Pilar di candela, pilar di berdad. Iglesia Catholico y e Plan di Dios pa Bo Si bo ta Catolico of no, pidise bo tin pregunta over di Fe Catolico. Porta bo a tende questionamento tokante di e loke Iglesia Catolica ta reclama cu e ta e enterpretador y protector di e enseñansanan di Hesu Christo. E questionamento nan aki ta bin di missionarionan cu ta pasa cas pa cas y ta puntra, “bo ta salba?” Di pression di otronan cu ta pushabo pa bo ignora e enseñansanan di Iglesia, di un cultura mundano cu ta fluister, “No tin un Dios”. Bo no por bai om cu e questionamento nan aki si sinembargo bo compronde e basico de bo Fe Catholico. E folleto aki lo entrodusi esakinan na bo. Den Catolisismo bo ta haja e contesta riba e preguntanan difisil di bida: “Pakiko mi ta aki?” “Cen a crea mi?” “Kiko mi mester cere?” “Con mi mester actua?” Tur esakinan por wordo contesta na bo satisfecho, si bo habri bo mes pa e grasia di Dios, acudi bo mes na e Iglesia cu E a funda, y Su plan pa bo. (Huan 7:17) UN HISTORIA INTACTO Hesus a bias cu Su Iglesia lo ta un “luz pa mundo”. El a observa cu un “ciudat traha riba un sero no por ceda scondi” (Mateo 16:18) Esaki kiermen cu Su Iglesia lo ta un organisacion visible. Lo E tin caracteristicanan cu ta identifica su mes claramente y cu ta destingui su mes di otro Iglesia nan. Hesus a priminti, “Mi lo traha mi Iglesia riba e piedra aki y e portanan di fierno nunca lo no por vence”. (Mateo 16:18) Esaki kiermen cu Su Iglesia nunca lo wordo destrui y nunca lo cai for di E. Su Iglesia lo sobrevivi te ora cu E bolbe. Di tur e iglesianan Christian Iglesia Catholica so existi desde di e tempo di Hesus. Tur otro iglesia Christian ta un derivacion di Iglesia Catholica. E iglesianan Orthodox di Oriente e cibra di e unidat cu Papa na aña 1054. E iglesianan Protestant a wordo funda durante di Reformacion, cu a cuminsa na aña 1517.(mastante di e Iglesia nan Protestant a splits nan mes di otro splitnan di e iglesianan Protestant original.) Iglesia Catholica so a existi na e di 10, di sinco y di e promer siglo cu fielmente a tene nan mes na e enseñansanan cu Christo mes a duna Su Apostelnan, e cu a laga nada cai afo. E liña di Papanan por wordo trasa, sin quebro, te cu Pedro mes. Niun instituto den historia por iguala cu Esaki. E gobierno di mas bieuw mes ta nobo compara cu e reinado di Papanan, y e Iglesia nan cu ta manda missionarionan pa pasa cas pa cas ta hopi jong compara cu Iglesia Catolico. Hopi di e Iglesia nan aki a cuminsa mes resiente cu siglo diesnuebe of binti. Tin cu hasta a cuminsa durante di bo mesun bida. Niun di nan por predente cu nan ta e Iglesia cu Christo a funda. E Iglesia Catolico ta existi banda di 2000 aña caba, apesar di e oposicion constante di mundo. Esaki ta testigua di e origen Divino di Iglesia. E mester ta un instituto cu ta mas cu humano, si bo tene na cuenta cu su miembronan humano-su leadernan mes-tawata imprudente, corupto, of tawata neig na heregia. Tur otro institutional humano lo a cai den otro basta tempo caba. Iglesia Catolico awendia ta Iglesia cu mas vigor na mundo(y esun di mas grandi cu mas cu un billion miembro: 1/6 di e populacion di mundo). Y esei ta uniko, no di e sabidoria di e lidernan di Iglesia, pero di e proteccion di Spirito Santo. E CUATER CARACTERISTICANAN DI E IGLESIA BERDADERO Si nos kier identifica e Iglesia cu Hesus a funda, nos mester identifica esun cu tin e cuater marcanan of calidad prinsipal cu e Iglesia di dj’E tin. E Iglesia cu nos ta busca mester ta Un, Santo, Catholico y Apostolico. E Iglesia ta uno (Romanonan 12:5 , 1 Corintionan 10:17,12:13 CIC 813-822) Hesus a funda un Iglesia so, no