NANG Nye langai hkrai re sindai kraw salum kaw na hpring kabrat shawn pru wa ai sinlum tsaw myit hpe atsam rawng ai shabrang tsawm ni law law a lapran kaw na ,nang hkap la ya ai jaw,nang hpe ngai hkungga ai manu shadan dik ai.nang hta lai n’na kaga shayi ni hpe tsaw na n’gun ngai hta n’nga mat sai.nye a tsaw chye ai tsaw myit n’gun yawng na matu she rai nu ga ngu ngai san da kau na sai. An a lapran dingbai dingna n’ju n’dawng hkabra wa na masa n’pru u ga matu ngai tau nau chyena ya na ,lap run ninghkri hta dung ai u zawn,ginhtawng chyaga gak zai bru jang lam hkawm ai wa n’byin hkra an a marun myit hpe galoi mung manu shadan na.sindun sumri ngang ngang jum da na, Na makau prat tup simsa nga lu hkra ngai shakut na,ngai tam nga na.prat a katsi kahtet lam a matu hkam kau lu hkra ngai sadi dung na Na lata hpe ngang ngang jum tek na. Mungkan chyam hkra tam yu nang hpe chyu mu ai tsaw myit gaw galoi mung na n’tsa manu dawdan n’lu ,manu shadan na,n’shut n’shai tsaw nga na.tsaw chye ai yawng Na matu shingbyi lung hkrung kaba ngai tai ya na…….galoi….loi Baren Numraw.
Posted on: Tue, 08 Oct 2013 05:36:08 +0000
Trending Topics
Recently Viewed Topics
© 2015