VAWIIN PROGS (21.11.2014 ZIRTAWPNI) (Kan hriat theih chin) * Mizoram Legislative Assembly Budget Session chu vawiin chawhma dar 10:30 hian chhunzawm a ni leh dawn a, dan pangngaiin a tir darkar khat chhung chu zawhna leh chhanna hun atan hman a ni ang. Vawiin hi private member’s resolution sawiho ni a ni a, sum hman tur Demands lam an sawi dawn lo a ni. * Chief Minister Pu Lal Thanhawla chuan tukin dar 9 hian Aizawl chhuahsanin Serchhip a pan dawn a. Chhun dar 12 ah Lalsawmliani & Lal Thanchunga Memorial Football Final khelh, khuallian niin a hmanpui ang a. Zanin dar 6:30 ah Serchhip Boxing Hall ah Mizoram pum huap State Bank of India - POS 36th Mizoram State Boxing Championship 2014 final hun a hmanpui ang a, zanin Serchhip ah a riak ang. Naktuk chawhma dar 11:30 ah Serchhip bul Dawngzawl ramah Local Administration Department buatsaih Amusement Park a hawng ang a, chawhnu lamah Aizawl a rawn pan ang. Chief Minister hi LAD Minister Pu PC Lalthanliana leh DM & R Principal Secretary Pu PC Lallawmsanga ten an tawiawm dawn a ni. * Vawiin chawhnu dar 1 hian Mizoram College of Nursing, Falkawn chuan Graduation & Lamp Lighting hun an hmang dawn a, Health Minister Pu Lal Thanzara’n khuallian niin a hmanpui ang. * North East Rural Livelihood Project (NERLP) hnuaia phaia kalte nu leh pa inzawm khawm chuan vawiin chawhnu dar 1 hian Aizawl Press Club ah press conference an nei dawn a, thuthar lakhawmtute chu kokim taka kal turin an sawm a ni. *Kumin MP Election atana hman EVM Saikuti Hall Strong Room-a dah chu mipui vantlang ten Hall an hman dawnin harsatna leh remchan lohna engemaw chen a awm thin avangin vawiin chawhma dar 10:30 hian sawnchhuah a ni dawn a. EVM-te hi tuna Saikuti Hall-a Strong Room a\angin Saikuti Hall veka pindan dangah sawn a ni ang. EVM sawnchhuah lai hian security bakah political party hrang hrang aiawhte a hmunah tel vek tura hriattir an ni a. ECI-in a duhdan angin EVM sawnchhuah lai hi video-a lak vek a ni ang a, he cassette/disc hi Election Officer, Lunglei-in a kawl dawn a ni. * Mizoram Tug of War Association chuan vawiin chawhnu hian Hotel Ritz ah general conference an nei dawn a, tlaiah kum 2014-2016 chhung atana hruaitu thar turte an inthlang nghal ang. * ADFA III Division Football, vawiina Rajiv Gandhi Stadium, Aizawl a khel tur te Dar 10 AM ah Dawrpui Vengthar FC vs Valkyries FC Dar 11:40 AM ah Mission Vengthlang FC vs Zo-Kings FC Dar 12:40 PM ah Tuivamit FC vs FC Meldi-Zors Dar 2 PM ah Bungkawn FC vs Govt Complex FC
Posted on: Fri, 21 Nov 2014 02:23:43 +0000
Trending Topics
Recently Viewed Topics
© 2015