Info Imediata Sesta, 09 Agostu 2013 – S.E. Prezidente Repúblika Taur Matan Ruak ho nia ekipa, Sesta feira ohin dader tuku 7h00 otl husik sub sub-distritu Turiscai, distritu Manufahi nian hodi kontinua vizita ho la’o ain ba suku Fatumakerek, sub-distritu Laclubar, distritu Mantuto nian ho distansia kilometru 10 resin. Objetivu vizita suku refere atu ba haree besik kondisaun moris komunidade iha suku refere, alende halo dialogu hodi rona difikuldades no preokupasoins ne’ebé mak komunidade sira hasoru iha suku ne’eba. Vizita S.E.Prezidente Taur Matan Ruak iha suku refere hanesan vizita dahuluk hosi Prezidente Repúblika dezde Timor-Leste restaura iha 20 Maiu 2002. Suku Fatumakerek nu’udar suku izoladu ne’eb’e la asesu ba transportes tanba estrada liga ba suku refere la iha kondisaun.
Posted on: Thu, 08 Aug 2013 20:44:12 +0000