Biological Poultry Farm Seru Machu bv kier rekordabu ku Diasabra 7 di december lo bai tin e proximo edishon di e Mini Expo di animalnan domestiko. Nos lo bai tin un stent durante di e Ban Topa di KRIABON situa na Kaya Jatu Baco no 55. Kaya Nikiboko Noord, pasa more for less sigi kore rechtdoor, pega ku e edificio di ABVO, Aquamarin School. Orario di 8 or pa 1 or di merdia. Durante di e Mini Expo aki nos lo tin na benta diferente rasa di galinja manera eo: Galinja Dominik, Pluma Bira, Japanes blanku, Buff orpington, Silkies, Giant Cochins, galinja guini blanku y tambe shinishi Codornis, Kalakuna, Diamant duiven, Pauwis y tambe Morkoy Ju y tambe Morkoy mediano. Nos kier ponebu na altura ku nos lo bai tin tambe un sierto kantidat di guiambo y konkommer chiki na benta e mainta aki (posiblemente kouseband tambe). E Zeta di berehein y Mitaban tambe ta bai tey. (Zeta di Berehein ta pa alivia dolo di Rheuma y e ta juda sirkulashon di sanger. Mitaban ta hopi efektivo den tratamentu kontra di karpata na kurpa di kacho. GANGANASO no 1. durante di e benta tur kliente lo risibi na kwalkier kompra hasi na nos stent, un ju di patu kompletamente gratis tanten tin ju di patu na stock. GANGANASO no 2. Tur kumprado ta partisipa pa gana un Gans grandi pa kwida nan kura. Tur lokual mester hasi ta ora hasi e kompra na nos stent, reklama bo formulario jene tire den nos buzon. Rifa lo tuma luga 1 or. E ganado por bai kas ku su premio mesora. Rekomenda e email aki na bo kolega, bo amigunan y famia. Pa mas informashon tuma kontakto ku nos via email of na tel: +5999 5141313
Posted on: Tue, 26 Nov 2013 00:07:51 +0000
Trending Topics
Recently Viewed Topics
© 2015