Emendveni kukamkhatsali . Maye, kitsi ngiyakhumbula. Emabaleni aboMasenjane naChipanga. Lapho nganggijima emabaleni ngeluvadla. Ngilitjitji phaca - ngitigcabha ngebutfobhi bami. Lamuhla, kube mane - kungasiwo umthantazo wetiborhwa, Ngibuyela kitsi. Hha! Thula mfati, Emendveni kukamkhatsali. Ngakhula, ngacabuka buntfombi. Wefika Themba angelutsa - ntfombatane yakabo maye umuhle futsi mine umfoka Matse, ngiyatishela ngawe. Ngametsemba, inhlitiyo yabhakuta, angishisa emalovulovu elutsandvo ngamandzatela - kuhle kwenja ifele elangeni, Nami ngiyakutsandza. Mama,Mama! Lingishonele. Kepha, wawungishiyelani? I lent a deaf ear, Ungichushisa. Lamuhla, sowagona ematje ngesifuba, ngiyakukhumbula, kunayi nsindzabetjatse lengibhekene nayo. Maketala ngatsi ngimuva emanti, watenta kati lonetitfo ngami, wagcuma wahlala lapha - Thula mntfwanami Tebantfu lababili atingenwa. Thula mfati Emendveni kukamkhatsali. Isekhona yini imphilo kulona waDlamini umntfwana, Lingekho lamahhala. Angabufaka nje, libhubezi - lelibhavumula impela. Ngivundze wonkhe lomtimba - sincane selikotapeni, Angitenti. Themba ngametsemba, ngamfaka enhlitiyweni yami. Ngamphatsisa kwemacandza. He deflowered! Lamuhla, akanamahloni uchoba tin tfwala ngesagila. In the woman he once said he loved, he sees a punching bag. Umfwana longakhali ufela embelekweni. Butfobhi bami ndvodza mphini ubutsetse, wendlula lapho wangibeka sandla. Luphi lolutsandvo buwuligabatisa, muhla ucala kungibona? Sengenele ngawe! Nami ngingumuntfu ngiyaphila, naminginemalungelo. Bakulutsa batsi, umfati ngumuntfu angavula ematsanga. Nani, nami ngingumuntfu ngiyaphila. Indvuku ayiwakhi umuti!! Ncono ungibophele imitfwalo, ngibuyele kitsi - emabaleni aboMasenjane naChipanga. Sengenele ngawe!! Indvuku ayiwakhi umuti... Inkhondlo yesiSwati
Posted on: Sun, 14 Sep 2014 20:42:19 +0000
Trending Topics
Recently Viewed Topics
© 2015