un coleccion di Iglesia nan cu ta diferente bou di nan mes (Luterano, Bautista, Anglicano, etc.) Bijbel ta bisa tambe cu e Iglesia ta e bruid di Cristo. (Efesionan 5:23-32). Hesus por tin un bruid so y Su esposa ta e Iglesia Catholica. Su Iglesia tambe ta siña un solo set di doctrina, cu mester ta e mesun cu e Apostelnan a siña. (Hudas 3). Esaki ta e unidat di fe na unda e texto di Bijbel ta jama nos. ( Filepensenan 1:27 , 2:2) Anque cu tin Catolico cu ta aleha nan mes di e enseñansanan official cu ta wordo siña, E maestro nan oficial di Iglesia-den union cu e Papanan y obisponan-nunca a cambia e doctrinanan. A traves di e siglonan, ora cu su enseñsanan ta wordo examina mas completo, Iglesia ta compronde den mas profundo (Huan 16:12-13), pero nunca e ta interpreta nan contrario cu loke nan jigi nifika. * (CIC= Catisashi di Iglesia Catolico) E Iglesia ta Santo (Efesionan 5:25-27, Revelacion 19:7-8, CIC 823-829) Dor di Su gracia Hesus ta hasi e Iglesia santo, mescos cu E ta Santo. Esaki no kiermen Semper tur miembro ta santo. Hesus a bisa cu lo tin bon y miembronan di su Iglesia ta malo (Huan 6:70), y tur miembro no lo bai cielo (Mateo 7:21-23). Pero cu e Iglesia mes ta fuente di santidad y e ta e guardia di e medionan special cu Hesus mes a establese, e Sacramentonan (Efesionan 5:26) E Iglesia ta Catolico (Mateo 28:19-20 ). Hesus Su Iglesia ta Catolico (“universal”, na Griego), paso e ta Su don na tur hende. El a bisa Su Apostelnan pa bai den mundo y hasi “tur nation” Su disipelnan. (Mateo 28:19-20) Dos mil aña caba Iglesia Catholica a encarga su mes cu e mission aki, pa predica e Bon Noticia cu Christo a muri pa tur hende y Cu e kier pa nos tur bira miembro di Su famia universal (Galatanan 3:28). Awe un dia bo por topa Iglesia Catholica tur parti na mundo y ainda e ta manda missionarionan pa “hasi tur nation Su disipelnan” (Mateo 28:19) E Iglesia cu Hesus a funda ta mas conosi cu e titulo, “Iglesia Catholica”, mas o menos na aña 107 e number aki tawata conosi, ora cu Ignasio di Antiokia a usa e titulo aki pa descrebi e Iglesia cu Hesus a funda. Aparentemente e titulo aki tawata bieuw caba den e tempo di Ignatio, cu probablemente ta bai back te den e tempo di e Apostelnan. E Iglesia ta Apostolica (Efesionan 2:19-20; CIC 857-865) E Iglesia cu Hesus a funda ta apostolic paso E a nombra e Apostelnan pa ta e promer lidernan di e Iglesia, y nan sussesornan y cu nan lo ta e futuro lidernan. E Apostelan tawata e promer obisponan, y desde e promer siglo, continuamente tawatin un liña di obisponan Catolico cu ta fiel na loke e Apostelnan tawata siña na e promer Christiannan den Santa Scritura y Traditionnan oral (2 Timoteo 2:2). E cerement Nan tawata insera e Resureccion di Hesus, e Presencia Real di Hesus den Eucharistia, e character di sacrifisio di Misa, pordon di pikanan via un sacerdotal, e regeneracion di bautismo, e existencia di purgatorio, e rol special di Maria y hopi mas-asta e doctrina di e sucesion apostolic. E promer scrituranan di loke e Cristiannan tawata cere, ainda Iglesia Catolica ta cere. E scrituranan aki ta confirma cu e promer Cristiannan tawata completamente Catolico den nan cerensia y praktika. Y cu nan tawata considera su lidernan como e susesornan di e apostelen. Niun otro Iglesia por reclama Esaki. Pilar di candela, Pilar di Berdat Tur esakinan no ta debi di e ingenidat humano. Iglesia a ceda un, santo, Catolico y apostolic-no pa medio di e esfuerso humano, pero dor cu Dios a preserva e Iglesia cu El a funda. (Mateo 16:18 , 28:20) El a guia e Israelitanan durante cu nan a hui fo’i di Egipto dor di a duna nan un Pilar di candela pa