سلام، سميتي فدوى عمري 25 سنة، عندي خدمة مزيانة الحمد لله و كنت مزوجة، المهم نعاودليكم قصتي، أنا تزوجت عن حب، راجلي كان مزيان معايا ف 5 سنين اللي قضيت انا وياه، وكنت كلما كنحمل كيطيح ليا الولد، 4 ديال المرات و هوا يطيح ليا، معرتفش شنو هووا السبب، انا كنت فكامل الصحه ديالي وماكان عندي حتا شي مشكيل صحي، المره الاولى طيحت بسبب حادثة، و المره الثانية بالخلعه، اما المره التالته و الرابعه غي هكاك بلا سبب معين، مهيم مشينا للطبيب و قاليا عمرك تعاودي تولدي بسبب بعض المشاكل، و بعد واحد الفتره راجلي تبدل عليا بزاف، ما بقاش كيما كان شحال هادي، ما بقاش كيهدر معايا بزاف، وماكايڭوليش صباح الخير ولا تصبحي علا خير، مهيم واحد الفترة، هوا صارحني و قاليا خاصنا نطلقو، حيت بغا مرا اخرى و الاسباب هي انه والديه ضغطو عليه و قالوليه "هاد المرا ماتصلاحلكش راها عاڭره"، دابا راحنا كانطلقو مزال، و انا منقدش نطلق حيت كنبغيه بزاف، و بقا فيا الحال بزاف حيت 5 سنين و حنا كنعرفو بعضياتنا و كنبغيو بعضياتنا و وعدني باللي غادي يبقا معايا طول العمر واخا معرفتش شنو، انا مزال كنبغيه، و دابا كنداوي عند طبيب نفسي من بعد هاد الشي اللي دار معايا، حسيت براسي منافعا لوالو، ولكن الطبيب مساعدني فوالو حيت مزال عندي امل ميطلقنيش و نبقاو مع بعضياتنا، بغيت شي نصائح شكرا Ajial et hamza للاستماع للراديو مباشرة ajialfm/player صيفطو تا نتوما مشاكلكم برسالة لصفحة RADIO AJIAL
Posted on: Mon, 12 Aug 2013 01:12:58 +0000
Trending Topics
Recently Viewed Topics
© 2015