Rajapathar along Congress rat ameipi Jongjung LA Constituency aMLA chetongdunde, Sum Ronghang ke song aphan abirude keklem abanglo lapen lason ke second hand agari atenglo: CEM Ronghang Diphu, Spetember 20: Bhomti arni Diphu LA Constituency angkang along kedo Rajapathar along anarlo porphai 12:30 malom pen Congress rat ameiphi paman pon. Mei along Langpher MCC ameiphu Rupsing Terang pen mei chari ponsi mei along alohi sarpo aman pen HAD Minister Govt. of Assam Khrosing Ingti pen chetongdun, phapangjang alohi aman pen KAAC aCEM Tuliram Ronghang, man peng alohi aman pen KAAC EM i/c PWD Longki Timung, KAAC EM i/c Forest Prodip Singnar lapen kachopha alohi aman pen Singhason BLCC ameiphu Langtuk Ronghang, Langpher aVDC Rongbong Terang, Nominated MAC mate Border Dev. Board aChairman Mahesh Kr. Chauhan, KADCC akongchunbang Pralay Kr. Chaudhory atum pen chenglok penang an kethe keding atum chetongdun. Congress asong ke kaiketa rat atum akar-i Hemprek si hangbom lapen monsam kedo pen kachingthur aphansi kaike ta keklemlo. Hemprek amen pen rat aphan kachongthui asong angbong pen JACAS ta isi lo, lapen laso asong along Chief Convenor kachekrong J.I. Kathar ke Deputy Commissioner kedobom ahut Karbi Anglong aphan thangnat keklempi thekdam longle. La anchot ta kali alangli penang an kethek kere abangphu atum aphan pangrumsi Guwahati along krungsai amei pado ponlo lapen laso ahut Hemprek hanghe apharang Karbi akhei atum arloso bang 3-4 en nangji lalote Karbi akhei chanpo lapen chan lote Hamrek hang melo pu alam kapaklang abanglo. Lasi lahai atum ke aning aklong penle Hamrek kehang kali, jongjung ale aphan chot pusi mei along KAAC CEM Tuliram Ronghang pen ningje pon. Ajahak asong atum Congres asong aphan kalili kalanglang alam pakoi tap varet titi, tebosnitame Congress pen keklem kedam kemesen ajoksi nang cheap-ok dunbomlo. Langpher along kedamtang MAC lapen MP Election ahut vote kelong kejum varet ke Congress angbong amat amethang akeng kacharkon mate methang asong aphan kekhamkhe keklem abang kedokok apot lepn laso angbong pen abarim KAAC CEM mate abarim KADCC ameiphu Sum Ronghang ta inut lo, lasi lapuson atum ke Second Hand agari ateng lo, tovar ebeng an lote kahenodak tatheklo. Sum Ronghang ason amonit ke methang jongjung ale aphansi klemchot athe Guwahati along ta longle chenam dunsi hemkangtui ta kimlo lapen Klurdung along ta 1000 bighas sose alongle ke amthang amen pen kacheselam abanglo. Lasi Langpher Constituency angkang along kedo an MCC lapen PCC atum pusitame kevangji Election ahut kehailapji aphan klem dam pon nangpo puta CEM Ronghang pen ningje ponthu. Karbi Anglong Autonomous Council (KAAC) ajakong avelo pu kapangdak ke ahok kali, non ta ladak pensi voreng avarsai ta pibomlang, mathe Dima Hasao Autonomous Council (DHAC) along aronre pen voreng avarsai kipi ke-ong ong ajoksi Assam Govt. pen malomso aphan keklang chariji aphan keklem ponchot lapen lahai ke KAAC along aphan kali, lasi SIU pusitame kachoningri ateng pen ladak chevanthu detlo pusi HAD Minister Govt. of Assam Khrosing Ingti pen mei along ningje pon. Nelihin pen Diphu LA Constituency along mei nangkedun ke Diphu LA pen MLA Election kethur dunji aphan kali, tebonsita high command pen neliphan Karbi Anglong along kedo-an LA Constituency along Congress asong kapahailapji aphansi arpu nangkepek ajoine chot lapen madu aphan ta kelangset pen kali puta HAD Minister Ingti pen ningje pon. Lasonsi bangso amei along kaprek kaprek asong pen bang 108 atum Congress along cheap-ok dun.
Posted on: Sun, 21 Sep 2014 15:24:22 +0000
Trending Topics
Recently Viewed Topics
© 2015