MEGA CHURCH ROPUI TAK MAI CHU : (South Korean Kristian) Kristianna hal lem lo Japan ramin kum zali Kristianna a hmelhriat hnuah 1% chauh Kristian an la ni a. Asia khawmualpuia mihring awm tld 4.14 vel zinga 2% emaw lek hi Kristian an ni. Chutih laiin, biak-in pakhata lawi kohhran member, khawvela tam ber chu, South Korea khawpui Seoul-a Pentecostal kohhran, Yoido Full Gospel Church an ni a, member 7,50,000 chuang an awm a, 2007-ah nuai 10 an tling tia sawite pawh an awm. An hruaitu chu Rev. David Yonggi Cho (70) a ni. An thathnem avangin an biak-in chu Stadium ang deuhin an sa a, chawlhni vawikhata a inchhâwka inkhawmte chu belhkhawmin, nuai 2 vel an tling tlangpui thrin. Chutiang biak-ina inkhawm chu Stadium lianpuia Football khel en nen leh rock concert ropui tak en nen te hian a inang khawp mai! tiin Seoul-a BBC religious affairs correspondent Christopher Landau-chuan a sawi. Member 100 zaipawl tih vel lek chuan a al zo lo hle a ni awm e. Kohhran mal, biak-in pakhata lawi, member nuai 7.5 + nei chu han ngaihtuah teh. Chu biak-ina lâwite chu Mizorama kohhran lian ber, Presbyterian kohhran (2011-ah nuai 5.64) chuan kan phâk lo phawt a, Europe khawmualpuiah ngei pawh, kohhran pawl pumpui inchhiara nuai 7 tling phâk lo an tam a ni. Inkhawm thusawi chu Korean, Japanese leh English-in tv-ah tihchhuah a ni a. Thawhlawm khawn a hautak avangin khârpui sir tuakah ATM ang deuh, pawisa lâkchhuahna ni lo, kohhran memberten (an duh chuan) an hming nena ziaka thawhlawm an thawh theihna electronic khawl an hûng tlar tawp mai a ni. 1994 October ni 3-ah khan, he kohhran hruaitu Dr Cho-a kaihruainain Kristian maktaduai 1 chuang kalkhawmin an tawngtai rual a. Hei pawh hi khawvela Kristian tawngtai rual ropui ber a ni mai awm e.
Posted on: Sun, 07 Sep 2014 05:41:15 +0000
Trending Topics
Recently Viewed Topics
© 2015