lusa nan caminda den e desierto scur. (Exodo 13:21). Awe un dia E ta guia nos dor di Su Iglesia Catolica. Bijbel, santa Tradicion, y e scrituranan di e promer Cristiannan ta testigua cu e Iglesia ta duna inseñansa cu e autoridad di Hesus. Den e tempo aki cu tin innumerable religionnan, cada un ta sclama pa atencion, tin un voz cu ta halsa su mes di e desordo; e Iglesia Catolica, cu Bijbel ta jama “e columna y fundeshi di e berdad”,( 1 Timoteo 3:15). Hesus a sigura e Apostelen y nan sucesornan, e Papanan y e obisponan, “Cen cu scucha boso, ta scucha Mi, y cen cu rechaza boso, ta rechaza Ami” (Lucas 10:16). Hesus a priminti pa guia Su Iglesia na tur berdad. (Huan 16: 12-13). Nos por ta completamente sigur cu Su Iglesia ta siña e berdad di Cristo so. E STRUCTURA DI E IGLESIA Hesus a scohe e Apostelnan pa ta na mundo e lidernan di e Iglesia. El a duna nan Su autoridad pa duna inseñansa y pa goberna, no manera un dictator, pero como tata y wardadornan amabel. P’esei Catoliconan ta jama nan lidernan spiritual “tata” (pader). Asina nos ta sigui e ehempel di Pablo: “Ami a bira boso tata den Hesu Christo dor di e Evangelio” (1 Corintionan 4:15) E Apostelnan, cumpliendo cu e boluntad di Hesus, ta ordena obisponan, sacerdotenan y diacononan y asina nan ta duna nan ministerio apostolico na nan, e grado di mas halto pa obisponan y un gradonan menos pa sacerdotenan y diacononan. E PAPA Y E OBISPONAN (CIC 880-883) Hesus a duna autoridad na Pedro bou di e Apostelnan (Huan 2:15-17), y a duna Esaki nificacion dor di cambia e number di Simon na Pedro, loke nifika “baranca” (Huan 1:42) El a bisa cu Pedro lo ta e baranca riba unda E lo construi Su Iglesia (Mateo 16:18) Na Arameico, e idioma cu Hesus tawata papia, e number nobo di Simon lo ta Kepha (loke nifika “baranca masivo”). Despues e number a wordo tradusi na Griego como Petros (Huan 1:42), na Papiamento como Pedro. Christo a duna Pedro e “jabinan” di Su Reino (Mateo 16:19), y a priminto cu e decision di Pedro lo ta mara na cielo. El a duna casi mesun poder na e otro Apostelnan (Mateo 18:18). Pero na Pedro so a haja e jabinan, semolina di su autoridad pa goberna e Iglesia na tera den ausensia di Hesus. Christo e Bon Wardador, a nombra Pedro como e warded cabesante den Su Iglesia (Huan 21:15-17). El a duna Pedro e tarea pa fortalece e otro Apostelnan den nan fe, y sigura cu e fe di e Iglesia no bai e direccion malo. (Lukas 22:31-32). Pedro a guia e Iglesia den e proclamacion di e Evangelic y pa tuma decisional (Echonan 2:1-41, 15:7-12). E scrituranan Christian di antigua ta conta nos cu e sucesornan di Pedro, e obisponan di Roma (cu di cuminsa di era Christian tawata wordo jama cu titulo amoroso di “papa”, cu kiermen “tata”), a sigui cu e ministerio de Pedro den e Iglesia. E Papa ta e siguidor di Pedro como e Obispo di Roma. E otro obisponan di mundo ta e sucesornan en general di e Apostelnan. CON DIOS TA PAPIA CU NOS Na prome lugar Dios ta papia cu Su Iglesia dor di e Bijbel y via e santa Tradicion. Pa sigura cu nos ta comprond’E, E ta guia e autoridad di inseñansa di Iglesia-e magisterium (di Latin pa “maestro”)- asina cu semper e ta interpreta Bijbel y Tradicion correcto. * Esaki ta e don di infalibilidat. (sin error). Manera e tres pianan di un stoel, e Bijbel, Tradicion y e Magisterium tur ta nesesario pa e stabilidat di e Iglesia pa garantisa inseñansanan solido. Santa Tradicion (CIC 75-83) Santa Tradicion no mester wordo bruha cu tradicionnan comun di humanidat, cu comun ta wordo jama custumbernan y disiplinanan. Tin biaha Hesus ta condena custumbernan y disiplinanan, pero ora nan ta contrario di e mandamentonan