KTP Kum chanve rawngbawlna thlirletna hun hman a ni Ni 22.6.2013 (inrinni) chawhnu dar 1:30 khan Kohhran Hall-ah Kristian Thalai Pawl Branch Committe Vawi sawmna neih a ni a. He hunah hian Committee mai bakah thla tina Branch Committee chinte Retreat neih hun hman nghal a ni a; Kum chanve rawngbawlna thlir letna hun hman nghal niin, Secretary leh Treasurer Report bakah Sub-Committees Report ngaihthlak a ni bawk. Tlaiah chawhlui kilho nghal a ni. He hunah hian KTP Committee-a Kohhran Upa tel vawi khat nan Bialtu Upa, Upa R.Lalremsiama’n hun min rawn hmanpui a ni. Committee hi Leader, Tv PB Lalthlamuana’n a kaihruai a, hun hmasa lamah June thla thlatawp comiitee neih a ni. thurel thenkhat kan hriat awm chi te: I. July thla chanvo neutu tur ruat: July thla KTP Inkhawm-a chanvo neitu tur hetiang hian ruat a ni: Inkhawm hruaitu: Tv PB Lalthlamuana Thhilpek lakhawmtute: 1. Nl Lalduhzuali 2. Tv Gospelthanga Hla hruaitute: Converner: Tv H.Lalengzama 1. Tv Lalhmangaihzuala 2. Tv Lalrinchhana Colney 3. Tv PC Darluna Thingpui lumtu: Pu Vanlalawmpuia II. Bial Meet-a Special Items tur ruat: Kan hma lawk, August thlaa Bial KTP kan hman turah Bial Committee-in Special Item pahnih nei tura min beisei angin Live Band leh Group Speial Items neih ve nise tiin Committee in a rel a. Live Band-a Converner atan Tv H.Lalengzama ruat a niin Group Item-ah hian Tv John Lalzuitluanga chu Converner atan a ruat bawk. III. Committee member ruat: Branch Committee member indaih lohna avangin 2013 chhung atan Pu PC Lalrinchhana leh Pu Ramdinmawia Ngurte te Branch Committee atan ruat thar an ni. Thurel rel turte rel zawh a nih hnuah kum chanve chhunga kan rawngbawlna Secretary hnen atangin ngaihthlak a ni a. Treasurer Report ngaihthlak chhunzawm a ni. Treasurer Report bikah hian: Kumin chhunga kan Branch Budget R 1,40,000 a nih laiin kan Budget zatve bawr vel kan thawkchhuak tawh a, kan hmabak thla ruk dang lo la awm turah nasa lehzuala tan la turin KTP member te kan in chah nghal a ni. Secretary leh Treasurer Reports ngaihthlak a nih hnu hian Sub-Committee hrang hrang Report ngaihthlak a ni a. Sawi ho zui nghal niin kumin a kan rawngbawl tawhnaah Branch Committee chuan lawmawm a ti hle. Committee tawp lamah hian Bialtu Upa hnen atangin fuihna thu tha tak tak ngaihthlak a ni a. Hemi hnu hian mahni theuh inhlan tharna (retreat) neiin committee tih tawp a ni. ## Kan hruaitute zinga mi, Nl R.Lalchhanhimi, chu zirna avangin Delhi tluang takin a thleng thla, duhsakna kan hlan e. Tawngtaina lamah i hre reng ang u.
Posted on: Fri, 28 Jun 2013 14:46:41 +0000