BREAKING NEWS TI ILOCOS: "PUERSA TI PHILIPPINE NATIONAL POLICE DITOY MARCOS, BANBANTAYAN DA TI MUNISIPYO DA" LAOAG CITY – Saan a pumanaw dagiti nakadeploy a puersa ti Philippine National Police (PNP) nga agbantay iti munisipyo ti Marcos Ilocos Norte gapu iti agtultuloy a tensiyon. Kadua dagiti pulis ti ili a Marcos dagiti augmentation force manipud RMG nga agbantay iti munisipyo nga ayan dagiti dua nga agak-akem a mayor. Ni Mayor Pillos ket adda iti Office of the Mayor kadua na ti abogado na kalpasan nga indauluan na ti flag raising ceremony. Adda met iti Accounting Office ni Mayor Agustin kalpasan a nangangay ti meeting kadagiti department heads. Kuna ti DILG officer ti Marcos nga awan pay naawat da nga order manipud iti nangatngato nga opisina ti DILG mainaig no siasino kada Pillos ken Agustin ti mabigbig a mayor. Ni Mayor Agustin ti inproklama ti Comelec kalpasan a nangabak iti May 13 elections idinto a ni Mayor Pillos ket nakaala ti writ of execution iti inpila na nga election protest kontra kenni Agustin.
Posted on: Tue, 02 Jul 2013 04:40:48 +0000
Trending Topics
Recently Viewed Topics
© 2015