Kei atan zawng nun hi Krista a ni. Hringnun kan zawhna kawngah hian Pi leh pute atanga Kristian ka lo nihna hi a la rei lo hle mai a, mahni tawn leh hriat atangin, ringtu, rinnaa kan kalna kawngah hetiang hi thenkhat chuan in tawng ve ngei chuan ka ring. Lal Isuan mitthi pathum ( 3 ) chiah chiah a kaih thawh atang hian awmzia a lo nei thuk hle mai. Hriat chianna hlu tak mai Isua ka ta kan tih theihna tur hian Pathian khawngaihna chuan ringtu hmasate tawngtaina avangin la ring ve lote hnenah a khawngaihna chu a lantir zel a lo ni. Mitthi Jaira fanu a kaih thawh khan ei tur pe rawh u tiin a sawi a, kan nun Pa, Pathian laka thi tawh hi Lal Isuan a kaih thawh chiah hian ei tur pe rawh u, tih thu hmangin van kan thlen theihna turin kan nun hian rahbi hmasa a lo zawh tan a, chu tih hun lai chuan, kei atan zawng ei hi Krista, tiin nun hi a lo awm thin. Hmeithai fapa Lal Isuan a kaih thawh khan, a lo tawng a tih hian a zui leh a, he miin a entir chu, kan nunin rahbi pahnihna rapin kan lo ngaihthlak/ kan lo ei khawl kha, thinlungah a lo khat liam a, kain a lo sawi chhuak ta thin a, he tih hun lai hian, kei atan zawng sawi hi Krista, tiin, kan nunin a lo hmelhriat thin. Lazara Lal Isuan a kaih thawh khan phelh ula, kaltir rawh u tihin a zui leh ta a, hei hian a entir chu, sawi dan tam tak awm thei zingah, tiang zawng hian kan sawi teh ang. A hmasa lama mitthi kaih thawh pahnih hun kan kal pel a, rahbi pathumna kan nunin a lo dai leh tan a, he tah hi chuan kan nunin, kei atan zawng nun hi Krista, tiin a lo tawm ve tan dawn a lo ni. Pakhat hneh theih loh chu pahnih chuan an hneh ang. La zai thum kawp chu a chat mai lo. Thuhriltu 4:12 Thlen chin atanga hmasawn zel tur kan nihna ka hmelhriat thei dawn chauh a lo ni. Phil 3:16
Posted on: Mon, 04 Nov 2013 03:27:52 +0000
Trending Topics
Recently Viewed Topics
© 2015