di Dios (Marco 7:8). Nunca E ta condena santa Tradicion, y e no a condena tur tradicionnan humano mes. Santa Tradicion y Bijbel no ta diferente of no ta Revelacion nan cu ta competi. Nan ta tambe dos manera cu Iglesia ta pasa (un pa otro) e Evangelio. Enseñansanan apostolico manera Trinidad, bautismo di baby y mucha chikito, infalibilidat di Bijbel, e purgatorio, y e virginidat perpetuo di Maria tawata wordo siña movement dor di e Tradicion. Anque cu eseinan ta implicito (y no contrario) den Bijbel. Bijbel mes ta bisa nos pa tene na e Tradicionan, sea pa medio di nos palabra of scirbi dor di nos. (2 Tesalonicensenan 2:15, 1 Corintionan 11:2).Santa Tradicion tampoko mester wordo bruha cu custumbernan y disiplinanan, manera Rosario, celibato sacerdotal, y no come carni riba diabierna durante di Cuaresma. Esakinan ta cosnan bon y cu ta juda nos, pero nan no ta dogmanan. Santa Tradicion ta conserva e doctrinanan cu promer a wordo siña dor di Hesus na e Apostelnan y cu despues a wordo pasa pa nos via di Iglesia, bou di direccion di e sucesornan di e Apostelnan, e Papanan y e obisponan. Santa Scritura (CIC 101-141) E Santa Scritura, cu esei nos ta compronde ta Testament Bieuw y Nobo, ta inspira dor di Dios. (2 Timoteo 3:16). E Spirito Santo a guia e autornan di Bijbel pa scirbi loke E tawata kier pa nan scirbi. “ E bukinan inspira ta siña e berdat. Desde cu tur loke e autornan inspira of santa autor ta confirma mester wordo tuma como confirma dor di Spirito Santo, nos mester reconose cu e bukinan di Santa Scritura firmamente, fiel y sin error ta siña e berdat cu Dios, pa nos salbacion, a desea pa duna na Santa Scritura”. (CIC 107, quotacion for di Dei Verbum 11). Tin Christian ta pretende cu, “Bijbel ta tur loke mi mester”, pero e nocion aki no ta wordo enseña dor di Bijbel mes. Den realidat, Bijbel ta siña e idea contrario. (2 Pedro 1:20-21, 3:15-16). E “Bijbel so” theoria no a wordo cere dor di niun hende den e Iglesia di antigua. Esaki ta un idea nobo, cu a surgi den añanan 1500 so durante di Reformacion Protestant. E theoria aki ta un “tradicion di hende” cu ta declara e palabra di Dios na nada, ta deforma e rol real di e Bijbel, y cu ta menospresia e autoridad di e Iglesia cu Hesus a funda. (Marko 7: 1-8). Anque cu e ta popular bou di “Christian di Bijbel” iglesianan, e “Bijbel so” theoria simplemente no ta traha den praktika. Experensia historico ta munstra cu Esaki no ta asina. Tur aña nos ta mira separacion bou di iglesianan di “Bijbel creyente”. Awendia tin milles (mas cu 36000), denominational cu ta competi contra otro, cada un tenendo cu nan interpretacion di Bijbel ta esun corecto. E devicion cu a resulta a causa innumerabel confucion entre millones di sincero pero Christiannan engaña. Djis habri Yellow Pages y bo ta mira cuanto denominacion ta wordo menciona, cada un cu ta exigi cu nan ta bai cu “Bijbel so”, pero ni dos di nan ta den acuerdo cu otro kiko Bijbel ta nifika. Nos ta sigur di Esaki: Spirito Santo no por ta e autor di e confucion aki. (1 Corintionan 14:33). Dios no por guia hende na cerensianan cu ta contradeci otro pasobra Su berdat ta un. Conclucion? E theoria di “Bijbel so” mester ta falso. E Magisterium (CIC 85-87, 888-892) E papa y e Obispo hunto ta forma e autoridad di eneñansa di Iglesia, loke ta wordo jama e magisterium (di Latijn pa “maestro”). E magisterium, guia y proteha di errornan dor di Spirito Santo, cu ta duna nos siguridad den assuntonan di doctrina. E Iglesia ta e custodiador di e Bijbel y ta proclama su mensahe fielmente y exacto, Dios a duna Iglesia e capacidat pa hasi e tarea aki. Tuma den cuenta cu e Iglesia