15 pyetje “qesharake” që vazhdojmë t’i bëjmë çdo ditë… 15 pyetjet që nuk kishin asnjë arsye pse të bëheshin, pasi veprimet i tregojnë vetë përgjigjet që duam. Por ne vazhdojnë akoma të pyesim… Përse? 1. Sa je kthyer në shtëpi dhe të pyesin: - Erdhe? (Jo, jam akoma në rrugë, po vij!) 2. Të telefonojnë në numrin fiks të shtëpisë dhe të thonë: - Alo, në shtëpi je? (Jo, jam në fushë, përgjigjem prej andej!) 3. Në lokal: - Një frape të ëmbël pa… - Pa qumësht? (Jo, pa kafe!) 4. Takohesh me një mik dhe të thotë: - Ç’a bën shoku, ku je? (Tek cepi përballë!) 5. Ndez dushin dhe të pyesin: - Do lahesh? (Jo, e ndeza që të harxhojë korrentin!) 6. Vishesh dhe përgatitesh të dalësh, kur dëgjon: - Do dalësh? (Jo, po provoj rrobat!) 7. Ha gjithë ushqimin dhe kërkon një pjatë të dytë, kur të pyesin: - Të pëlqeu? (Jo, por po ha mos të të ofendoj!) 8. I thua shokut që ke gjetur të dashur dhe të pyet: - E mirë është? (Jo, por një shpirt që ka për të dalë…) 9. Vjen hidrauliku në shtëpi dhe pronari e pyet: - Erdhët për çezmën? (Jo, erdha të ndryshoj llambën dhe të var perdet!) 10. Ora 12 e natës, vesh pizhamet, thua natën e mirë dhe drejtohesh për nga dhoma jote, kur të pyesin: - Po shkon të flesh? (Jo, po vete të hedh beton në ndërtim!) 11. Ulesh në një lokal dhe kalon një i njohur: - A, këtu u ulët? (Jo, tek lokali matanë!) 12. Shkon në një pikë karburanti, zbret nga makina dhe hap kapakun e depozitës së benzinës, kur dëgjon pyetjen: - Benzinë do? (Jo, dua t’i hedh portokalltë!) 13. Merr në telefon punëtorin që hap dyert, se të është thyer çelësi. Vjen pas 40 minutash, të gjen jashtë derës së shtëpisë dhe të pyet: - Mbete jashtë? (Jo, thjesht gjej mënyra të ndryshme për të hyrë në shtëpi!) 14. Të marrin në telefon në darkë dhe kur përgjigjesh, të pyesin: - Zgjuar je? (Jo, po të flas në gjumë!) 15. Je mëngjarash dhe po plotëson një shkresë, kur të pyesin: - Mëngjarash je? (Jo, m’u lodh dora e djathtë dhe thashë të përdor të majtën!)
Posted on: Mon, 26 Aug 2013 07:27:04 +0000
Trending Topics
Recently Viewed Topics
© 2015