Portugés sira iha Díli harii Asosiasaun Emprezáriu Portugés iha Sudeste Aziátiku. 27 de Novembro de 2013, 08:56 Grupu ida portugés sira ne’ebé serbisu iha Timor-Leste aprezenta horisehik ba públiku Asosiasaun Emprezáriu Portugés sira iha Sudeste Aziátiku nian hodi estimula relasaun ekonómiku ho komersiál sira iha nasaun sira ne’ebé pertense rejiaun ne’e. Tuir emprezáriu Joaquim de Brito, objetivu hosi asosiasaun ne’e hakarak mós “marka pozisaun ida” tanba, nia afirma, emprezáriu portugés sira iha Timor-Leste “hanesan abandonadu no prejudikadu iha tinan barak”. “Ami hakarak hahú tulun emprezáriu portugés sira atu iha formasaun, hadi’ak liután, no bele sai reprezentadu sira iha rejiaun ne’e no hametin forsa hodi nune’e lei iha Timor-Leste bele kumpri hanesan hosi ema tomak”, nia hatete. Asosiasaun, ne’ebé halibur emprezáriu 12 hosi área oioin, sei fó ba ninia sósiu sira asesoria jurídiku, konsultoria iha área laboral nian, fiskál ho komersiál, investimentu estranjeiru, transasaun komersiál sira, propriedade industriál ho informasaun tékniku no dokumentál relasiona ho programa sira apoiu ba investimentu nian. Estimula inisiativa privadu hodi promove dezenvolvimentu Timor-Leste nian hanesan objetivu seluk hosi asosiasaun ne’e. SAPO TL ho Lusa.
Posted on: Wed, 27 Nov 2013 15:15:18 +0000
Trending Topics
Recently Viewed Topics
© 2015