a bin promer cu e Testament Nobo, no e Testament Nobo promer cu Iglesia. Miembronan di Iglesia divinamente inspira a scirbi e bukinan di e Testament Nobo, mescos cu autornan divinamente inspira a scirbi Testament Bieuw, y Iglesia ta wordo guia dor di Spirito Santo pa proteha y interpreta henter Bijbel, e Testament Bieuw y Nobo conhunto. Un interpretador oficial ta nesesario si nos kier compronde Bijbel bon. (nos tur sa kiko e Grondwet ta bisa, pero nos tin mester di un Hooggerecht pa splika loke e nifika). E magisterium ta sin error paso e ta duna e inseñansa oficial paso Hesus a priminti pa manda Spirito Santo pa guia e Apostelnan y nan sucesornan “den tur berdad” (Huan 16:12-13) CON DIOS TA DISTRUBUI SU DONNAN Hesus a priminti nos cu nos no lo wordo laga atras como huerfano (Huan 14:18), pero cu E lo manda Su Spirito Santo pa guia y proteha nos (Huan 15:26). El a duna nos Su Sacramentonan pa sana, pa duna nos di come, y fortalese nos. E siete Sacramentonan- bautismo, e Eucharistia, penitencia, (tambe ta wordo jama confession of reconciliation), confirmacion, sacerdocio, matrimonio, y e santa olio- no ta simplemente symbolonan. Nan ta señanan den unda Dios ta duna Su gracia y amor. Den Testament Bieuw tin cosnan cu ta prefiguramento di e Sacramentonan, nan a duna gracia pero tawata symbolonan di nan. Circumcion ta prefigura bautismo, y Pascua ta prefigura di e Eucharistia. Ora Christo a bini, E no a kita e symbolonan di Dios Su gracia. El a supernaturalism nan, duna nan poder cu gracia. El a hasi nan mas cu symbolonan. Contstantemente Dios ta usa cosnan material pa mustra Su amor y poder. Despues di tur cos, cosnan material no ta pika. Tempo cu Dios a crea universo, tur cos cu El a crea tawata “hopi bon”. (Genesis 1:31). E ta tuma tanto placer den cosnan fysico cu El a hasi nan digno dor di Su Encarnacion. (Huan 1:14). Durante di Su ministerio na mundo Christo a sana hende cu cosnan fortifica dor di elementonan humilde manera lodo, awa, pan, azeta y biña. E por a mustra Su milagernan directamente, pero El a prefera pa usa cosnan material pa duna Su gracia. Den Su promer milager publiko, Christo a cambia awa den biña, despues di e peticion di Su mama, Maria. (Huan 2:1-11). El a cura un homber siego dor di a hunta su wowonan cu lodo. (Huan 9:1-7). El a multiplica un paar di pan y pisca den un cena pa milles. (Huan 6:5-13). El a cambia pa y biña den Su mesun curpa y sanger (Mateo 26:26-28). Pa medio di e Sacramentonan E ta sigui sana, duna nos di come y pa duna nos forsa. Bautismo (CIC 1213-1284) Pa via di e pika original, nos ta nace sin gracia den nos alma, dus no tin un otro manera pa nos pa tene communion cu Dios. Christo a bira hende pa trese nos den union cu Su Tata. El a bisa cu niun hende por drenta reino di Dios sin cu promer nan nace di “awa y Spirito”. (Huan 3:5) -esaki ta referi na bautismo. Pa medio di bautismo nos ta nace di nobo, pero e biaha aki riba un nivel spirtitual lugar di un nivel fysico. Nos ta wordo laba den e baño di renacemento. (Tito 3:5). Nos ta wordo batisa den e morto di Christo P’esei nos ta tuma parti di Su Resureccion. (Romanonan 6:3-7).Bautismo ta purifica nos di pika y ta trese Spirito Santo y Su gracia den nos alma. (Echonan 2:38, 22:16).Y e Apostel Pablo podise ta esun di mas direkt: “Bautismo awo ta salba bo”. (1 Pedro 3:21). Bautismo ta e porta pa drenta den Su Iglesia. Penitencia (confecion) (CIC 1422-1498) Tin biaha nos ta tronpika y nos ta cai den pika riba nos viahe pa e tera celestial priminti. Semper Dios ta para cla pa hisa nos y ta restaura nos pa un communion jen di gracia cu n’E. ta hasi esaki dor di