Khawi nge, Aizawl traffic jam tihziaawm nan thingtlangmite hian pawisa thawhkhawm chiah ila! Aizawl khawpui chhunga thuneitu hrang hrangte chuan traffic jam tihziaawmna a nih beiseiin maxi cab stand chu khawpui daifemah an sawn dawn ta a. Traffic jam a tiziaawm ang em, ka hre lo. Mahse, thingtlangmi leh zin mite sum sên erawh a sân phah dawn tih chiang takin ka hre thung. Aizawl-a traffic jam țhinah hian private car, taxi leh maxi cab-ah hian a khawii nge mawhphur hnem ber ang le?! Maxi cab chu stand-ah reilote a ding a, Aizawl traffic jam a chhuahsan vang vang țhin. Mahse, khawpui traffic jam a reh phah chuang lo. Taxi intlan chhawk hi an en chhin lai khan traffic jam a tiziaawm tih kan hria a, cable TV lamin an kawm kualna lamah taxi neitu leh taxi pute pawhin intlan chhawk a hlawk zawk thu leh an duh zawk thu kan hre vek bawk. Mahse, an chhunzawm ta lem hlei lo va! Aizawl-ah private car a tamzia chu a sing a sing! Heng te hi a motor number (even & odd number)-in intlanchhawktir sela, a va zia dawn em! Mahse, an ti lovang. Thuneitute hian an ngam teuh lo! Private car neitute hi maxi cab neitute aiin an hausain an hlauhawm zawk miau!!! Ka han chhut a. Kan khaw lam maxi cab stand awmna tura an tih chu Țhuampui Helipad hnuai phei vel saw a ni. Mission Veng-ah ka awm mek a, bawr deuhva bus-a chuan a inthlahrunawm țhin avangin ka hreh tumhrang a, chutah tak chuan taxi ka hmu tai ve dawn si a, taxi fare-ah ₹ 150 vel chu ka seng hrim hrim. Chu chu kan khaw hawna ticket man zatve vel lai a ni. To tik tek tak a ni. ₹ 150 chu thingtlangpa tan a va tam rua em! Aw... A tam. ₹ 150 chuan lehkhabu țha tak a lei theih a, sa tui tak kg chanve man ngawt a ni. A va tam em! ₹ 150 chuan nula hmelțha tak taksa hmun thuma țhena hmun khat a lei pha thuak! Buhfai kg 3 aia tam a lei thei a, tlai khat na na na chu chawhmeh tui tinreng ka ei thei. A va tam em! ₹ 150 man em top up ka thun ngai lo va, ₹ 150 man em chawhmeh ka lei ngai lo. Mahse, thingtlanga ka haw dawn avangin ₹ 150 ka seng dawn a ni. A va tam em! (Tam tih ri hi a khâwk nghe nghe! Tam...tam...tam...) E khai aw... Ka lo chhut hmaih! No Vehicle Zone a awm leh dawn, December ni 24-a haw tum val hian engtin nge Mission Veng ațangin Țhuampui ka thlen phei tak ang le?! So sadddd!!! Engkim a laklawh vel vek. Tu thiam loh mah a ni lo, traffic jam thiam loh a lo ni e. Englekhawle, a hun a lo thleng ang a, tihdan a awm leh mai ang. Mizote chu a hun thlena innghat kan nih țhin kha maw!
Posted on: Tue, 02 Dec 2014 18:19:39 +0000
Trending Topics
Recently Viewed Topics
© 2015