YMA hruaitute chhiatna hmachhawn dan zirtir Central YMA leh Disaster Management & Rehabilitation department ṭangrualin lirnghing leh chhiatna dang thlen thulha tawrh nêp dan tur leh chhanchhuah hna thawh dan zirna an kalpui mek chu Inrinni khan Chawlhhmun YMA Hall-ah an chhunzawm. Training-ah hian Aizawl khaw thlang lama YMA branch pakua - Chawlhhmun, Sakawrtuichhun, Tanhril, Tanhril Vengthar, Zonuam, Tuivamit, Central Jail Veng leh Govt. Complex branch YMA hruaitute an tel a; DM&R-a district organiser Zothansanga, Christina Vanlalruati, search and rescue specialist Lalruatkima leh SDRF-a mi Lalsangzuala ten thil pawimawhte an sawi a ni. CYMA leh DM&R department ten Aizawla YMA branch hrang hrangte tana disaster management training an buatsaihah hian Aizawla YMA branch 93-te chu group 11-ah ṭhenin, Inrinni apiangin training neih ṭhin a ni a; tun thlengin group 10-te training neihpui tawh niin, a tawpna atan tun kar Inrinniah Chanmari YMA Hall-ah training neih leh a ni ang. - See more at: vanglaini.org/tualchhung/26726#sthash.uvJa2uSv.dpuf
Posted on: Mon, 27 Oct 2014 08:30:16 +0000
Trending Topics
Recently Viewed Topics
© 2015