[He thil thleng hi a hlimawm zawng tura ziah a ni, A tak tak behchhan a ni a, He article hi 2007 a mi tawh a ni a, ka thiannu pakhat in min request avangin kan dah ve nge, chhiar peih tan. He ta ka thianpa hi Johny Lalengnmawia tochhong hi a ni :) ] KA ZEN IN! Chet chhuahna tantir: Tichuan phur fahranin secondhand-motor leina hmun atang chuan kan han khalh chhuak ve ta chu a nia(h)…Ringroad kawng zawlah chuan a duk hian kan duk pur pur mai a, ala chak viau in ka hria, kar loah South Extension - II chu kan thleng phei mai a. ka rilruah chuan Motor thar nei ve ta cheng chu zanin zet chuh Cousin-te han sawm mai tur an awm hloh ang em aw.. tiin, thil sang tak leh ka rilru a la awm ngailo thilte ngaihtuah nan ka rilru ka senga, motor tui(petrol) hi han thunkhat peng pawng phawt mai ila, zan lam chhuah nan tiin Petrol pump lamah chuan ka han tlan lut phei a, tukverh chu ka han hawng a, a khat a thun turin ka han ti a, petrol thunna hawng tur chuan min ti a, in la zei fahran chuan chahbi nen chuan ka han zuang chhuak nghala, mahse maw…chahbi thunna tur a kaw miahlo makka ti khawp mai. Thingtlangpa tih takah motor chungchang hi ka hriat tam loh thil tak mai a ni roh a, ka khalh lirthei ve tawng tawng a ni mai a, truck handle-man ka tan lai kha chuan a tui thunna kha tala khan kan kalh mai thin a, mahse he ka motor thar lei hi chu a chhung atanga hawn tur ani tlat mai, Vaitawnga min biak pahin a khalhtu thutna hnuai lama bawk chu an han kuaia chu chu a hawnna a lo ni renga. Mahse hrelo anga awm chu ka thil tih ngailoh a ni mauh mai, ‘Oh…just kidding’ ka han ti puam talh a, an nui ngam ta lo niin ka hria. Sawihona: Kum 30 ral kai dawn hnaihtawh hnu pawh hian keh thei dawma an la dawm, Fapa duat lai ka nitih kain hre khiau a, amaherawhchu puitlin lampan tura ke ka penna kawnga than ti hnufawmtu a niin ka hria. Fapa duatin amamawh a sawi hunah an lu a hai dantur pawh ka suangtuah buai duh lemlo. He lirthei hi neih ve ngei ka tum ber anih tlat avangin, kan chhungkaw sum leh pai dinhmun ka ngaihtuah hauh lo. He thil liantham kan chhungkaw economic dinhmun chawkchhe vek theikhawp leitur hi chuan Ka Pa ai chuan kanu rawn a fuh zawk dawnin ka hre leh tlat pek a, a nin alo sawi fel vek mai dawn a ni tih ka hrereng mai. kanu chu biakhlatna in kahan bia a, peh hel kual deuh chungin Delhi changkan zia leh tumahin kepahnih nei an khalh puat puat tawhloh thu te leh nunna atana a hlauhawm thute, mitin maiin kepali nei an khalh tawh zawk ziate, kepalinei lirthei kawl hminghmerha sawitur ka hriat loh laiin mizo zirlai tam zawkin motor an kawl fur thute ka han chham chhuak bawk a; ka rin ang ngeiin min Amen pui titih nghal der mai. Tun hnua ka hriat leh danin Chhungkaw special committee ah an lo pulut a, Kanu hi a duhzawngah chuan bengvar tak mai ani a, ka pi leh pu te a hmain a lo hmin vek tawh a, Kapa chu an hmin rang viau a ni awm e. Chhiatna Rapthlak leh a beh bawm: Khua a thim ta, a head light pawh a eng tha viau mai. Phairam la awmtam lo tih takah foreigner nideuh tlat hian kain hre pek a. Motor chhuak thar hming hriat loh pawh kan tawk phei zela mahse ka chuang chak bik hauh lo. kan tlan phei zel....nupui neih ve huna honeymoon hmanna atana ka lo hisap rilruk ve rauh rauh thin, Five Star Hotel ‘Hyatt’ kawtah ngei mai chuan a hawk dut dut a a thi ta hmiah mai, e khai! Hrilh avan hai ve, khawihthiam ka neilo, angaihna ka hre lo, a chahbi herh chiah chu ka thiam