AW JERUSALEM, OH JERUSALEM! (Engtikahnge Harmegaddon Indona i tih chhuah dawn le?) 1990s chhova Hindutva atchilhtu Hindu fanatic-BHP/Bajrang Dal leh BJP ten Kar Seva hnatlang kohva Rama Temple awmnaa sawi Ayodhya hmuna Muslim Mosque Babri Masjib mu nuai chuang pungkhawmin an vuak chhiat khan, India mai ni lo Muslim khawvel thina rim hle a; an lungril ril na a dam thei mawlh lo. Jerusalem khawpui inchuna pawh khuan Judate leh Muslim rinna thlarau khawvel ati dam thei mawlh lo ve! Engtikah tak Indopui 3na (WW-III) tichhuak ang maw? Khawvelin a thlir reng! Judate chuan Jerusalems Old City hmunah ngei tawngtai phutin, Muslim ten an remti ngai dawn si lo. Juda mipuite chuan public worship hmuna siam ngei an tum ruh hle. Kar tin maiin Jews mipuite chuan Tahna Bang thlang (Western Wall) lamah chuan Bawkte khawh duhin, thing in sak an tum a, chutianga che tlate chu police ten en zuiin buaina chhuah ven nan mobile phones a mi an biak pawh an ngaihven thin hle. Western Wall hi he Leia miten in hmun lo ram (real estate) din nana an duh ber ram, tiin The Washington Post chuan ati hial! Tunlaiin Israel Knesset (parliament) chuan engtinge Dan an siam ang, tiin Juda duhfirfiak (extremist) pawl PM Benjamin Netanyahu sawhchiar sorkara telte chuan engtizawng mahin Muslim-Palestinian te kuta hlan an remti thei lo. Heng politicians te leh Netanyahu party- Likud te chuan tlem lua awm lovin West Bank, East Jerusalem leh Old City a Judaten Temple Mount an tih, Muslim hovin Haram al- Sharif or the Noble Sanctuary an tih chu thunun mai ni lovin, chan fai vek an duh a ni. Avid Visoli, chairman of Temple Mount Organisation chuan an pawl hnuaiah groups 27 zet awmin, Jews leh Muslim te then hran kan duh a. Western Wall chan ringawt a tawk zo lo, engkim atak chan kan duh a ni, ati. Kum 2000 liam ta khan he lai hmun hi Judate Temple Pahnihna dintharna hmun niin, Rom sorkar laka an hel avangin A.D 70 khan Rom sipai General huaisen Titus chuan sipai nuai chuang nen thla 6 chuang an hual beh hnuah a chhuchhe vek a, Judate pawh salah hruaiin a hnawtdarh vek a ni. Western Wall lam hi kum tin khualzin maktaduai 10 chuangin an tlawh hut hut reng a; temple nghaisak chhe bang chu an tan hmun thianghlim ber ala ni reng a ni. Chumi hmun tho chu Islam-Muslim te tana temple upa ber leh hlu ber al-Aqsa mosque awmna, Dome of the Rock niin, zawlnei Mohammed chuan chu hmun atang chuan zanah Vanramah vantirhkoh Gabrielan a hruaichho a ni, anti. He Dome of the Rock temple venghim turin thihchilh pawl al-Aqsa Martyrs brigade Palestininian-Muslim hoten an din hial a; Israel sorkar pawhin a buaipui hle. Hetiang hmun pawimawh hi Muslim khawvel leh Palestinian te chuan chan ngei tumin, thangkhat lian vawi engemawzat thisen leh mittui nen an lo bei tawh a ni. Chu hmuna Islamic Trust- Waqf hotu Sheik Azzam al-Khatib chuan, He hmun hi Muslim mipuite ta a ni a, midang tuma ta a ni lo, chu hmuna tawngtai turin dikna an neilo. He hmuna mosque awm lak luih an tum chuan, khawvel hun tawp intanna a ni ang. West Bank a chengte chauh ni lovin-Islamic khawvelin a remti dawn lo bur. Enge lo thleng ang tih chu Pathian (Allah) chahuvin a hria a ni ati. Jerusalems Old City ang tho vin, kum 1967 thleng khan Jordanian thuhnuaiah a awm thin a, mahse, Israel-Arab indo Six Day War ah khan Israel ten an la vek a ni. He hmun(site) hi Waqf pawlin enkawlin an venghim a, Israel Police te pawh patrol thinin, chu hmun tlawh Judate an veng thin a ni. Muslim ni lote tan pawh zalen taka tlawh phal niin, tawngtai erawh phalsak an ni lo. Chu hmuna Israel Security officers te chuan tlawhtute uluk taka enzuiin , tawngtai, hla sak leh kun/ bawngkhup lo turin leh an puante pawtthlera sakhaw thil entir lo turin an hrilh thin a ni. Israels Chief Rabbinate chuan Jews te chu Temple Mount chhehvel (esplanade) tlawh lo turin an hrilh a; tihpalh thilin Holy of Holies awmna, temple chhung (inner sanctum) an rah palh an hlauva, chutah chuan Ark of the Covenant chu la awma ringin High Priest-puithiam lalber chauh a luh an phal a ni. Politicians zingah pawh ngaihdan in anglo awmin, enfiah (re-examined) duh an awm. Israels Dy minister of religious affairs Rabbi Eli Ben-Dahan chuan, Judate chu Ni 1 chu darkar 1 tal chu hmuna tawngtai rual neih a rawt. Chutia Parliament a rawtna a han siam chu Arab-Israeli parliamentarian ten lo au buai nghalin, Chutiangin Temple Mount-ah hmun thianghlim-Holy of Holies, Ark of the Covenant a awm tawh lo anti. Israeli committee chairwoman Miri Ragev chuan Israel khualeh tui tu pawhin, chu hmun thianghlima tawngtai theihna annei, tuma tibuai tur a ni lo ati. Arab-Israeli MPs te chu Barbarian!, Fascist!tiin an au chhuak a; Hetiang anih chuan Intifada-in nasa zawkin buaina a siam ang, ati. Intifada hi Palestinian hoten thilhchilh ngama Israel thiltih, sakhaw thil nen la kawp an dodalna a ni. Thih hi tin ther tiat pawhin an hlau hauh lova, pakhat te mahin an hlau lo! Kum 2000 khan Israeli PM duh rum, Gen. Ariel Sharon chuan police 1,000 venin he Temple Mount hi a lo tlawh tawh a; chumi tum chuan Palestinian te chu Khualnghal bu tihdarh ang maiin Israel te bei turin an hel (intifada) a, he intifada tum 2na avangin Palestinian leh Israeli ten an thih phah a nih kha. US President Bill Clinton huna remna kawng zawn pawhin awmzia nei lovin an buai phili zo va
Posted on: Wed, 04 Dec 2013 08:22:46 +0000
Trending Topics
Recently Viewed Topics
© 2015