Tangkhul Iyurwui vang kaphaning phongkashok Kum 30 shikhawui mangali Tangkhulwui hakmeithui kaje khabing ngachei akhawui Awungawui shimli khareli rai salaga mikui kharang thotwui eina haikhara mikui 200 shikha decoration salaga shim phakho ayar pemda haisai. Kha chiwui khararnaosan kachi katha kathum matili khararchan salaga phap kata athishurda, haida khalei mikui acho chiyakha chi Tangkhulli yangkashia miyur khangateiwui mikui mazanglak mana kha ishi Tangkhul kha khongnai ramanowui kuiserra da theikhuia. Chi eina kha chiwui khararnao kachi kathali khararchan sakharum atamli “Ichina ngarawuikui hithada decoration sahaida khalei hili khikha tek-khamatei matheimana, ning saza khavaimana” da hangarokga. Shangsailaga phakho chi samathahaowa. Leikashiya Tangkhul ramnaobing; Christawui aming masharanglakha, abc matheiranglakha kala Tangkhul kaho yurjat akha sada organize masaranglakha kha avava hi “Iram hilakga” da leikasa atamli Ichinawui kuina da matheila yangkashena da kakhui atamli tek-mateisalapai, angam kasalapai, langso khavai leisalapai. Ajava, wortam manga valak haira, Tangkhul yurjat akha sada Long kachungkha lingkahaira, yurjat akhawui khangaruma Tui leihaira, Kathara Lairik akhali shitsangrumda khalei hitharanla “Naram Iram/ nashi ishi” da khailaga naohui zang ngaroklaga, shim thari, lui thari, ram thari ngaheilaga ngama-ngashaopamfasila? yangshi yuishi ngarokfasila? Chi mathaluiasa, leikashia Tangkhul iramnaobing! Kazat kashi, mathei-thangkhamei kala kacham khangai tungli yangvalo, Tangkhul miyurli langda Naga miyurli hakmeikhar kaje mijat kayakhana ithumli hirankha namshanlikhala? Chi eina Ishi Tangkhul ramnaobing; matailak eina khanuithotwui yarkhok-khok lakhok-khokbing, nathum “Iram hilakga” kachi narrow domestic cell wui eina kanshokulo. Nawui yang, nawui them kala diploma/degree hiyakha kachui singkahai nawui ning kahak ishiyur semka khavai iyurna ningchangda leikho. Akhama i-thada rarkahai, sar kahai atamli kakhayak ning kachot, phaningla makhakhui masamphang khavai salo!. Khanaoali, thuikahai atam hasangkhawui eina aja rashungda ishi eina ishi alungli, kha akhawui alungli, kha khanni ngachaili shokkahai, ashee, chara kata otsak, lam thari, shim thari, Amei kala Awunga khangapai eina, khari-khanao khangapai eina, kathana khangapai eina shokahai hi kala aruila zakshi khamei shok kapai khalei hi phaningda sipsahaira. Ishili yangkashi yur jat khangatei marazanglala ishi eina ishi ngama ngashaothat ngaroklaga ngazan kahai tharan paisor eina ithumli kachipata miyurwui azingli okthuihaorali da ning kachot atam hitharan Tangkhulwui khamataia Longnao mati chiya TNL, TSL, TNWL kala TMNLli ishi Tangkhulwui vang ning mei kachuia individuals, NGO kala Church kathana mi hangtharuk-hangshini athumna shoi salaga Chingrikhavai Wortam Tangkhul Community wui Flagship program sada khuika khavai proposal August 27, 2014 thang misang kahai pao chi shalaga, ringphalakga. I kala ishi ngasotnao kachungkhana ning tongda katomda lei. Longnaobingna kathak eina, ashee chara mataluirang lakha proposal mikada khalei athum kala yaruili meeting ngahotta kaphawui program chi singkaphoklakra da chihanchaoli. Thak khameina phakhameikho. Ningshilakhaira Sd/- Saphei LM. Shimray. Chahong kn. Village.
Posted on: Sat, 13 Sep 2014 19:01:28 +0000
Trending Topics
Recently Viewed Topics
© 2015