MARTAR THISEN AUTHAWM CHUAN MIN FAN NGEI KA LAIRIL HI ********************************************************************************** by Biaka Renthlei Christy chuan a fanu kumthum milek Mary chu a pawm kang a, lainat tih hriat ngawih ngawih in a han melh a,mate, he khawvelah hian hunrei kan nei tawhlo, ipa pawhin a hmangaih Isua tan a nun ahlan tawh a, keini nufa pawh huaisentakin van a kan lawmman tur thlirchungzel in...., asawi zawm thei tawh lo, lehlam hawiin, a mittui arawn sur zung zung a. Anu, apa bulah kan kal thei tawh dawn tiraw? Mahse ngatinge i tah a? Kei chu apa bulah kan kal dawn avangin ka hlim lutuk, anu, apa bulah chuan kal thuai thuai ka chak tawh e, nitin a chanchin min hrilh thin Isua kha ka hmu thei ang tiraw? ka van chak tawh tak em! Anu tap tawh suh anuam dawn em asin, tiin mary chuan a nu mittui chu a a hruk sak ta reuh va. Ni hnih lek kal ta mai khan, ama inchhungah ngei a nupui leh a fanu neihchhun hmuhlai ngei in james-a chu rawngtakin muslim ho chuan an lo sawisa hlum tawh a. A thisen te chu chhuatlaiah chuan aluang darh ngei nguai a. A nupui christy chu athih hmain a mithmuhah ngei patling sawm rualin an pawngsual rawn bawk, a nupui chhan thei lova phuar beh anih tlat avangin mittui tla zawih zawih chung a, khawngaihtakin ani kha chu engtinmah tisuh u, keimah zawk hi induh leh min that zawk mai rawh u, a tih lawm lawm te chu nuihza siam nan an hmang kha a ni si a. Chutia a fanu in a rin loh tak mai thu arawn chhakchhuak ta chu mak atih rualin, a zak hle bawk a. A fanu rilru thianghlimzia leh martar pawh a inhuam zia a hmuhte chuan a hma ai nasa zawkin huaisenna aneih leh phah ta. Kristiante an halhlumna thin dawhsan ah chuan an nufa chuan nghet tak a kut invawnsak chungin an ding dun a, an mahni din hual tu mipui za tamtak hmaah chuan zam hauh lova Isua chu Lalber anih thu an au chhuah puite, an halhlum dawn avanga Pathian hnena lawmthu an sawina te chu tumahin an bengkhawnlo. Tawngtaina nei tur a thupek anni leh ta. Tunah zet zawng dawhsan a ban liantak dingchho ngut maiah chuan phuarbeh anni tawh a, kumthum milek mary pawh huaisen tak leh zam hauh lovin chu halhlumna dawhsanah chuan phuarbeh ani chungin Isua hnenah akal ve dawn avanga lawmthu sawina neiin atawngtai mawlh mawlh a. Tihtheih dang an nei tawhlo,ka pa, Isu i hnen kan lo thlen hunah ka pasal leh ka fanute nen hlimtakin min lentir ang che, i hming avanga tuar ve tlak a min ngaih avangin lawmthu ka hrilh a che Amen [mate, Isua hmutur in i inpeih tiraw? Zam hlek suh aw? Anu Isua avang chuan maw hei ai nasa pawh hi tawrh ka la peih asin, A fanu tawngkam avang chuan hlimna avang zawkin a biangah mittui arawn luantir leh ta. bawihte,ka hmangaih che. I huaisen lutuk, Isua pawhin a chhuang ngawt ang che, I pa pawhin nangmah ang ngei hi alawm fanu atan a, a duh chu min van tilawm tak em! Mei chu dehkai a ni ta, reilote ah halhlumna atana an thingchheh chu nasatakin a alh kai nghal a, nu leh naupang chu vawikhatmah an te eihlova, na tuar thawm engmah hriat tur a awm hek lo. Meialh chu a zual zel a Anu,apa ka hmu.....khi enteh van a khi, Isua nen min hruai turin anlo kal ania....., a aw chu a zawi tial tial a, meialh ri hlup hlup pawh a reh tan ta, bana phuarbeh nufa te pawh che tur an awm ta lo. An inneih atanga kum khat pawh aliam hmain, an inneih hma a Pathian hnena an thutiam hlenturin Arab ah an kal ta. Kum 23 milek chrity leh apasal kum 28 mi james, an fanu neihchhun leh an fa hmasa ber kum 3 mi lek mary te chu he khawvel ah an awm talo. Mahse, an thisen au thawm chuan vana kan Pathian khi a ko eih asin. An thihna chu athlawnlo, kum 1841 ah arab ram muslim tamna hmunah an martar a, an martar atanga kumkhat aral awrh tihah,1842 khan a halhlumtu te zinga a hnarkaitu ber chuan a halhlumtak te Pathian Isua chu Lal leh Chhandamtu atan a a pawm ve tak a vangin midangte pawh a halhlum fo tawhna hmun ngei maiah chuan hreawm tak a sawisak anih hnuah hal hlum ani ve leh ta. Chumai ani hleinem kumthum milek mary, meikang hluah hluah kara a mitmeng hlim zia leh vanlam hawi a, a au rawi(h) rawi(h) na te chu nu leh pa tamtak thinlungah a cham a, kumthum milekin a arin Isua tan a atawrh ngamzia te, a tawrh ziate an hmuh chuan rei pawh rial lovin chulai hmunah chuan a mak a mak in kristian an rawn pung ta, PATHIAN chu fakin awm rawhse. Mary nang zawng kum thum mi lek ni a halhlumna dawhsan i din a, meipui inhlap ri karah phuarbeh ini chung pawhin zam hauh lovin i hmangaih Isua tan i nun i hlan thei hi ava ropui em! Kei mi tlaktlai lo leh i rilru thianghlimna zahve pawh nei zo lo hian i hnung ka zui zo lo anih hi, Lalpa midangte angin i tan ka nun hlan turin ring lo mite awmna hmunah ka awm velo, heti chung hian i lakah ka vui thin a, ka bosan leh mai thin che a ni si. Min ngaidam ang che nangmah avanga MARTAR THISEN AUTHAWM CHUAN MIN FAN NGEI KA LAIRIL HI i tan chauh a nung zel turin atharin, i tan ka rawn inhlan leh e,i ropuina i mawina puangchhuak ve turin min hmang ve ang che. AMEN
Posted on: Thu, 18 Sep 2014 10:52:16 +0000
Trending Topics
Recently Viewed Topics
© 2015