Khawzawlah lei a khî Khawzawl Vengtharah ram metre 800 vel bialah lei a chet avangin Khawzawl-Champhai kawngpui pawh hmun henkhatah a tlahniam a, Khawzawl Vengthar khelmual pawh a lai takah a tlahniam a; lei chu hmun henkhatah chuan ft. 1 velin a tlahniam a ni. Thu dawn danin, Khawzawl Vengtharah hian leimin avangin Middle School-II panna kawng chu ft. 5 vel chauha zau a ni tawh a; Vengthar bazar bula leimin avangin a bul hnaia awmte tan a hlauhthawnawm tawh a; Vengthar sikul corridor leh sikul panna kawng a khi a, hei hian Presbyterian English School pawh a huam avangin, Nilaini a ang khan Vengthar Kohhran Sunday School building-ah an insawn a ni. Lei khi hian mimal in henkhat a huam bawk.
Posted on: Fri, 13 Sep 2013 08:29:21 +0000
Trending Topics
Recently Viewed Topics
© 2015