“CITY ORDINANCE 196 GIPASABOT SA MGA HABAL-HABAL DRIVERS” Gibansay- bansay sa mga personahe sa Maayong Panglawas sa pagpanguna ni Dr. Cecilio Siglos ang mikabat sa 100 ka mga habal-habal driver dinhi sa dakbayan sa Dipolog kabahin na sa City Ordinance 196 kun No Smoking Ordinance. Gipasabot sa mga nasangpit nga mga partisipantes ang mga topiko nga gipanghisgutan sama sa Effects of Smoking, Red Orchid Awards, Crime Prevention ug ang Bomb Threat Awareness and Identification Seminar. Ang mga lecturers gilangkoban nila ni City Health Officer Dr Siglos, Mr. Larry Padilla sa CHO, Team Supervisor , P03 Arvin Acaylar sa Explosive Ordinance Disposal Division Regional Public Safety Battalion 9 ug si PSI Eleno Dondoyano. Ang tumong ug tinguha sa maong bansay bansay mao ang paghatag ug dugang kahibalo sa mga habal habal driver kabahin na sa mga sakit nga ilang makuha dinha sa pagpanigarilyo u gang mga angay pagabuhatun kung adunay mga butang ug tawo nga katingalahan ug lihok. Sa pakighinabi ngadto sa personahe sa Dipolog PNP nga sumala pa nga daku ang tabang nga gikatampo sa mga nahisgutang partisipante gumikan kay sila anaa sa mga kadalanan matag adlaw ug magabii aron mamasahero ug aron usab sila masayud sa mga angay nga pagabuhatun kung adunay mitumaw nga mga dili maayong panghitabo. Sa susamang bahin mipabati sa ilang pagpasalamat ang mga habal-habal drivers nga sila gipaapil sa maong seminar ug gitagaan ug pagtagad sa atong kagamhanang lokal sa Dipolog ilawom sa pagpangulo ni Mayor Evelyn T. Uy nga mahatagan sila ug mga mahinungdanung impormasyon aron makatampo usab sila sa pagpalambo sa dakbayan o katilingban (CIO-ZSM).
Posted on: Mon, 19 Aug 2013 06:46:43 +0000
Trending Topics
Recently Viewed Topics
© 2015