Mahni awmna kohhrana mite chauh vanram kai tura ngai pawl hi kan awm thluah niin a lang a, heng bak baka huamhauh leh mahni hmasial hi an awm dawn emaw ni! Kei chu kohhran hrang hranga mi thenkhatah hian Pathian hmel hmu ve tlatin ka inhria- 1. Catholic father pakhat ka hriat chian em em hi thu hriat sual vangin khawtlang inpunkhawmin an awmna haw hawin an rawn luhchilh a. Sumo driver pakhat hian Father, kum 70 chuang tawh chu bang nghengin a nawr bet a. Father chuan zam hmel pu hauh lo hian, I ngam a nih chuan min khawih rawh, Pathian rawngbawl tura serh hran, hriak thih ka nih hi. I tan a la pawi ang min thlah rawh. a ti a. Kha sumo driver kha zu rui nam phet phut ni mahse a thlah rang khawp mai, a kal kiang vang vang bawk. Kha Father hnenah khan Pathian a awm hian ka hre tlat! 2. UPC kohhrana speaker pakhat hi thlarau thianghlim chenchilh niin ka hre ve. TV-a a thusawi leh zai ka hmuh hian amahah hian thlamuan riauna awmin ka hre tlat nia. Dam loh manganna emaw harsatna engemaw neiin ka lu chunga kut nghata min tawngtaitu tur hi duh thlang thei ila he pa hi ka thlang deuh ziahin ka ring. Amahah hian miten hahdamna an hmu ngei ngei ang tih ka ring. 3. Hmanni lawka kan kohhran presbyterian-a thu rawn sawitu kha Pathian mi niin ka hria. Tun hma chuan kawng sirah puan chhia a pet uai duah duah a. Eng pawh, chini kg 1 emaw ar kg5 pawh hralh se cheng 20 vekin a hralh thin. Police-in man enah an en tawh lo a, a chhungte pawhin tihngaihna an hre tawh lo. A tidanglam theitu awmchhun Pathianin a chhanchhuak a, tunah erawh chuan thuhriltu ropui a ni ta. A thusawi kha a ziak a en lo a, a sawi ngun tawh avanga byheart sawi lah a ni hek lo. Pathian thlarauin a pui a, thu nung a sawi par par ni maiin ka hria. Amahah khan Awm a awm a ni! Heng mai avang pawh hian kohhrana chhandamna awm hi ka ring ve ngai lo ang. Khawvela awm kan nih avangin mahni pawl awmna atana thahnemngaih te chu a awm thei e. Kan pawl chauh chhandam kan ni ang. ti zawnga maicham la chum dum dum thinte hi chu kei, Thla em at. an tih ang chi-ah ka ngai deuh mai.
Posted on: Fri, 03 Oct 2014 09:52:37 +0000
Trending Topics
Recently Viewed Topics
© 2015