Utod sang nagapadalagan barangay kapitan, ginbuno patay ROXAS CITY - Patay ang 36 anyos nga utod sang nagapadalagan nga barangay kapitan sa Barangay Badiangon President, Roxas Capiz. Madalom nga pilas sa abaga nga naglapos sa likod ang naangkon sang biktima nga si Ricky Escolin matapos ginbuno sang suspek nga si Jovito Pioquid. Suno sa impormasyon, nagikan sa banwa ang biktima kaupod ang iya utod nga si Reseliste Mike Escolin nga nagapadalagan bilang Barangay Kapitan sa ila lugar sang mapinsaran sang mga ini nga magpundo sa Sitio Euscade agud magpanghatag sang giveaways sa mga residente. Sang matapos, magasaka na kun tani sa ila dala nga salakyan si Escolin sang hinali nga ginhakos sang hubog nga si Pioquid kag ginbuno sa abaga nga naglapos sa iya likod. Gilayon nga gindala sa Capiz Emmanuel Hospital ang biktima apang gindekalara nga dead on arrival. Samtang, ginapangita na sa karun sang mga kapulisan si Pioquid nga madasig nga nalagyo matapos ang kremin. Ginapatihan nga madugay na nga hiligut-anon ang rasuun sang pagbuno sang suspek sa biktima. Nahibaluan nagikan sa pulisya nga ginhabuyan sang biktima sang granada ang balay sang suspek, pila na ka tuig ang nakaligad nga nangin rasun sang pagkaparalisa sang iya amay.
Posted on: Sat, 19 Oct 2013 02:31:02 +0000
Trending Topics
Recently Viewed Topics
© 2015