Nous p tanne boukou lor case l’amicale ces derniers temps. Ki eter ca case L’Amicale ? Souvent des fois kan nous tanne case l’Amicale, la plupart dimounes enan tendance pou pense banes Sumodhee ou ‘ca deux freres Sumodhee’ la. Mais dans case L’Amicale enan 2 lezottes dimounes ki fine condamner ek ki p subir ene injustice depuis 14 bananes. Ca deux lezotte dimounes la c’est Shafiq Nawoor, plus connu comme Fico ek Naseeb Keeramuth, plus connu comme Zulu. Donc enan 4 accusés dans case Amicale : Mounou, Bebe, Zulu ek Fico Li facile kan nous get zisse coter injustice ki fine passer pou blier ki derriere ca 4 noms la, enan banes vrai tragedie humaine, enan banes heros ki grace a zotte la foi, zotte courage ek zotte determination zotte enkor p laguerre zotte innocence apres 14 bananes. Avant ki nous vinne lor kieter ca case L’Amicale, nous get ene coup, kisane la enan dans case la. Accuser No. 1, c’est Sheik (Imran Sumodhee), Mounou. Li ti enan 34 ans kan ti arête li. Zamais li fine gagne case la police avant. Zamais li pas fine donne ene statement la police avant. Mounou, sel dimoune ki ti compter pou li ek ti p donne li courage (apart so banes zenfants), c’était so madame, Ben. Mounou ti p vivre zisse pou so madame. Ein p plus ki 2 ans de cela, Mounou gagne nouvelle ki so madame fine deceder. Li gagne permission depi prison pou vinne assister lenterrement et avant li re alle dans prison, li fer ene promesse. Li prend Bondieu couma temoin et li dire ki si li ou soit so frere fine mete lipied dans la rue royale le 23 mai 1999, Bondie empeche so madame gagne paradis. Mounou repete ca serment la 5 fois. Mounou kan li dans prison li ossi perdi so papa. Li fer meme serment kan li assize a coter cadavre so papa. Mounou enan 2 zenfan ki zordi na pa enan mama ek papa. Accuser No. 2, c’est Mounou so ti frere Bebe ( Khaleel Sumodhee). Pareil, jamais pas fine gagne case la police avant. Bebe so belle mere dire dans so affidavit ki si li ti enan kit doute ki Bebe coupable dans case Amicale, tout de suite li ti pou dire so tifi, prend so bagages retourne lakaz. Mais a koz li koner ki Bebe innocent (dans affidavit mentioner kifer), line dire so tifille ‘to devoir c’est attane to missier’. 14 ans apres, li dire so tifi, si bizin atane enkor 14 bananes, li bizin atane, parski so missier innocent. Accuser No. 3, c’est Zulu. Zulu ti enan zisse 19 ans a lepoq. Dimoune ki enan plus cher dans la vie Zulu c’est so garcon Yasfeer. Yasfeer fine gagne 15 ans semaine derniere. 14 ans ladans, so papa pas ti la pou li. Dernier accuser c’est Fico. Fico, 18 ans a lepok ek zamais pa fine gagne case la police. Fico ti content lamusement ek ti ene garcon joviale. Kan li gagne case, so mama obliger vende sel la terre ki li ti enan pou paye avocat. Ca créer probleme dans fami Fico ek fico coummence tire ca frustration la lor li meme. Li ti ene zeness 18 ans dans prison avec ene sentence 45 ans lors so la tete. Li ti vulnerable ek prison fine prend le dessus. Zordi Fico seropositif. Voila lhistoire derriere Mounou, Bebe, Zulu ek Fico. Li bien chagrinant. Mais kan nou mete emotion de coter ek no trouver ki kaliter injustice fine ena contre zotte, lerla li vine revoltant. Lot coup nous gette ene coup couma ca 4 accuser la ti passe zotte la journee le 23 mai 1999.
Posted on: Mon, 01 Jul 2013 20:42:03 +0000
Trending Topics
Recently Viewed Topics
© 2015