ISLAAM HAQ HAI ( Part 77 ) BISMILLAH HIR RAHEMANIR RAHIM YOUM - E - QAYAAMAT ALLAH TA - ALA FARMAAYEGA AYE DAWOOD ! AAJ USI TARHA KHOOBSURAT AUR MATARANNUM AAWAAZ ME MERI HAMD - O - SANAA BAYAAN KAR ,JAUSE DUNIYA ME KIYA KARTA THA . AUR JAB HAZRAT DAWOOD ALAIHE AS SALAM BULAND AAWAAZ ME ALLAH TA - ALA KI HAMD - O - SANAA KAREGE TOH JANNATIYO KO JANNAT KI TAMAAM NEMATE US AWAAZ KE MUQAABLE ME KAMTAR LAGEGI . Aziz Dosto ,….. Hazrat Sulaiman Alaihe As Salam ki Zindagi ke waqeyat likhne se pahele Hazrat Dawood Alaihe As salam ki hayaat – e –zindagi ke bare me Aap logo ko kuch aur maloomat detaa chaloo . Jaisa ki Aap log guzri huyee post me padh chuke hai ki , ALLAH TA – ALA ne Hazrat Dawood Alaihe as salam ko Ilm , Huqumat Aur Naboowat se Nawaza , Pahaado Aur Parindo ko Un ke matee ( under ) kar diya Aur Aap ko aisi Dilkash Aur Surili Awaaz At – aa ki ke kisi aur Insaan ko na At – aa ki , Jab Hazrat Dawood Alaihe as salam Zaboor ( Aasmaani Kitaab ) Padhte ya ALLAH TA – ALA ke Hamd - o - Sana – aa ke taraane Gaate Toh Parinde ( Birds ) Aap ke Aas – Paas jamaa Ho Jaate aur Aap ke Saath Milkar ALLAH TA- ALA ke Hamd – o – Sana – aa ke Taraane Gaate aur Apni Bhookh Pyaas sab bhul jaate yahaa tak ki Isi Haalat me unhe Maut bhi Aa jaati . Jab Dawood Alaihe As Salaam , Parinde Aur Pahaad sab milkar ALLAH TA – ALA ke Hamd – o – sana – aa ke Taraane Gaate Toh Saari Fizaa us se goonj Uthti . Takhliq – E – Hazrat Aadam Alaihe As Salam ke Baad Jab ALLAH TA – ALA ne Hazrat Aadam Alaihe As Salam ki Peeth ( Pustt , Bake ) se In KI Tamam Naslo Ko Zaaheer Farmaya Toh Hazrat Aadam Alaihe As Salam ne Aapni Nasl me Ambiya Aalaihe As Salam Ko Bhi Dekha , In Me Se Inhe Eik Aisa Sakhash Bhi Nazar Aaya Jo Kamaal Ka Khoobsurat Aur Haseen Tha . Hazrat Aadam Alaihe As Salam Ne Baargaahe KHUDA wandi Me Arz Kiya Aye Mere RAB Itna Haseen Aur Zameel Ye Jawaan Kaun Hai ? ALLAH TA – ALA Ne Farmaya Ye Tera Betaa ( Son ) Dawood Hai . Hazrat Aadam Alaihe As Salam Ne Arz Kiya Aye Mere Rab , Is ki Umar ( Age ) Kitni Hogi . ALLAH TA – ALA Ne Farmaya 60 Saal Harat Aadam Alaihe As Salam Ne Arz kiya Aye Maulaa Kareem ! Is Ki Umar Me Izaafa Kar De . ALLAH TA – ALA Ne Farmaya Aisa Nahi Ho Sakta ! Haan Sirf Eik Surat Me , Ke Teri Umar Kam Kar Ke Is Ki Umar Badha Di Jaaye . Hazrat Aadam Alaihe As Salam Ki Umar Mubaarak 1000 Saal ( Years ) Thi. ALLAH