Një aksion i Inspektoratit Ndërtimor në Tiranë, degjeneroi në përplasje fizike mes pronarit të një objekti dhe inspektorëve të bashkisë së kryeqytetit. Ngjarja ndodhi pasditen e sotme rreth orës 18:30 pranë gjimnazit “Andon Zako Çajupi” në kryeqytet. Inspektorati Ndërtimor po kryente një aksion për prishjen e një objekti, i cili sipas këtij institucioni, kishte zënë hapësirat publike. Mirëpo pronari i objektit e kundërshtoi këtë aksion, madje duke replikuar me inspektorin ndërtimor. Gjithçka më pas degjeneroi në dhunë verbale dhe fizike, ku u desh ndërhyrja e inspektorëve të tjerë dhe policisë për të ndalur sherrin. Ndërkaq, kreu i Inspektoratit Ndërtimor, Florenc Hoxha, u shpreh se është i vendosur që aksioni të vazhdojë deri në fund për prishjen e objekteve pa leje.
Posted on: Sun, 04 Aug 2013 18:33:54 +0000