MALU TAEAO Aso Faraile 12 Iulai Iopu 42:1-6 Autu: O LENEI UA VAAI O’U MATA. E valu lelei meaola sa tau faamalie ai le loto o Iopu e le Atua, a o lea faato’a tafa le finagalo o le ma’i. Lea ua fo’i Sina i Futu. Ua fale i le Atua le finagalo tiga o si alii. Ua lafoia ataata o Taulelei, ina ua suluia laufanua pogisa ma le tiga, i le pupula o le Atua. Fai mai a ia, “O ai ea lenei ua faapouliuligia lau pule ma le leiloa? auā ua ou tautala atu ma le lē mafaufau, o mea ua sili ona faigata ia te au, na ou le iloa lava.“ Ioe, ua pupula le tauaso. Tele le mau mea na lu’i ai Iopu. I’u ai lava ina gagana ma faaali atu lona tiga i le Atua. O le fiailoa tele e Iopu o le Atua, na atili ai lona pogisa. Fai mai se tasi tamā lauiloa o le Tusi Paia o Aristotle, “The more you know, the more you know you don’t know.“ Ioe, o le tele o le tatou iloa, tatou te iloa ai, lo tatou valea ua tele. Le Savali o le Filemu na so’aia le gataifale i Sapapalii, Mataniu Feagai ma le Ata, le taeao lenā, na vaai ai mata o Samoa i le alofa o le Atua. Taimi o le puapuaga ma le sauā, taimi o le valea ma le ola faapaupau, peitai, le Talalelei ia Iesu Keriso, na malama ai Samoa, ma iloa ai le Atua moni. Lenei aso, ia matala ia Sega lau silasila faale Atua. O ai o e ita i ai, lelei lou alu i ai, ma avatu i ai le pupula o le Atua. O ai foi o faapouliuligia ma ita mai ia te oe, faamagalo atu. A kilia lava lou loto, ua kilia foi lau vaai i le Atua. Fetalai Iesu, “Amuia e loto mamā, auā latou te iloa atu le Atua.“ Vaai i le Satauro o Iesu, faailoga o le ’PLUS’, e plus faasoloatoa ai mea lelei tatou te maua, e pei ona manuia ai Iopu, ina UA VAAI ONA MATA. Ae soia ia le vaai i le agasala, na o le malaia ma le faamaina le mea e maua. Malepe ai aiga ma mafutaga, ma leai ai se mea lelei e maua ai. Malo lava le onosai, ma ua tapuni ai foi ma le case i le faamasinoga o Iopu ia. Manatua, VAAI LELEI OU MATA. hehehe SOIFUA MA IA MANUIA.
Posted on: Thu, 11 Jul 2013 23:01:04 +0000
Trending Topics
Recently Viewed Topics
© 2015