Inxeba lendoda kalihlekwa 22 Abakibo kamNkala babelokhu - TopicsExpress

Inxeba lendoda kalihlekwa 22 Abakibo kamNkala babelokhu bekhangela la okwakuqonde khona umaNkala bethi mhlawumbe bambona eqamuka kodwa lutho ukubonakala umaNkala. Unina watshaya izandla wazigeza wathi ukhulile umaNkala uzazibonela phela bathi elilamehlo lizazibonela lodwa. Aluba kwakusedolobheni babezamangala emapholiseni besethukela ukuthi mhlawumbe ucuywe yizigilamkhuba zamquma ikhanda. Unina kamaNkala waphongubikela usobhuku ukuthi umntanakhe wayeseleviki engabuyanga ekhaya selokhu waphuma egumeni lakhe. Usobhuku wathembisa ukuthi bazahlala beqaphe indlebe ukuze bezwe umkhondo wakhe ngoba kwakuyimvelakancane ukuthi umuntu anyamalale nje engaziwa. Funa sethole umendo Hawu sobhuku baba, yena eqeda kutshonelwa ngumkakhe? Awuboni nje ukuthi ikhanda likamaNkala liqinile angazi lokuthi wafuza bani ngoba umdala esaphila sasihlezi kuhle Ungayitsho leyo mnumzana yiimi engabola amathumbu Kunjalo ozeleyo ulomlandu Esigabeni baqala besancwebana indlebe ngendaba yokubonakala kukamaNkala edidizela emzini kaSigodo bacina nje sebekujwayele ukuthi sengowakhona. Unina kamaNkala wamyekela kaze amthumela abantu wathi uzabona isiphetho sakhona, kodwa kwakubuhlungu njengomzali ukubona umntanakhe ehlanhlatha ephenduka isiwula inhlekisa yesigaba. UmaNkala wayesephenduke inina likaSigodo njalo ezisikela ehwahweni efuna khona ukuba yintandokazi yalapha ekhaya. Wayeselowakhe umkulu wakhelwa lendlu yokulala eyayifulelwe ngamazenge ilamafastela amabili awengilazi. Wajabula wafa umaNkala njalo loSigodo wayemenzela konke ayekufuna lemali le eyayihlala embilaphini yayisithululelwa kumaNkala owayesecwebezela ngokudla ezimnandi zodwa. Abantu babesithi nxa bangaqeda ukwelatshwa babhadale ngemali, inkukhu lokunye nje okwehlukeneyo, konke kwakusiyagcinwa egumeni lika maNkala. Ngezinye izikhathi uSigodo wayeqeda iviki ekomaNkala engasalugxobanga komaNdlela hayi ngoba elibele kodwa ngenxa yesiphatho ayesithola kumaNkala, emgijimela aguqe baba ayengakaze akwenze uthole sekungathi lisoka lentombi beqala uthando olutsha. UmaNdlela kaze aba lendaba waqhubeka ngempilo labantwana bakhe ezenzela imisebenzi yakhe, enhliziyweni yakhe kwakuke kuthi klifi kancane kodwa wakhetha ukuvala owakhe ethi okungapheliyo kuyahlola laye waqala njalo esenzelwa konke engasweli lutho kodwa namhla nangu uhlupheka okokucina yena elendoda esadla amabele. Wayesizwa nje ubuhlungu ukuthi uSigodo uzacina laye elandela uNyoni ngoba umaNkala wayemazi kuhle ngokuganga. Wayethi lalapho ezama ukulimukisa umkakhe, avuke ngolaka uSigodo athi wenziwa ngumona njalo yena uyinyanga akulalutho olungambulala. Yaqhubeka impilo lapha ekhaya sekulemizi embili, okamaNkala lokamaNdlela. USigodo wayejabula kakhulu ethi usegcwalise usiko lwakibo olwesithembo lesilaheni wayengasalugxobi sesidla komaNkala owayehle nje amphathise okweqanda encenga lona lolo thando. Kwaya kwaya kwathi ngelinye ilanga umaNkala wabuza uSigodo ukuthi uzamlobola nini? Kade ngihlezi lapha ngikuphekela ngisenza yonke nje imiebenzi yomuntu wesifazane kodwa phinde ukhulume ngelobolo? Wathula uSigodo wacabanga kabanzi, kambe lumama uyalibala ukuthi ulesikwelede sami? Kwaba angathi umaNkala umzwile imicabango yakhe wathi,ngiyazi ngangikukoloda kodwa phela lawe kunengi osukuthole kimi ngaphambi kwembadalo Mfazindini uthini? Inkomo ezimbili? Yababa indaba uSigodo engasakhulumi nje sehlanza umaNkala wethuka esezitshela ukuthi icebo lakhe kalisasebenzanga. Mhlalokho kwalalwa kungadliwanga uSigodo watshaya ibatha esiyakumaNdlela eyafuna ubuthongo khona. UmaNkala wazama ukulala wehluleka, wacabanga kabanzi ukuthi kungcono ayexolisa funa axotshwe njengenja abantu bamhleke futhi. Wavuka ebusuku wanyonyoba eqonda emnyango wendlu kamaNdlela yokulala. Wafika wathikaza emi emnyango enye inhliziyo yathi kabuyele enye njalo yathi qoqoda. Lakanye waqoqoda kancane wezwa kungela muntu omsabelayo waphinda ethi mhlawumbe basebejumekile. Zwi. Wacaphuka ke wakhahlela isivalo sayawela le wazi...

The 5 Accused American Terrorists the U.S. Will Pay $21M to

تَقَبَّلَ الله ُمِنَّا

**Threat Alert** Everyone. Please listen. Official threat from

As I drove down Leetsdale and saw one of those sign flippers

OUR THEME SONG TODAY: 1-Blessèd assurance, Jesus is mine! O

Happy 68th Independence Day! A special parade of armed forces

Zevon wrote this with guitarist Robert Waddy Wachtel. When Zevon

For me, inspiration comes from a bunch of places: desperation,

Truyện Dài Kỳ: Có Yêu Mới Có Ghen - Full Giữa

What are you doing this Saturday? There is ONE slot left in our

Homecoming week has been a blast from the past. Watching my

This song is in memoriam to all those that sacrificed their lives,

Drake, Golden de 6 meses de edad, perfectamente sano y vacunado,

The Mangrove and the Boat The boat was an older model Sea Ray

craigslist for key west

The Algerian case was especially egregious in its cultural impact.

If you really are serious about expanding your database, you must

Have you entered our GIVEAWAY..? We have teamed up with Miranda

Presa canario puppies to be booked from the mating: Andalusia and

Spooky Witches Fingers Recipe YOUR FAMILY’S HEALTH... IS OUR

After discovering a little while ago that I was hungry I went into

Hi Partners… Sehubungan dengan kebutuhan New Stores

Why we do what we do - join us and make a difference in someones