e Sacramento di penitensia (mihor conosi tambe como confecion y reconciliation, cada termino ta lusa un elemento di e Sacramento aki). Hesus a duna Su Apostelnan e poder y autoridad pa reconcilia nos cu Tata. Nan a haja Hesus su mesun poder pa pordona pikanan ora El a supla riba nan y a bisa: “Ricibi Spirito Santo. Na esnan cu boso pordona nan picanan, eseinan lo wordo pordona, y esnan cu boso no pordona nan picanan eseinan lo ceda cu nan”. (Huan 20:22-23). Pablo a nota cu “esakinan ta di Dios, cu a reconsilia nos na E dor di Christo y a duna nos e ministerio di reconciliation… A nos ta embahador di Christo, di manera cu Dios ta roga pa medio di nos, (2 Corintionan 5:18-20). Dor di confesa serka un sacerdote, representante di Dios, nos picanan ta wordo pordona, y nos ta risibi gracia pa resisti tentacion den futuro. Santa Eucharistia (CIC 1322-1419) Ora nos bira miembro di e famia di Christo, E no ta laga nos haja hamber, pero ta duna nos di come di Su mesun curpa y sanger dor di Santa Eucharistia. Den Testament Bieuw, ora cu nan tawata prepara pa nan viahe den desierto, Dios a duna Su pueblo e mandamentonan pa sacrifica un lamchie y pa spart su sanger riba e kozijnnan, asina pa e Angel di Morto pasa nan cas voor bij. Nan a come e lamchie pa seja nan aliansa cu Dios. E lamchie aki ta e prefiguracion di Hesus. E ta e berdadero “Lamchie di Dios”, cu ta cita pica di mundo. (Huan 1:29). Pa medio di Hesus nos ta drenta den e Aliansa Nobo cu Dios. (Lucas 22:20), cu ta proteha nos di morto eterno. E pueblo di Dios di Testament Bieuw a come e Lamchie di Pasco. Awor nos mester come e Lamchie cu ta e Eucharistia. Hesus a bisa: “Si bo no come Mi carni y Bebe mi sanger boso lo no tin bida den boso.” (Huan 6:53). Na e Delaster Cena El a coi e pan y biña y a bisa, “Tuma esaki y come di dje. Esaki ta Mi Curpa. Esaki ta Mi Sanger cu lo wordo drama pa boso”. (Marco 14:22-24). Na e manera aki Hesus a instituciona e Sacramento di Santa Eucharistia, e cuminda di sacrifisio cu Catoliconan ta come durante di Misa. Iglesia Catolica ta siña cu e sacrifisio di Christo riba e cruz a pasa “un biaha y pa semper”. E no por wordo ripiti (Hebreonan 9:28). Christo no ta “muri” “un biaha mas” durante di Misa pero e mesun sacrificio cu a pasa riba Calvario ta bira visibel riba altaar. P’esei Sacrifisio di Misa no ta “un otro” sacrificio, pero ta un partisipacion di e sacrifisio di Christo riba Cruz cu a pasa un-biaha-y-pa-semper. Pablo ta recorda nos cu e pan y biña ta di berdat, dor di un milager di Dios Su gracia, e curpa di Hesus: “Cada cen cu come y bebe sin reconose e curpa y sanger di Señor, ta come y bebe condenacion riba su mes. (1 Corintionan 11:27-29). Despues di consecration di pan y biña, no ta ceda ni pan y biña riba altar. Solamente Hesus mes, bou di e aparencia di pan y biña, ta ceda riba altaar. E Sacramento di Confirmacion (CIC 1285-1321) Dios ta fortifica nos alma riba un otro manera, pa medio di e Sacramento di Confirmacion, anque cu e disipelnan di Hesus a risibi gracia promer cu Su Resureccion, riba Pentecoste Spirito Santo a bin pa fortalese nan cu mas gracia pa e trabou difisil cu ta bin. Ora nan a bai pafo pa proclama e Evangelio cu poder y sin miedo. Y nan a carga e mission cu Christo a duna nan. Despues nan a pone nan mannan riba otro pa fortalese nan tambe. (Echonan 8:14-17). Pa medio di confirmation bo tambe ta haja fortalese pa bo por enfrenta e dificultadnan den bo bida. E Sacramento di Matrimonio (CIC 1601-1666) Mastanto di hende ta wordo jama pa matrimonio cu na e bida religioso of bida di un soltero. Dor di e sacramento di matrimonio Dios ta duna gracia