Indianapolis Ah Chin Cabu 2 Tlangzarhnak Nei Pa Van Tuah Piang ( Chin TV Producer) ih nganmi, Theihkaunak timi cabu le, Pa Caleb L Ci Luai ( Chin TV Editor In Chief ) ih nganmi, Jesuh Khrih Ah timi Cabu pawl cu, Indianapolis ih Asian Family Restaurant ah, Rev. Caleb Biak Lal ( Pastor - Revival Baptist Church of Indianapolis ) in August 24, 2014 zanlam 6:45 pm ah tlangzarhnak a nei. Hi Cabu 2 hi, The Chin Times, USA ih hotu, Salai Maram @ Salai Mitthli ih tawlrelnak thawn suahmi a si. Cabu tlangzarhnak ahhin mi 30 hrawng an suakkhawm. Salai Maram in tlangzarhnak tikcu caan an hruai. Salai Kawl Lian ih thlacamnak in can hmanpeh vivo a si. Pa Van Tuah Piang le Pa Caleb L Ci Luai te in, Cabu an ngannak le an ngan dan thuhla tawi simnak an nei. Cumi theh ah Cover tuahtu, Salai Zunphir in thusimnak a nei ve. Cabu suahtu Salai Maram in, Laimi hrang ih Calai a thupit zia le hi Cabu 2 suah a sinak thuhla pawl simnak a nei. Tlangzarhnak neitu, Rev. Caleb Biak Lal in Hosea 4:6 nak siarin forhfialnak tawi a nei. Re. Caleb Biak Lal cun, Chinmi hmailam kan thansoh vivo nak ding hrangah Calai hi a thupi zetmi a si. Kan Chinmi lak ah Calai ngainatu, sunsaktu, suahtu le siartu kan tam vivo ding hi a thupi zetmi a si tiin a sim. Cumi theh ah mipi hmai ah tlangzarhnak a nei cih. Tlangzarhnak neih theh ah, mipi suakkhawmtu pawl cun an lei hngal ih, Cabu ngantu pawlin Cabu leitu pawl ih leimi Cabu parah sign an ngan ih nuamzetin thehsuak a si.
Posted on: Mon, 25 Aug 2014 02:18:20 +0000
Trending Topics
Recently Viewed Topics
© 2015