Mizo musician te, a bikin Guitarist hi chu ka ngaisang zualin ka duh vek emaw tih mai tur a ni... amaherawhchu, an hunlaia ka duh zual bik an awm, kan phawrh ange... Midang pawh ka duhin kan ngaisang vek tho, mahse hmeichhe hmeltha rau rauah duh bik an awm ang hian, an hunlaia ka duh bik deuhte... 1. David Z Hmar of Dreamhunter: An hunlai khan kan la naupang angreng. Kan duh thei khawp a, Dreamhunter album te kha vawi 3 vel ka lei hman (A bo zel a...:P). An hla thar emaw album thar emaw, an lanna hlek kha chu ka ngaihven thei khawp mai. Khatih hunlai kha chuan Landline deuh chauh kha a la awm a, an Landline number te ka zawng nasa thin a, mahse ka hmu ta lemlo a, ka be ta lemlo bawk a. Tunhnuah hmaichhanah inhmuhna hun leh inkawmna hunte kan nei ve ta zeuh zeuh a, nuam ka la ti tho mai... Tun thlengin ka ngaihsan ber pawl ala ni... 2. Victor dA Scavenger of Magdalene: Dreamhunter hnuah khan duh tam tak chu ka nei teuh mai, Mizo Rocker ho hi chu ka duh tlangpui thin a, mahse duh bik riau ka nei ka tih tawh kha... Magdalene an rawn lar chhoh a, an Album an rawn tih chhuah khan ka duh thei khawp a, ka ngaithla tluk tluk thin a. (Album an tihchhuah hma deuh pawh khan Great Indian Rock a an hla kha ka ngaihtla zing khawp mai). Victor-a pawh hi an in te kan zawng a, Ramhlun tih chauh kan hre si a, Bawngkawn lam atangin an in kan zawng phei char char a, a tawpah kan hmu hram a, mahse amah a lo awmlo zui a... Tun thleng pawhin ka duh berte zing ami ala ni... 3. Zosanga Vanchhawng of Comora: Comora video - Thlawk Bo Rawh kha ka hriatna a rei tawh khawp mai, mahse ka lo ngaithla lutuk lo a, tunhnua an rawn intuaithar leh hnu hian ka duh zual a, ka guitarist duh ber pawl a ni a, an zaina hmunah chuan kal hram hram ka tum thin a...Chanmari kawna Elevate Concert-ah khan hmaichhanah kan inhmu a, thla kan la ho bawk a...chumi hnuah Rock Costume Party kan buatsaihah khan Official Band an ni bawk a, kan inhre chho a, tun thelngin kan innel a, ka lawm hle... Guitarist ka ngaihsan pawl a ni reng... Sawi tawh ang khan Mizo Musician te, Mizo band te hi ka ngaisang a, hman deuhah kha chuan Mizo band ngaihsante kha an zak thin a (???) khatih hunlai pawh khan keichuan ka ngaihsan thu ka zep ngailo... Khita ka tarlante khi an hunlai theuh theuhah ka ngaihsan leh ka atchilh (???) te an ni a, kan tarlang ve hrim hrim a ni e... Maitawka, Hmingpuia, Thangbawiha, VLA, Lawma, Darthuama...a tam mai, ka ngaisang vek...Mizo Rocker hrim hrim chu ngaihsan leh duh loh ka neih pawh ka hrelo... LETS ROCK...m/
Posted on: Mon, 09 Sep 2013 11:57:09 +0000
Trending Topics
Recently Viewed Topics
© 2015