October 7, 2013 – RU BALITA SA UDTO PASAKAHAN na og kaso karong hapon ang usa ka lalaki nga naglasong atubangan sa simbahan sa Sta Cruz, Barangay Lapasan, ning siyudad. Matod ni Agora chief of police, Senior Inspector Ivan Viñas, ang dinakpan giilang si Ricardo Charon, 38-anyos, kinsa misukol sa mirespondeng mga polis ug nanigbas hinungdan nasamdan usa kanila nga si SPO1 Teofanes Murillo. Gibadlong sa mga polis ang suspek apan misukol busa gipasalbaran siya sa mga otoridad aron makontrol hangtod naigo ang bukton niini. Hinuon, luwas na sa makuyaw’ng kahimtang ang dinakpan ug posibleng mo-atubang kini sa kasong kalapasan sa comelec gun ban ug pagsukol sa mga otoridad. (vinas 1) Ang pamahayag ni Senior Inspector Viñas. Nasayran sa rekord sa Northern Mindanao Medical Center, nakaangkon og tinigbasan sa bukton ug tiil ang polis gamit ang sanggot sa suspek. Samtang sa laing bahin, kasohan na usab karong adlawa ang suspetsadong drug pusher nga nadakpan sa buy bust operation sa dalang Ebarle nga si Randy Apalle. -o0o-
Posted on: Mon, 07 Oct 2013 04:22:57 +0000
Trending Topics
Recently Viewed Topics
© 2015