Mizorama MLPC Act hman a nih chuan Kum khatah chhiah vbc. 30 hmuh beisei MLTP Act thlakna atana Mizoram sorkarin a ruahman, Assembly budget session-a pass tura thehlut tawh MLPC Bill, 2014 hi zu siam, zu neih zat, zu lak luh, zu thawn chhuah leh zu zawrh khauh zawka thunun theihna atan leh excise duty lakna atana duan a nih thu, Vanglaini-in document a neihah chuan tarlan a ni. MLPC Bill hnuaiah hian licence pariat pek chhuah theih a ni dawn a, chungte chu - licence for distillery, licence for brewery, licence for winery, issue licence for establishment of bottling plant for liquor, licence for bonded warehouse, licence for retail sale of liquor leh licence for bar-te a ni. Zu dahna leh zawrhna hrang hrangte hi Excise & Narcotics officer, inspector chin chuan an duh hun hunah an endik thei ang. Excise & Narcotics commissioner chu zu zawrh loh ni (dry day) puang theitu a ni dawn a, dry day-ah chuan Mizoram pumah zu zawrh phal a ni lo ang. MLPC hian State Prohibition Council leh District Prohibition Council din a phût a, state-ah chuan Excise & Narcotics minister chairman a ni a, district-ah DC-te an ni ang a, member tur chu sorkarin ṭul a tih angin an ruat ang. State Council leh District Committee-te hi kum khatah vawi hnih tal an ṭhukhawm tur a ni. Miin zu a in leh in loh finfiah turin damdawi lama thiamna neite hman theih an ni ang a, breath analyser pawh hman theih a ni dawn a ni. MLPC Bill-ah hian Chapter X-ah section 82 a awm. MLPC hnuaia hremna awm Ṭhenkhatte: •Phalna nei loa zu siam, zu lei, zu tawlh, state dang aṭanga zu la lutte chu thla ruk táng tura hrem theih an ni a, kum nga thleng pawhsei theih a ni. Pawisa chawitir theih zat chu Rs. 5,000 aṭanga Rs. 10,000 a ni. •Vantlang hmuna zu keng te, zu vanga buaina siamte leh zu rûi chunga lirthei khalhte chu thla khat aia tlem lo tàntir tur a ni a, kum hnih thleng a pawhsei theih a ni. Rs. 1,000 aia tlem lo chawitir tur a ni a, Rs. 5,000 thleng tihpun theih a ni. •Zu tichingpentute chu thla ruk aṭanga kum nga chhung tàntir leh Rs. 5,000 aṭanga Rs. 10,000 chawitir theih an ni. •Zu ṭha lo zuarte chu thla thum aṭanga kum thum thleng tantir leh Rs. 5,000 aṭanga Rs. 10,000 thleng chawitir theih an ni. •Licence nei pawh zu rui hnenah zu hralh te, kum 18 hnuai lam hnena zu hralh te, an dawra zu ruih leh mi dang tana hnawksaka awmtirte leh pawisa khelhna atan hman tirte chu licence tihtawpsak bakah, thla khat aṭanga thla 12 thleng tàntir leh Rs. 5,000 aṭanga Rs. 10,000 thleng chawitir theih an ni. - See more at: vanglaini.org/tualchhung/21287#sthash.yofzROaJ.dpuf
Posted on: Mon, 07 Jul 2014 00:51:57 +0000
Trending Topics
Recently Viewed Topics
© 2015