma te hnen atang thusawi ngaihthlak a ni. RAWN HAW Kan khaw tlangval Tv. Vanlaltanpuia, MCS, BDO (Sangau) chu Krismas hmangin a rawn haw a. Tana hian a pi Lungphun, January ni 6 a hmang nghal dawn a ni ***Mipui tam laia lirthei tul lemlo a lo hawl chhuak ve reng thinte hian eng rilru nge an put ang ? VDP RUIHHLO MAN Krismas chhungin VDP te chu ngawrh takin chhun zan zawmin an duty thin a. Ruihhlo pawh khawdang atanga rawn lut tur leh khawchhunga ami man an nei nual a. Tunhnai Krismas vuatvet chhunga an ruihhlo an man zah hetiang hi a ni. Sap zu : Um puitling 25 Rak zu : Fun 40 Zu bilh sa : Tin 8 Heng ruihhlo an mante hi tualchhung rate achhutin Rs 32000 man ang hu vel a ni a. A chetvelna senso tur VC, Kohhran hrang leh NGO ten an pawisa an pek bakah, mimal heng mite hnen atang hian tanpuina an dawng bawk Upa Sangkunga Rs 500, Pu Dawnga S/o Upa Chawnga Rs 300, Pu Lalruata leh Pi Lalchhingi ten thingpui lumna tur Bawnghnute leh chini. VDP chuan VC, Kohhran leh NGO hrang hrangte bakah mimal inphal te chungah hian lawmthu an sawi mawlh mawlh a ni. INKAWMHONA NEI Tunkar Zirtawpni khan Branch YMA te leh kan khaw chhunga Sipai tang rawn chhuti rawn hmang mek te nen YMA committee room-ah sipai chawimawina ni pahfawmin inkawmhona an nei a. He inkawm hona hunah hian infuih tharna hun an neih bakah Khawtlang kal zel tur atana thilpawimawh tak takte sawina hun an nei a. Kal khawm ten hlawkthlak an ti hle. HNA SANG ZAWK HMU Pu Dengzuala S/o Sangkunga chuan MPSC hnuaia Departmental exam atangin Assistant-ah a inziak tlinga, kan lawmpui hle. Tunkar Khawdungsei: Krismas hlim tak leh tluang takin kan hmang zo thei a. Krismas hmanga rawn haw pawh kum dang zawng ai chuan an tam emawni tih tur a ni, rawn haw thar ten mikhual emaw inti nawlh tawkte pawh an awm a ni. Pawisa van vang nge Krismas kan hman dan a changkang tawh zawk Ar kang thawm hriat tur a vang hle a, lenkhawmna lamah erawh nu leh paho an tui hle a. Thenkhatin ruai an nawn laia, thenkhatin an nawn lo erawh ngaihtuah a ti thuiin rualkhai zawka hman theih dan a duhawm hle. A nawlpui ang chuan Krismas hi kan hmang nuam tlangin a hriat a. VDP te thawhrimna zarah boruak duhawmlo lutuk hriat tur a awm lova. Chutihrual chuan Lirthei nei ten kan lirthei kan chelek lutuk deuh amawni chu aw...? tih theih turin a awm a. Kan him tlan zawk nan insum hram hram i tum theuh ang u. ‘ Mi rethei in-ah chingal leh saum a intawklawi’ tih ang deuhin SA kan hnianghnar lai tak a ni a. A van leh hun tur a huphurhawm hle. Hmun hran a awm mahni khua ngaina a Krismas hmanga rawn haw hram hram thinte an fakawm thin hle a hlim taka kumthar hmang theuh turin duhsakna kan hlan a che u.
Posted on: Sun, 28 Dec 2014 11:43:33 +0000
Trending Topics
Recently Viewed Topics
© 2015