في الأولي قلنا اللي رابعة إرهابيين ويستاهلوا علشان معاهم سلاح رغم ان المعتصمين مات منهم 700 وده تقريبا العدد اللي مات يوم جمعة الغضب كلها في كل محافظات مصر سواء في المظاهرات أو قدام ورغم ان الشرطة مات منها 3 في فض الاعتصام وأظن ان ده يبين العنف كان تقريبا من طرف واحد. في التانية قلنا أحدلث رمسيس عادي يعني لما يموت 100 في مقابل هدف سامي اسمه مكافحة الإرهاب ورغم ان المسلحين الإرهابيين دول مقتلوش أي حد من الشرطة في اليوم ده. طبيعي مادامت الشرطة الوطنية لقيتنا شعب مهاود كدة تقتل 36 جوة عربية ترحيلات وتطلع تقول لنا اطمنوا محدش هرب. ماهو طبيعي محدش يهرب لأنكم قتلتوهم كلهم. سلسلة التنازلات تبدأ بتنازل وخالد سعيد لو كان اخواني ومات دلوقتي كنا هنصدق انه بلع لفافة بانجو ونشكر الداخلية كمان وندي الجيش تفويض لمحاربة المدمنين. ياجماعة وربنا ممكن نعارض الإخوان ونعارض برضه أي تصرف غلط من الدولة بلاش عشان انسانيتنا عشان الكلمة دي بقت بتضايق ناس كتير لكن كمان علشان نفسنا وعلشان ولادنا وعلشان مناخدش عزاء حد بنحبه لمجرد ان الدولة قالت انه ارهابي. في انتظار دروس الوطنية واتهامات الميوعة
Posted on: Sun, 18 Aug 2013 22:20:20 +0000
Trending Topics
Recently Viewed Topics
© 2015