TA – ALA Ne Hazrat Dawood Alaihe As Salam Ki Umar Me 40 Saal Ka Izaafa Kar Diya . Jab Hazrat Aadam Alaihe As Salam Ki Umar Khatam Huyee Toh Maut Ka Farishta Aaya Toh Hazrat Aadam Alaihe As Salam Ne In Se Farmaya Ke Abhi Toh Meri Umar Me 40 Saal Baaqi Hai ? Aur Jo Umar Unhone Hazrat Dawood Aalihe As Salam Ko Heebah ( Gift ) Kar DI Thi Use Bhool Gaye . Lekin ALLAH TA – ALA Ne Hazrat Aadam Alaihe As Salam Ki Umar Bhi 1000 Saal Poori Kar Di Aur Hazrat Dawood Aalaihe As Salam Ki Umar Bhi 100 Saal Poori Kar Di Aap Huzur – e – Aqdas Mohammed Mustafa Sallal Laho Alaihe Wasallam Ne Farmaya ke Qayaamat Ke Roz Hazrat Dawood Alahe As Salam ! Paaya – e – Bakhshish Ke Paas Khadhe Hoge . ALLAH TA – ALA Farmaayega Aye Dawood ! Aaj Usi Tarhaa Khoobsurat Ma – tarannum ( Surili , Mithi ) Aawaaz me Meri Hamd – O – Sana – aa Bayaan Kar , Jaise Duniya Me Kiya Karta Tha . Hazrat Dawood Alaihe As Salam Arz Karege Aye Mere RAB ! Ab Ye Kaise Ho Sakta Hai , Ke Tu Ne Toh Ye Aawaaz Mujh Se Waapas Le LI Hai . Tab ALLAH TA – ALA Farmaayega Aaj Wo Aawaaz MAIN Tujhe Fir Se Lautatha Hoon . Aur Jab Hazrat Dawood Alaihe As Salam Buland Aawaaz Se ALLAH TA – ALA Ki Hamd – o – Sana – aa Karege Toh Ahal – E - Jannat Ko Jannat Ki Tamaam Nemate Iss Aawaaz Ke Muqable Me Haich ( Choti , Kamtar ) Mahesoos Hogi . HAZRAT DAWOOD ALAIHE AS SALAM KA WISAAL ( WAFAAT ) Imam Ahmed Apni Masnad ( Kitaab ) me Hazrat Abu Hurairaah Se Riwaayat Karte Hai Ki Huzur Nabi – E- Kareem Sallal Laho Alaihe Wa Sallam Ne Farmaaya Hazrat Dawood Alaihe As Salam Bahut Gairatmand Insaan The . Jab Aap Apne Ghar Se Baahar Tashreef Le Jaate Toh Apne Ghar Ka Darwaaza Band Kar Jaate , Aur Aap Ki Gair Haaziri Me Koi BhI Aap Ke Ghar Nahi Aata , Jab Tak Aap Ghar Waapas Na Aa Jaaye . Aap Huzur Pur Noor Mohammed Mustafa Sallal Laho Alaihe Wa Sallam Farmaate Hai Ki Eik Din Aap Hazrat Dawood Alaihe As Salam Ghar Se Baahar Tashreef Le Gaye Aur AAp ke Ghar Ka Darwaaza Band Ho Gaya . Jab Aap Ki Eik Biwi Ghar Ka Kaam Karne Lagi Toh Dekha Ki Kamre ( Room ) ke Sahan ( Aangan ) Me Eik Shakhash (Aadmi ) Khadha Hai . Makaan Ke Andar Jo Log The Unhone Unhe Bulaaya Aur Farmaaya Ke Andar Khadha Ye Shakhash ( Aadmi ) Kaun Hai ? Ye Shakhash Kahaa Se Andar Aa Gayaa Halaanki Darwaaza Toh Band Hai . KHUDA Ki Kasam Ham Hazrat Dawood Alaihe As Salam ke Saamne Sharmindda Hoge . Itne Me Hazrat Dawood