nan pa e pareha casa pa juda nan den dificultadnan di bida, specialmente pa juda den e criamento di mucho como amabel siguidor nan di Christo. Matrimonio semper ta envolvi tres partido: e bruid, e bruidegom y Dios. Ora dos Christian risibi e sacramento di matrimonio, Dios semper ta cu nan, testigua y bendicionando nan union. Pa Catoliconan Dios ta hasi esei via un pastoor of diacono cu ta presidi como testigonan di Iglesia. Un matrimonio sacramental consumi ta permanent, Solamente morto por cibra esei. (Marco 10:1-12, Romanonan 7:2-3, 1 Corintionan 7:10-11). E union sa grado ta un symbolo bibo di e relacion di Christo y Su Iglesia cu no por wordo cibra. (Efesionan 5:21-33) E Sacramento di Ordinacion (CIC 1536-1600) Tin hende ta wordo jama pa comparti specialmente den e sacerdocio di Christo. Den e Aliansa Bieuw, anque cu Israel ta un reino di sacerdotenan (Exodo 19:6), Señor a jama sierto homber pa un ministerio special di sacerdocio. (Exodo 19:22). Den e Aliansa Nobo, aunque cu Christiannan ta un reino di sacerdotenan (1 Pedro 2:9), Hesus a jama sierto hombernan pa un ministerio special di sacerdote (Romanonan 15:15-16). E Sacramento aki jama sacerdocio. Pa medio di esaki sacerdotenan ta haja ordinacion y asina ta wordo autorisa pa sirbi Iglesia (2 Timoteo 1:67), como pastornan, maestronan, y tatanan spiritual pa sana, duna di come, y fortalese e pueblo di Dios-esun di mas principal dor di predicashi y administracion di e Sacramentonan. Uncion di Malonan (CIC 1499-1532) Sacerdotenan ta cuida nos ora fysicamente nos ta malo. Nan ta hasi esaki pa medio di e sacramento mihor conosi como Santa Olio. Bijbel ta siña nos, “Tin un hende bou di boso cu ta malo? E mester jama e ancianonan (sacerdotenan) di Iglesia, y nan mester resa cu ne, y hunte cu azeta den nomber di Señor; y e oracion di fe lo salba e persona malo. Y Señor lo lante y si el a comete pica, e lo wordo pordona.” (Hacobo 5:14-15). Uncion di Malonan no ta juda nos pa soporta malo so, pero e ta purifica nos alma y ta juda nos pa nos prepara nos mes pa encontra Dios. PAPIA CU DIOS Y SU SANTONAN Un di e actividatnan mas importante pa un Catolico ta oracion. Sin esaki lo no por tin un bida spirtitual di berdat. Dor di oracion personal y oracion communal di Iglesia, specialmente Santo Sacrificio di Misa, nos ta adora y alaba Dios, nos ta expresa nos tristesa pa nos picanan, y nos ta intercede den nomber di otro (1 Timoteo 2:1-4). Pa medio di nos oracion nos ta crese den nos relacion cu Christo y e otro miembronan di e famia di Dios (CIC 2663-2696). E famia aki ta ensera tur miembro di Iglesia, maske cu nan ta na mundo, den cielo of den purgatorio. Ja cu Hesus tawatin un curpa y ja cu morto no por separa nos di Christo (Romanonan 8:38), Christiannan den cielo of cu, promer nan a drenta den cielo a wordo purifica dor di e amor di Dios den purgatorio(1 Corintionan 3:12-15), ainda nan ta forma parti di e Curpa di Christo (CIC 962) Hesus a bisa cu e mandamento di mas grandi ta “stima bo prohimo mescos cu bo mes” (Mateo 22:39), esnan den cielo ta stima nos mas intenso cu nan por a hasi na mundo. Nan ta resa constantemente pa nos (Revelacion 5:8), y nan oracion ta cu hopi fervor (Hacobo 5:16, CIC 956, 2683, 2692). Nos oracionnan na e santonan den cielo, pa puntra nan pa resa pa nos, y nan intersecion cu Tata, no ta hasi e rol di Christo como e unico Mediador bira menos (1 Timoteo 2:5). Den puntramento di santo nan den cielo pa resa pa nos, nos ta sigui e instruccionnan di Pablo: “Mi ta pidi pa suplicacion, oracion, intersecion y gradicimento wordo hasi pa tur hende”, paso esaki ta bon y agradabel pa Dios