BALIK LANTAW NGANO GI DEMOLISH ANG MGA BALAY NGA GIAROK SULOD SA LOTE NGA GIPANAG-IYAHAN SA ACHONDOA AGRO-INDUSTRIAL CORPORATION. Sa dugay nga panahon gipanag-iyahan sa Achondoa Agro-industrial Corporation,Inc. ang 3 ka parsela sa lote nga mao ang TCT No. T-4757 nga may gidak-on nga 40,530 square meters ug TCT No. T-4760 nga may gidak-on nga 51,151 square meters ug sa TCT No. T-4755 nga may gidak-on usab nga 68,949 square meters. Sulod sa TCT No. T-4757 ug TCT No. T-4760 adunay 23 ka buok nga nanimuyo nga walay panugot ug gipasagdan lang sa mao nga tag-iya nga mopuyo. Laing 107 usab nga nagpuyo sulod sa TCT No. T-4755 sa mao gihapon nga kahimtang sa duha nga parsela. Gitudlo sa mao nga korporasyon si Emma T. Añora isip property administratrix (administrador) sumala sa pagpamatuod sa kalihim sa korporasyon. Agi ug binuwagan sa mga saop niini, tipik sa maong mga lote gihatag alang kanila. Apan ang kadaghanan kanila human madawat ang ilang lote, mibaligya usab niini ngadto sa lain. Usa ka kalapasan sa sabot tali nila ug sa mga saop niini. Tungod sa tuyo sa korporasyon nga ang mga tawo nga nanimuyo niini mopahawa, sila mihanyag nga taga-an sila ug kabalhinan apan kini nga hanyag wala dawata sa mao nga mga tawo. Pinaagi sa ilang administrador nga si Añora, mipasaka kini ug 2 ka kaso sa ejectment ug damages, Civil Case No. 007-2008 batok sa nanimuyo nga 23 (Enerito Govino,et.al) sulod sa TCT No. T-4757 ug TCT No. T-4760 ug Civil Case No. 008-2008 batok sa nanimuyo nga 107 ((magtiayon nga Laureto Tongao,et.al) sulod sa TCT No. T-4755 niadtong Marso 6, 2008 pinaagi sa ilang abogado nga si Jose Victor E. Aberilla, didto sa Municipal Circuit Trial Court sa Manticao nga ang judge mao si Renato Arroyo isip. Gipangayo niini sa korte ang mosunod: mapapahawa sila sa mao nga mga lote nga gipanag-iyahan niini, magbayad kini sa abangan nga P50.00 matag bulan gikan sila mipuyo hangtud sa ilang pagpahawa, magbayad kini jointly ug severally ug P50,000.00 isip attorney’s fees, ug sa pagbayad, jointly ug severally, sa gasto sa paghikay sa mao nga kaso. Kini nga kaso subay sa mando sa balaod, miagi kini ug mediation sa tinguha nga matagaan sa kahigayonan nga kini ma settle. Sa mao nga mediation ang korporasyon mihanyag nga bayran ang mga sinumbong sa P5,000.00 kada usa niini isip financial assistance ug libre nga paghakot sa ilang kabtangan sa panahon sa ilang paghawa. Ang mga sinumbong wala mosugot niini ug padayon nila nga wala ilha si Añora nga representante sa korporasyon. Busa kay wala man magmalampuson ang mediation, gibalik kini ngadto sa korte. Sa pre-trial, ang mga sinumbong uban sa ilang mga abogado nga sila si Leo Zaragosa ug Jerry K. Mero, misugot kini nga maghimo ug relocation survey sa lote nga 1797, 1799 ug 1800, CAD 698 sa tuyo sa pagsuta kinsa ang mga nanimuyo niini ug iapil ba sa isumbong. Ila na-uyonan nga ang sugoon nga surveyor mao si Antonio P. Ravacio sa dakbayan sa Iligan. Engineer Antonio P. Ravacio, niadtong Septembre 30, 2008 misumiti sa iyang report sa korte. Si Judge Arroyo miisip niini nga usa ra ka kaso mao nga ang iyang hukom usa ra niini. Nauyonan sa tanan nga adunay 3 lamang ka issues nga sutaon sa judge sa mao nga sumbong nga mao ang mosunod: Una, kung si Añora ba adunay katungod isip representante sa korporasyon. Ikaduha ug tinuod ba nga ang mao nga mga sinumbong nanimuyo ba sulod sa ilang lote gawas adtong nag ingon nga