Munchom chom a Kut golnop kin chelha | Saikul, State Level, Moreh Kut Photos Chin-Kuki-Mizo ho dinga nikho loupi Kut golnop kin chu munchom chom ah manchai ana hitai. Manipur state level Kut golnop chu 1st MR Ground munah Pu Vakkom B Purusothaman, Mizoram Governor Jin-Gun hina leh Ashwani Kumar, Governor Manipur Kin-Pipa (chief host) hinan loupitah in ana kimang in ahi. Chandel District a um Moreh Hill Town muna Galngam Lentol ah jong hiche Kut golnop kin loupi chu M Okendro, Education Minister, Govt of Manipur Jin-Gun hinan ana mang uvin ahi. Hiche kin achun Tengnoupal MLA D Korungthang Kin-Neipa in apang in ahi. Kut nikho chun Cultural Troupe chom chom akon Pulaam Palaam vetlhahna aum in, chuleh Myanmar gamsunga kon Cultural Troupe chom chom hon jong lam vetsahna ahung nei uvin ahi. Achesa Ellha nisim 29 nikho chun Saikul gamkai sungah jong Kut golnop kin loupi chu Saikul Lentol munah Pu Thangkhosei Haokip, President KIM, Pu Ginsuonhau, MLA Singngat, Pu Yamthong Haokip, MLA Saikul ho Jin-Gun hinan loupitah in ana mang uvin ahi. Photos Here: bombiel/component/k2/item/2762-munchom-chom-a-kut-golnop-kin-chelha.html
Posted on: Sat, 02 Nov 2013 11:25:42 +0000