Jesus akupniu takarniuri̱ uchiri̱n tsuármiania nu S JOHN 04:43 ¶ Jimiará tsawant nankaamasmatai Jesus Samaria nunkanmaya jiinki Kariréa nunkanam wémiayi. S JOHN 04:44 Kariréasha Jesusa nunke asamtai, ainsha Jesus timia aintsan ámiayi: "Yúsnan etserniun Ashí shuar pénker anturainiawai antsu nuna nunkeyanka niin anturainiatsui." S JOHN 04:45 Tuma ain Kariréa nunkanam jeamtai auya shuarsha Jerusarénnum paskua Námpernum wearu ásar tura Ashí ni Túramun nui wainkia ásar ti shiir awajsarmiayi. S JOHN 04:46 Nuyá Jesus Kaná péprunam atak Támiayi. Nu péprunmasha nuik Jesus yumin umutai awajsamiayi. Jesussha nui pujai Yajá péprunam Kapernáumnum akupniu takarin ámiayi. Ni Uchirísha jaa tepemiayi. S JOHN 04:47 Niisha Jesus Jutíanmaya Kariréa nunkanam taman antuk Jesusai wémiayi. Tura ni Uchirí Jákatin tepakui ni jeen we ni Uchirín tsuarat tusa Jesusan seamiayi. S JOHN 04:48 Jesussha Tímiayi "Aya aents Túrachminian Túrakui iisrum aya Nújain Winia Enentáimtarme." S JOHN 04:49 Tura takarin Tímiayi "Uunta, winia uchir Jáatsain wari winitia." S JOHN 04:50 Nuinkia Jesus Tímiayi "Jeemiin waketkitia. Yamaikia ame uchiram pénker ajasai." Tutai Nú aishman Jesus Táman antuk wémiayi. S JOHN 04:51 Ni jeen Jeátemámtai ni takarniuri inkiun tiarmiayi "Yamaikia uchiram pénker ajasai." S JOHN 04:52 Apasha inintrusmiayi nantu urukaim pénker ajasma. Niisha tiarmiayi "Yau, nantu pukuntamtai, tsuemun michatramai" tiarmiayi. Nuna antuk Uchí Aparísha Enentáimsamai. S JOHN 04:53 Nantu pukunta ai Jesus "Ame uchiram pénker ajasai" timia Nuní ain michatraiti. Tuma asamtai niisha Ashí ni shuarisha Jesusan nekas Enentáimturarmiayi. S JOHN 04:54 Jesus nu Túramujai ni kakarmarin Jimiará iniakmasmiayi. Nunasha Jutíanmaya jiinki Kariréa nunkanam Jeá Túramiayi.
Posted on: Sun, 29 Sep 2013 16:55:21 +0000