Ka hung copy paste Virthli Admin> VIRTHLI Hmar nunghak GATE 2014 exam a hlawtlingna chang India rama exam laia intak ve pawl tak Graduate Aptitude Test in Engineering (GATE) 2014 chu Nk. Rose El Rothangmawi, D/o Pu Lalkhawmawi, Sielmat chun a lo nerthleng ve der tah. Nk. Rose-el Rothangmawi hi lekhathiem thei tak el a ni a, kum 2011 khan Indian School of Mines (ISM) entrance test a hlawtlingna insangtak (All India Rank ah a 49 na) chang in Indian School of Mines (ISM) Dhanbad ah Master a zawm a, tuhin inchuk zawm pei tum a la nih. GATE hi all-India examination a ni a, kumtina Indian Institute of Science le India rama IIT pa 7 um hai inkawpa huoihawt hlak a nih. GATE score hi engineering le science students hai ta dinga pawimaw tak el, post-graduate programs dang dang (Master of Engineering, Master of Technology, Doctor of Philosophy etc) admission hmuna dinga an en hlak le public sector hnuoia company dang dang haia direct entry-level positions sin hai chen hmutheina a nih
Posted on: Fri, 28 Mar 2014 02:19:44 +0000