awm chhun a ni ta, hetiang lam thil hi ka til thenna lam pang loh zawng tak mai a ni si a, ka tet te atanga zirna lam ka luhchilh atanga Degree lehkha ka lak hnuthleng hian hetiang thil lam reng reng ka la zir ngai hauh lo, a teuh ber tur awm a ka ngaihlah chhiarkawp! Chu lah chu ka subject bat zingah a tel ziah leh nghal. A nawr kal tur chuan thianpa johny a nen chuan inrawn angai hran lo; kan chhuak rual! a sir veilam leh ding lamah chuan motor chak zet zet in min rawn pel fur fur mai bawk a, kan eu zawk zawk mai. Khat..hnih..thum.. tihpah chuan tanhmun kan han khawhta aleh, thianpa lah duai biklo hnuailam en ngalin alo tang sai ngawr ngawr mai bawk a, kei lah ka chawlak dante ka ngaihtuahin chutiang thil lian tham pawh nilo chu nawr kal thei mai turah chuan ka han inruat ve thla rawk a..mahse a lo nilo, maktak a ni! Bawng nuar hnuh kal tum ang mai nawr na lam apiangah chuan atang tung zel mai, kan hnung lama Lirthei rawn tlan te lah chuan renlo baksakin horn an rawn hmet te tuarh tuarh hlawm bawk vei nen; kan motor thar lah kal thei bawk silo. Hyatt kawt a guard ho lah chuan a hmalam deuh a ding turin tawng hriat loh leh zaizirin minlo ti ve sek bawk nen. Ka mobile phone lei thar hlimhlawt, call ka dawng nge message ka dawng tih a ri atanga ka la man thiam mai theihloh lah chu lo ri ve sek bawk a. Bihchianna leh Tlipna: ka han kal hel vut vut a, a ke hnung veilam chu a thep vek a ni tih ka zuk hmu a, Satel ke tliakan sawi ang mai thianpa awmna lamchu a nger tauh mai a, Hyatt bula guard ho lah chu min nawrpui an châk hranpa vang pawhni hauh lo in an mikhualte motor kalna tur kan dal avang chuan keini aiin an rawn hmanhmawh a, pakhat zawk chu a chhungah chuan a rawn thulut tharh a, eng eng emaw a khawih hnuah chuan kawng sir lamah chuan kan innawr thleng ve hram a. A hmalam bonnet cover emawni bullet cover emawni hawng tur pawn hun a duh rei khawp mai, kan khua a ka sihdet hman thin; a en theihloh chang pawh a han ben deuh chawrh a eng leh mai thei ang turah khan ngaihna ka’n nei leh tlat pek a, na deuh in ka han khar leh ringawt thin…mahse a nung thei chuanglo. Theih ang tawk chu kan chhuah ve ngei mai mahse eng a ang theilo. Enge maw chu diklo a awm a ni tih chu ka chiang, ‘A’ pawl pass lo pawn an hria ang. Ka rawlthar chhuah hlima truck handle-man a ka tanlaia correspondent a motor workshopah admisawn kalo la lo kha chu aw…ka ti deuh rum rum mai! Tangka lah siki pawh ka nei tawh bawk silo. Chhungte lah han hrilh ngam chi a ni tawhlo, biakhlatna in a rawng nalhzia hahipin ka lo han hrilh chamchi tawh bawk si. Kan Arpui tuilai ‘khuali’ thlenga an hralh fai vek tawhhnu a a chhiat thu lo han hrilh chu thil tih namai anilo. Angaihna hrelo tak chungin chu thlasik zan khawvawt hnuaiah chuan thlan tlaphungin ‘Zen’ thar bulah chuan kan ding a. ‘Ka zen in’ kan inthlah kual ang chu ka lo tih rilruk ve teh reng nen Ka zen chunga tuilo zeta haw a ngai dawn ta reng mai! Kan hlimna tur emaw kan tih te hi lungaihna min rawn thlentu an lo ni leh zawk fo thin anih hi te ka tita a. Mahni sa nawmna tur ringawt ngaihtuaha Chhungkaw tlin phak bak, miin annei tih vanga lo awh ve ringawt mai te pawhhi thil finthlak ber chu a lo ni lo a nih hi tirilru chungin thlarau lama piantharna nimiah chuang silo mahse tisa lama inhmuh chhuahna ka changthar nite hian ka inhre ta roh a.
Posted on: Mon, 07 Oct 2013 16:29:12 +0000
Trending Topics
Recently Viewed Topics
© 2015