sila mga saop niini. Ikatulo ug aduna bay tenancy o pagkasaop tali sa nanumbong ug sinumbong. Matud sa korporasyon nga aron makuha niini ug balik ang ilang lote, ila nga gisugo si Añora nga isumbong ang mga tawo nga nanimuyo sulod sa mao nga lote aron ipapahawa kini. Ila nga giangkon nga mga soak ang mosunod: Cristituta Abejo, Juanito Janolgue, Victoria Daganio ug Luis Govino. Alang kanila nga ang ubang sinumbong dili ilang saop kun dili mga anak sa ilang mga saop sama nila ni Anita Govino, Soledad Govino, ug Apolinario Govino. Alang kang Roa, dili tinuod nga aduna kini kasabutan ug kung aduna man wala usab kini mabayri tanan. Ang mga sinumbong usab miingon nga si Añora walay katungod. Nga sila nanimuyo sa foreshore area ug dili sa ilang lote sa korporasyon. Ang uban nag ingon nga sil mga saop ug nga walay otoridad ang korte nga mopapahawa kanila. Ang kaso sa Roa, ingon pa niini nga aduna silay kasabutan sap alit pinaagi kang Glyn Acaylar nga ahente niadto sa korporasyon. Mipakanaug ug hukom ang hukmanan ug kini miingon: 1) Si Añora adunay otoridad gikan sa korporasyon nga mopasaka sa mao nga kaso; 2) Dili pwede i-eject sa lote niini si Roa tungod ka yang pagpuyo niini subay man sa kasabutan tali sa korporasyon pinaagi sa ahente niini nga si Glyn Acaylar; 3) Adunay mga tawo nga nakasuhan apan dili sulod sa lote sa korporasyon sumala sa survey ni Engr. Ravacio (Christopher Arciga,et. Al) tungod kay gi dismissed kini sa korte kay kulang sa ebidensya; 4) 43 ka buok nga napamatud-an nga nanimuyo sulod sa mao nga mga lote ug ipapahawa (Laureto Tongao,et.al); 5) Tungod sa binulagan, ang mga anak sa mga saop niadto dili na isipon nga mga saop kay kining pagkasaop naundang ug naputol tungod sa mao nga kasabutan ug sa uban nga miangkon nga sila mga saop, wala kini makapresentar sa korte ug proweba nga sila mga saop; ug 6) sa isyu sa res adjudicate, dili magamit kay wala may na presenter nga kopya sa hukom sa korte. Kadtong nag ingon nga sila nagpuyo tungod sa donation niadtong panahon pa ni Elizabeth Janulgue, wala usab silay ikapakita nga proweba. Isip katapusan nga sulti, ang korte miingon: By way of epilogue: defendants’ occupancy of the land in question, regardless of the length of time, was by sheer tolerance that culminated upon receipt of plaintiff’s notice to vacate. A rude awakening, yes, but for defendants to remain on the property in question would be an exercise in futility. They would be better off accepting he cash offer and transportation assistance of plaintiff. A forced removal would leave them in a hard place.” Tungod niini ang korte mimando: nga si Achondoa ang angayan nga mokupot sa mao nga mga lote ug dili ang mga sinumbong, mimando sa mga sinumbong nga anaa sa listahan sa Surveyor sa pagpahawa sa mao nga lote ug ibalik ang panag-iya sa mao nga mga lote ngadto sa korporasyon, mimando sa korporasyon sa pagbayad ug P50,000.00 matag usa sa mga manununod sa mga saop nga sila si Luis Govino, Victoria Daganio, Cristituta Abejo, ug Juanita Janulgue isip katumanan sa obligasyon niini kanila nga wala mahatag niadto. Ang mao nga hukom gihimo niadtong enero 26, 2009 ni Judge Renato T. Arroyo,. Wala maka uyon ang mga sinumbong mao nga ilang giapela kini didto sa Regional Trial Court sa Initao ug mipakanaug kini ug hukom niadtong Hulyo 22, 2009: nga ang korte miila sa hukom sa MCTC nga ipapahawa ang mga sinumbong apil kadtong tua