“Tin ngai teh u, kei kumkhuain khawvel tawp thleng pawhin, in hnenah ka awm zel ang,” a ti a (Matt 28:20). (Lo, I am with you all the appointed days – Variorum Version). Kan nuna thil lo thleng turte leh thil inher danglam thei te, i hmalam hun tur te hlau chungin lo thlir suh. Beiseina nen lo thlir zawk rawh. An lo thlen dan ang zelin, a neitu che Pathian chuan thil lo thlengte lakah chuan a chhan chhuak zel mai dawn che a ni. A dahna che apiangah chuan, A kut chelh tlat la, kawng engkimah a hruai zel ang che, i din theih loh hun a thlen chuan a kutin a pawmin kang mai ang che. Naktuk lama thil lo thleng tur thlirin lo buai chiam suh. Kum khaw chatuan Pa, vawiin thlenga enkawltu che chuan naktukah leh ni tinin a veng ang che. A tuk lam ngaihtuaha mahni tihtheih bak, Pathian ring lova, rinna hruaibo khawpa lo buaipui hi ringtu tihtur a ni lo tih hriat a tha a ni. Tawrhna a pumpelh tir che a nih loh chuan, tuar thei tura chakna hlawhchham ngai lo chu a pe mai ang che. Thlamuang takin awm la, i suangtuahna hahthlak pui puite chu dah bo daih rawh. -Frances de Sales. Ngawi rengin A ruahman sak zel ang che. Engkim hre vektu remruatna chu bih ngun la. Pathian ngei chuan i nun khaltu nih a tiam a, chhiatna thlen theitu lakah pawh a veng him zel ang che. Kawng a ruahmansak zel ang che. Lalpa chu a hlawhchham ve ngai lo va, Lalpa rinawmnaah chuan innghat tlatin, chawl la, Amahah chuan hnehna i chang ang. Hmangaihna mak leh lawmawm tak chu A ruahman sak che. MIt leh benga, hmuh leh hriat loh i tan vanah dahin a awm a ni. A ruahman sak zel ang che, A tum dan chu a rawn tilang mai ang. Hrui inbak hnawk nuaih maite chu thiam taka phelhin, harsatnate chu a chingfel mai ang. Tumahina tihbuai lohva nangmah chauhvin Van Pa fa duat nihna i channa turin i tan a ruahman fel vek ang. -E. Mary Grimes
Posted on: Fri, 08 Nov 2013 16:09:36 +0000
Trending Topics
Recently Viewed Topics
© 2015