Zirlaite Ni ah hian Mizo Zirlai zawng zawng chibai ka buk a che u. Ka friendlist ah hian zirlai tam tak in awm a, ka school kal ve thin laia ka experience pahnih kan share ve teh ang che u; a tu tu te emaw in infuih tharnan a in lo hman tak hlauhvin. Higher Secondary ka luh tan tirh lai khan ka subject lakah ka tui em em lem lova, school kal pawh nuam ka tih loh phah chang a awm fo. Ka subject lak ai maha school kal tihreawm thintu chu kan zirtirtu pakhat hi a ni a. Mi hmuhsitna tawngkam hi vawi tam hmaichhanah a sawi thin a. Vawikhat chu Essay-Writing intihsiaknaah ka classmate pakhat nen kan school aiawhin kan chhuak a. Class atanga kan chhuak chiah chu kan zirtirtu chuan eng a rawn ni lovang e tiin ka hriat phakah a sawi a. Ka ignore lui a. A chang chuan ka physical appearance te a sawisel vak vak a, naupang mai ka la nih avangin khatih lai khan ka la na ve thin khawp mai. Mahse, a ni vanga inngaihtuah lung hnur ka duh lova, ka zir nasa zual sauh va. Tunah chuan kan zirtirtu ai khan dinhmun tha zawkah ka ding tawh a, a ni hmuhsit phak ka ni tawh lo. Hun a lo kal zel a, dam lohna avanga pawl sawm pahnih kum hnih ka beih hnuah chuan second division ah ka han pass ve khauh va. Ka va lawm em! Techincal Entrance exam te kan han paltlang chhova, khawi college ah nge ka luh ve ang tih te ka ngaihtuah vel lai chuan ka thianpa pakhat hi a lo kal a, heti hian min rawn hrilh ru ta a, Thiannu, pawl sawmpahnih first division emaw distinction a pass lo chu technical entrance ah pawh tling mahse, admission hmuh an harsat ltk, bakah graduate hunah company in an ruai duh ngai lo an ti a nia a rawn ti a. A ni tak maw tih bakin ka chhang lo. Mahse harsatna nei miah lovin Pathian zarah college tha takah ka lut a, ka thianpa erawh chu khawi khawiah emaw ni a lut a, graduate te chu a graduate ta ve in ka hria. Graduate hnu chu sawi loh, graduate hma in company lian vak lovah hna ka hmu ta der mai. Ka lawm ve asin aw ka chan tawkah khan. Min hmusit a min ngaineptute laka phuba lak dan tha ber chu ngaihdam a, an hmuhsit ngam loh dinhmun tha a mahni leh mahni indah hi a ni. Bei la, bei nawn rawh, i hlawhtlin hma loh chuan.
Posted on: Mon, 27 Oct 2014 16:46:13 +0000
Trending Topics
Recently Viewed Topics
© 2015