Opocision: No por come asfalt y klinkers... Habitantenan sufriendo comiendo stof: Bin basha asfalt pa haya nos voto Habitantenan di Plantenrust y vecindario a dicidi di traha algun borchi y a pone pafo di nan cas, pa asina haya atencion di gobernantenan relaciona cu e situacion di stof cu ta afectando nan calidad di bida. Awor cu a cera e caminda grandi, mas auto ta uza e ruta alternativo via Plantenrust, cu consecuencia conoci. E mensahenan pa Gobierno ta cla y raspa, basha asfalt si acaso kier voto di e bario aki. Aunke ta zona hopi straño hopi biaha partidonan di opocision ta bisa cu no por come asfalt y tampoco klinkers. Pesey hopi biaha ta conclui cu ta imposibel cu e miembronan di opocision por ta cana den e barrionan y puntra e habitantenan kiko nan kier. Unda cu bai e habitantenan ta pidi pa asfalt y klinkers pero tambe luz den barrio. Esaki ta net loke opocision ta criticando. Spera cu e borchinan aki ta un señal hopi cla cu e bisiñanan aki di Plantensrust cu Sero Biento ta cansa di come stof y kier mira un cambio. Si ta klinkers nan mester come of asfalt e ta mas cu bon bini.
Posted on: Thu, 11 Jul 2013 23:07:16 +0000
Trending Topics
Recently Viewed Topics
© 2015