Alaihe As Salam Tashreef Le Aaye Toh Dekha Ki Eik Shakhash ( Aadmi Ghar Ke Darmiyaan ( center ) Me Khadha Hai . Aap Ne Poocha Kaun Hai Tu ? Who Sakhash ( Aadmi ) Bolaa Main Who Hoon Jo Kisi Baadshah Se Nahi Darta Na Hi Us Ke Raub Me Aata Hoon , Aur Na Parde Na Deewar , Yahaa Tak Ki Koi Bhi Cheez Meri Raah Rok Sakti Hai . Hazrat Dawood Ne Farmaaya KHUDA Ki Kasam ! Fir Aap Farishta Ajal ( Maut Ka Farishta ) Ho . Mere RAB Ka Huqum Mere Sir – Aankho par . Fir Hazrat Dawood Alaihe As Salam Wa Hi Par Thahar Gaye , Aur Aap Ki Rooh Qabz Kar Li Gayee . Aur Eik Riwaayat Me Hai Ki Malqul Maut Jab Hazrat Dawood Alaihe As Salam Ki Rooh Qabz Kar Ne Ke Liye Aaya Toh Aap Apne Hujre ( Room ) Se Niche Utar Rahe The . Ap Ne Farmaya Thodi Der Ruk Jaawo , Taaki Main Niche Utar Aawoo Ya Upar Hujre Me Chala Jaawoo . Maut Ke Farishte Ne Arz Kiya Aye ALLAH Ke Nabi ! Saal , Mahine , Waqt Aur Rizq Ye Sab Apne Ahetamaam Ko Pahooche ( Yaani Ke Khatm Ho Chuke Hai ) . Hazrat Dawood Alaihe As Salam Sidhee ( Up stair ) Par Hi Sjada – Rez Ho Gaye . Aur Sajde Ki Hi Haalat Me Maut Ke Farishte Ne Rooh Qabz Kar Li . Eik Riwaayat Me Hai Ki Bahut Se Log Hazrat Dawood Ke Janaaza Me Shirqat Ke Liye Haazir Huve . Aur Logo Ke Alaawa Aap Ke Janaze Me 40,000 Hazaar Raheebo Ne Bhi Shirqat Ki , Jinhine Eik Khaas Kism Ki Raaheebana Topiya Pahen Rakhi Thi . Who Shakaht Tareen Garmiyo Ke Din The , Aap Ke Janaaze ki Tayyari Aur Tadfeen Karte – Karte Suraj Nikal Aaya .Tab Tak Log Kaam Se Faarig Ho Chuke The . Janaaze Me Shirqat Ke Liye Aaye Huve Log Iss Sakhat Aur Tapti Huyee Garmi se Pareshaan Ho Gaye Toh Sab ne Hazrat Sulaiman Alaihe As Salam Se Arz Kiya Ki Garmi Bahut Sakhat Hai Aur Iss Garmi Se Ham LogHalaakaan Ho Rahe Hai . Tab Hazrat Sulaiman Alaihe As Salam Ne Parindo Se Farmaya Ki Hazrat Dawood Alaihe As Salam Par Saaya Kare Toh Parindo Ne Apne Parro Se Sayaa Kar Diya , Yahaa Tak ki Zameen Par Andhera Ho Gaya . Hawa Tak Aani Jani Band Ho Gayee . Janaaze Me Shirqat Ke Liye Aaye Huve Logo Ka Dam Ghutne Laga . Tab Hazrat Sulaiman Alaihe As Salam Ne Parindo Ko Huqum Diya Ki Suraj Ki Dhoop Ko Hi Saaya Karo Aur Hawa Ke Aane Jaane Ka Raasta Chhodh Do . Fir Parindo Ne Aisa Hi Kiya . Aur Bani Israayeel Ne Pheli Baar Hazrat Sulaiman Alaihe As Salam Ka Ye Moajjaza Dekha
Posted on: Mon, 21 Oct 2013 16:09:11 +0000
Trending Topics
Recently Viewed Topics
© 2015