HILCHIANNA Tulai i nam sung ah thuthang um veng vung lak in pilvang tak a paudan thiam hitiu. Hi-na dawl hechiante a ding in thuthang i hiatteu hi zachak um ma ma ahi ti hezing kawm in a ngawl deu zaw veng khat sung a cheng a, uphok tuikul sung ah um gual maite gual in a dangte pau leh tawi puai tiu. Veng khat sukkhial ziakin i nam sung ah phung khat, bak khat leh bawng khat suk minsiat da ham hitiu. Nop leh da in genlo theilo dinmun ah ding a ki hi tak ziakin zia thu tamlo ka hun taklang nuam hi: Zani September 10, 2014 nitak 4.00 pm in thilsuak tawh kisai lekha ngei in muthei in hiatchian ahi. Zia dungzui ah chun office ah 7:30 pm chan genkhawmna nei ahi zaw in Emergency Meeting a huap lian thei pen in ko ahi. September 11, 2014 zinglam dak 10.00 AM in meeting pat ahi. A kisaipi diak phung ah upa pen leh aman a sa-ting sena innpi-pa le ko ahia, khua chuam chuam ah hausa gen phak zosia le ko ahi bok hi. Upa pen in a dawilo thu leh zachak um a sak dan a gen hi. A kipeite kiang ah a dawilona thu a gente le a chiakhawmte kiang in taklatna a nei hi. Ama sa-ting sena innpi-pa ngei in le lamdang a sak thu a gen bep hilo in naupa inn chuan theilo ahi dan a gen hi. Hausa chiakhawmten le a thu hekhalo ahi dan uh gen in, thil hitheilo a hidan taklatna a nei chiat ui. Consensus ah thupukna dungzui in lampi ni ah pan lak ahia, i namsung kipumkhatna hi bang hung tung ziang leh le kepbit hi ngei in a ti i kinepna leh i pauchapna ahi. Tutiang ahin ki bawzui in zing ni September 12 ahung suak tawh kiton in thupha in ei lamtua i kinem hi. By. VPC Secretary Taken from: Khawvaiphei
Posted on: Fri, 12 Sep 2014 11:15:45 +0000
Trending Topics
Recently Viewed Topics
© 2015