Ngi Kwah Ia Ka Inner Line Permit Bad Ka Jingiakren Bad Ka Sorkar Kan Long Halor Ka Inner Line Permit. Ka Meghalaya Regulation of Landlords & Verification Of Tenants Bill, 2013 (Tenancy Act) Kam Lah Ban Iada Kumba Lah Ka ILP, Bad Kane Ka Tenancy Act (Meghalaya Regulation of Landlords & Verification Of Tenants Bill, 2013) Kan Wanrah Shibun Ki Jingeh Ia Ki Trai Ïng Trai Jaka, Naba Ka Bynta Kaba Dei Ban Ioh Baiwai Hap Ban Siew Sha Ki Plidar Ban Leh Affidavit (Form ‘A’). Ki Don Hateng Ki Nongshongwai Ki Ba Sah Tang Shi Bnai Ar Bnai, Kamut Ka Jingioh Na Ka Bai Wai Ïng Ka Lah Shu Lut Tang Ha Bai Leit Bai Wan Bad Ka Siew Plidar Na Ka Bynta Ban Leh Affidavit (Form ‘A’) Bad Leit Kynduh Ia Ki Officer Sorkar. Kane Ka Aiñ Kan Pynktha Khlieh Bad Knieh Ruh Ia Ka Hok Jongngi Ki Trai Ïng Trai Jaka. Kane Ka Tenancy Act Jong U Mukul Sangma Ka Dei Ka Ban Khlieh Da Ki Deputy Commissioner (DC) Bad Ki Pulit Ha Ka Kyrdan Addl. Superintendent Of Police (Addl.SP) Shaneng. Kiba Bun Hi Ki DC Lane SP Jongngi Ki Lah Dei Lypa Ki Bar Jylla. Kumno Ngin Shanniah Ha Ki Nongwei Ban Pyniaid Ia Ka Ïng Jongngi? Bad Ka Jingpyntreikam Ia Kane Ka Tenancy Act (Meghalaya Regulation of Landlords & Verification Of Tenants Bill, 2013) Kan Dang Ai Mynsiem Shuh Shuh Ia Ki Bar Jylla Ban Roi Ha Kane Ka Jylla Jongngi. Kane Ka Tenancy Act Kan Pynduh Ruh Ia Ka Iktiar Ki Rangbah Shnong Naba Maki Kim Lah Shuh Ban Pynshisha (verify) Ia Ki Nongshongwai Hynrei Ia Kane Yn Leh Da Ki Officer Sorkar Kiba Bun Hi Ki Lah Dei Lypa Ki Bar Jylla. Ka Inner Line Permit Ka Long Ka Aiñ Kaba Kham Khlain Shibun Ban Iada Ia Ka Jaidbynriew Ba Shi Troh Jongngi! Ngin Nym Shong Kli Kti Kat Bym Pat Ioh Ia Ka Inner Line Permit!!
Posted on: Thu, 31 Oct 2013 11:16:40 +0000
Trending Topics
Recently Viewed Topics
© 2015