Readers POST: (Jeff Khualzin Khawhar) Dt.2.6.2014. khan Republic Veng Field-ah Thingsai Team leh Republic Team ten NECS Cup an khel a.He inkhela Match Official te thutluknaah hian Thingsai mipui leh Players te kan rilru a dam thei ngang lo a ni. NECS Cup round of 16 lut tur inchuhna inkhel a Republic LC Team ten an Home Ground-a an khel thei bik pawh hian ngaihtuahna a ti thui tawh a, hlauhthawnna nasa tak kan nei sa. Chutah he match pawimawh tak ham tur hian Republic Veng chhunga thleng Lunglei lam Refree hman a ni zui leh bawk a..!!! He match commisioner atana an hman hi Republic veng pa tho a ni bawk...an ti! First Half-ah chuan inkhel in hnehtawk tak niin a langa, Republic Team ten an chance neih chhawr tangkaiin Goal khat an khung a, sawisel tur engmah a awm lo. First Half-ah hian an Last Defender in a Ball Head phak loh a bengthla a, Refree berin a tilui lo a ti tlat a, Card a hmu miah lo! Kan hlauhthawn ruk a thleng tan.... Second Half tan atangin Thingsai Team-in an nawr bet nghal a, Field chanve ah an inkhel a ni ber mai. Rei fe an nawr beh hnuah Goal an khung a, 1-1 a ni. Thingsai Team-in nawr chhunzawm zelin an Keeper man per chu kan winger-in chhuhsakin Goal lamah a tlan luhpui a, hei hi Keeper hian hnunglam atangin a ke pahnihah a man a, kan winger chu a tlu a...mahse Refree chuan a Dive an ti leh tlat pek a...a mak asin! Chutah D-line chhungah chiang em em-in Hand Ball a awm a, Lines Man pawhin a phar chiang khawp mai, mahse Refree hian a en duh lo nge a hmu tlat lo! Lines Man pawhin a phar zawm lo chiang kher mai! Minute 75-na velah Republic lamin Counter Attack atangin mawi takin an ti Goal leh a,sawisel tur a awm lo. Thingsai Team-in theihtawpin an nawr zawma, 90+3 ah Thingsai Team-in chiang takin an pet Goal ve ta...he Goal hi keeper rawn namchhuah tawh hnu a ni, hetih lai hian an Player pakhat goal line-ah a ding vang bawk. Refree pawh hnai takah awmin engkim chiang takin a hmu a, a Goal tiin a ham vek tawh, a hma zawnga engmah hre lo Linesman zawk chuan a goal velah hian a phar ta tlat.., Off Side a nih chu! Refree chuan a thutlukna kal tlangpui ngam lovin Goal lovin an pawm ta tlat bawk a! Hetianga thutlukna diklo lutuk an kaltlang pui hi hriat thiam har kan ti takzet a, tih theih dang a awm si lo...a na a ni! Penalty chiang lutuk vawihnih hi pe se kan chak chiang khawp ang… Republic Veng chhunga dawr pakhat a Republic fans pakhat chuan kan chak dan chu a zahthlak hle mai a ti thlawt! Hemi chungchangah hian complaint-na kan thehlut a, min ngaihtuah sak tak ang maw...Thingtlang hmun hla tak atangin chhungkuaa harsatna tamtak awm chungin kan in buatsaih ve a, tan zawk kan beisei a ni lo, mahse Fair taka ham tal hi chu kan beisei ve a ni. He inkhela Match Official te chungah hian ADFA lam hian Action a la lo a nih chuan Mizoram FootBall-a thu neitu te chungah hian rinna tlemte pawh neih chi ah kan ngai tawh ngai lovang. Tin, Thingtlang tan chuan he Tournament-ah hian tel lehna tlakah kan ngai tawh ngai lovang.
Posted on: Wed, 04 Jun 2014 14:09:43 +0000
Trending Topics
Recently Viewed Topics
© 2015