nanimuyo sa foreshore o sa baybay nga area, ang mahitungod sa kang Gil Oguimas ug Felix Canomay gi dismiss usab kay nasayop ang MCTC kay kini wala malabot sa listahan sa surveyor niadto, gisugo usab sa korte nga mopahawa usab si Meldae Roa ug pabayron ang sinumbong sa MCTC sa abangan sugod March 13, 2008 nga tag P50.00 kada bulan hangtud sa petsa nga ila kini iuli ngadto ug balik sa korporasyon ang lote. Sa Septembre 16, 2010, si RTC,Initao Judge Dennis Z. Alcantar, mi dismiss tungod saw ala merits ang motions for reconsideration nga gi file sa mga sinumbong sa MCTC Manticao nga wala maka ayon sa hukom niini. Ang abogado sa Achondoa mipasaka ug Motion for Execution of Judgment niadtong Enero 4, 2011 ug ang korte MCTC Manticao mihatag sa mando niadtong Enero 7, 2011 pabor sa mao nga motion. Mimando si Lou D. Laranjo, Clerk of Court sa MCTC Manticao sa Provincial Sheriff or his deputy pinaagi sa usa ka Writ of Execution ug ipahigayon kini sulod sa 60 ka adlaw. Mga sinumbong mipasaka na usab ug apelasyon sa mao nga mando sa korte didto sa Court of Appeals sa dakbayan sa Cagayan de Oro. Apan ang korte didto mi dismiss sa mao nga petition tungod kay kini napasaka gawas na sa panahon nga pwede I appeal-a ang mao nga kaso ug sa wala pagbayad niini sa mga docket fees ug uban pa nga legal fees. Ang mao nga hukom sa Court of Appeals gipakanaug niadtong Enero 20, 2011. Pipila sa mga sinumbong sa kaso Civil Case No. 008-2008 ug 007-2008 for ejectment and damages nga sila Jovito Jabagat,et. Al, mipasaka sa MCTC ug motion nga dili iapil kini pagpapahawa tungod kay kini nanimuyo man sa foreshore o baybay ug dili sa lote sa Achondoa. Sa order niadtong Pebrero 14, 2011, si judge Renato T. Arroyo mi dismiss gihapon niini tungod kay violation kini sa Section 51 of PD 1067 o ang Water Code of the Philippines. Sa mao gihapon nga kaso, si Judge Arroyo, MCTC Manticao mi bali wala gihapon sa motion nga gipasaka sa abogado sa sinumbong tungod sa mao nga hukom sa Pebrero 14, 2011 kay executory kini. Iya gihapon gi dismiss ni Judge Arroyo ang laing motion sa sinumbong sa dili pagpadayon sa writ of execution tungod kay ila kini gi apela pa tungod kay immediately executory kini. Gipakanaug kini nga hukom niadtong Mayo 2, 2011. Ang hukom sa Court of Appeals sa Cagayan de Oro City sa Enero 20, 2011 gi apela usab sa sinumbong ug ang korte mipakanaug sa mosunod niini nga hukom sa Septembre 15, 2011 nga wala modawat sa hinungdan ngano nga dili kadto i-dismiss. Sa Nobyembre 11, 2011 ang Court of Appeals mipahibalo nga ang hukom niini sa Enero 20, 2011 sa CA-G.R. SP No. 03953 hingpit na. Gidala kini agi ug apelasyon ngadto sa Supreme Court ug sa Pebrero 06, 2012, ang korte suprema mi dismiss gihapon niini tungod kay wala kiniy merits. Miluwat ug usa ka order si Judge Renato T. Arroyo sa MCTC Manticao niadtong Hunyo 4, 2012 nga nagmando sa pagpapahawa ug pagguba sa kabalayan sulod sa lote sa Achondoa apil kadtong anaa sa baybayon o foreshore areas. Gi apela gihapon kini sa mga sinumbong tungod kay questionable pa gihapon ang otoridad ni Añora. Si Judge Arroyo sa order niadtong Agosto 7, 2012 mi dismiss gihapon niini tungod kay humana kini nahukmi ang mao nga bahin. Niadtong Oktobre 18, 2012, ang order sa Supreme Court niadtong Pebrero 6, 2012 nahimo na nga final niadtong Hunyo 14, 2012.
Posted on: Fri, 05 Jul 2013 06:22:48 +0000
Trending Topics
Recently Viewed Topics
© 2015