A TAWK TAWH A LAWM! Ni e, kha chen en chein ka bihthla ve reng che a, ka hmu ve reng bawk che asin. Mi-â nileng han nih bawk si loh chuan kan hmu ve kur tho si a, chuvangin hlin theih loh sa na na chu ka chhuah mai loh nakah le! Vawi tam a nihna tak hmangin ka vawm ngun teh thawr bawk che a lawm le! Hman atang tawh khan chu chu ka hmu tawh a ni. Kha ni, beiseina sang tak nena i hnen ka rawn pan ni ngei atang khan. Mawlmang taka min thlahin mi kal liam tir a nih kha! Tawn nei zawk tawh i nih angin a nihna hai tawh tur chu i ni lo! I hriatsa leh i lo tawrhpui hrep tawh, chu natnaina a lo bawh chawrche hial tawh ngei chu i ni tih ka hria. Awmzia reng a nei lo nge kha thil khan? Nge nia i tum/chiang lo hrim hrim zawk? Ka sawi ang ngei khan i chianna tak a nih loh chuan beiseina min siam lo turin ka chah ve lawm che a ni lawm ni kha? A ni tak e, ka biak ve chhun a piang chein chhuanlam fahrah te te leh ka ngaihthlaka mawi lo khawpin chu kan inbiakna chu i diariam thin tak kha maw! Heng hi ka duh loin a mawi loh thu lah tun anglai khawvela sawi atan thil mawi lo hulhual zawk a ni. I chiang ta ni turah ka ngai ta bawk a, a nat tur ang leh beiseina bo tur ang chu kar tam liamta khan ka lo hmu daih tawh a lawm! Ni e, tunah chuan Hmangaih thu ka hlanna che kha kei ka nun diriamnaah a lo chan tak siah chuan ka sut leh hreh ta hauh lo mai! Chanchin tha zawng leh kan hun kal tur lam reng sawina hman awm lo karah chuan eng vangin nge maw ka thuthlukna hi a pawmawm loh teh lul ang ni!(?) Aw le, i ngaihdan turah ka buai tawh lo a ni ber e. A dik a ni, ka ngaihdan turah engmah ngaihtuah reng i neih loh thin tho kha le! Na tawh tur a nat tawh tak siah chuan nat belhchhaha khua ka tlai zel hi keia mahni hmasialna lo awm ve reng si chuan a lo pai dam thei bik reng reng hlei nem maw le! A that zelna turah indah phawt teh ang. I rawn thin leh i koh lawm thin pawhin rem a tih pui loah che i ngai mai ila a sual tam pui loin rilru natna a awm tawp nang! Ka sawi thui ta hle mai, duhtawk nan pakhat leh chiah aw: Hmangaihna phena inlaichinna hi upatna hian kawng ro a su bik miah lo a, Hmangaih lo chan tawh leh lo nei tawh ka ni ve mauh nia! Chumi chu mitha leh fel tak, entawn tlak tak mai leh nunnem zaidam tak, mipa zahthiama an hnuaia kun dan hre tak mi a lo nih ve siah chuan khangte khan i awmdanah buklung a chan thin ve ta miau si a ni! Chuvangin i awmdanin a buk zawh tha thum tak si lohah chuan hmuh tlin leh pawm hi i harsa ta em a ni e. Ngaihnathiam rengna hi inlaichinnaa dinhmun ropui tak changpha; HMANGAIHNA kawngah chuan a khawngkhawbai deuh ka ti a ni. Duhtawkin duhtawk ta zel mai ang aw? Tichuan, nangpawhin, A hmaa ka awm dan ang khan awm leh ka duh, i lo tihfo thin nun chu i nei let leh thei ngei dawn bawk a ni. Mi sawi thin angin kan tlip ve mai ang e aw, Kumtluang atan mangtha bawihte tiin.
Posted on: Sat, 30 Nov 2013 22:02:53 +0000
Trending Topics
Recently Viewed Topics
© 2015