nos Salbador (1 Timoteo 2:1-4). Tur e miembronan di e curpa di Christo ta jama pa juda otro pa medio di oracion (CIC 2647). Specialmente e oracion di Maria den nos nomber tin hopi effecto dor di e relacion cu e tin cu su Jui (Huan 2:1-11). Dios a duna Maria un rol special (CIC 490-511, 963-975). El a salbe di tur pika (Lucas 1:28, 47). El a hasi Maria unicamente bendiciona denter di tur muhernan (Lucas 1:42), y a hasie un modelo pa tur Christiannan (Lucas 1:48). Na fin di su bida El a tume, curpa y alma, den cielo-un imagen di nos mesun Resureccion na fin di mundo (Revelacion 12: 1-2). KIKO TA E PROPOSITO DI BIDA? Cathesismonan bieuw ta puntra, “Pacico Dios a crea mi? E contesta: “Dios a crea bo pa bo conos’E, pa stim’E, en pa sirbi’E den e mundo aki y pa ta feliz cu n’E den esun cu ta bini”. Aki den 31 palabra, tin tur e rasonnan pa nos existencia. Hesus tin un contesta mas cortico: “Mi a bin pa boso haja bida y pa tin e completo.”(Huan 10:10). Dios Su plan pa bo ta simpel. Bo Tata cu ta stima bo kier duna bo tur cos bon- specialmente bida eterno. Hesus a muri na cruz pa nos tur wordo salba di pika y pa e separacion eterno di Dios cu pika ta causa (CIC 599-632). Ora E salba nos, E ta uni nos cu Christiannan di tur caminda (na tera, den cielo, y den purgatorio. Cico bo tin cu hasi pa wordo salba E mihor di tur cos, e promesa di e bida eterno ta un don, claramente ofrese na nos dor di Dios. (CIC 2010). Nos salbacion di cuminsa pordon y hustificacion no ta cosnan cu nos por “gana” (manera un pago), (CIC 2010). Hesus cu a crusa e bashi cu ta separa nos di Dios (1 Timoteo 2:5). El a crusa e bashi aki dor di muri pa nos. El a scohe nos pa bira partner cu n’E pa e salbacion. (1 Corintionan 3:9). Iglesia Catolica ta enseña loke e Apostelnan a siña y loke Bijbel ta siña: “Nos ta salba dor di gracia so, y no dor di fe so” ( loke e “Bijbel Christiannan ta siña, mira Hacobo 2:24). Ora nos jega serca Dios y nos ta wordo hustifica (esei ta, pa drenta un relacion corecto cu Dios),nada cu ta bin prome cu hesitation, sino fe of trabou bon, ta gana gracia. Pero Dios ta planta Su amor den nos curasonnan, y nos mester biba nos fe dor di hasi actonan di fe. (Galatanan 6:2). Asta si nos por stima otro cu e gracia di Dios so, e actonan di amor aki ta agradabel na dj’E, y e ta priminto pa paga nan cu amor eterno (Romanonan 2:6-7, Galatanan 6:6-10). Na e manera aki bon trabou nan ta gana pago. Ora cu nos bini serka Dios den fe, nos no tin nada pa ofrese na dj’E. E ora E ta duna nos gracia pa cumpli cu Su mandamentonan, y E ta paga nos cu salbacion ora nos duna e actonan di amor aki back. (Romanonan 2:6-11, Galatanan 6:6-10, Mateo 25:34-40). Hesus a bisa cu no ta sufficient pa tin fe den dj’E; nos mester tene nos mes nan Su mandamentonan tambe. “Dicon pa ta jama Mi ‘Señor, Señor’, pero no ta hasi e cosnan cu Ami a manda?” (Lucas 6:46, Mateo 7: 21-23; 19:16-21). Nos no ta “gana” nos salbacion dor di hasi trabou bon. (Efesionan 2:8-9, Romanonan 9:16). Pero pa medio di nos fe den Christo nos ta drenta den un relacion cu grasia nan special cu Dios. Asina cu nos obedience y amor, combina cu nos fe, ta haja e reconpensa di bida eterno (Romanonan 2:7, Galatanan 6:8-9). Pablo a bisa, “Dios ta Esun, pa Su proposito bon, ta traha den bo pa asina den bo lo tin e deseo y e trabou. (Filepensenan 2:13). Huan a splika cu “e manera cu nos ta sigur cu nos conos’E ta dor ti tene Su mandamentonan. Cen cu bisa ‘Mi conos’E’, pero no ta tene na Su mandamentonan ta un mentiroso, y e berdat no ta den dj’E” (1 Huan 2:3-4, 3:19-24, 5:3-4). Ja cu niun don por wordo forsa na esun cu ta risibi-e donnan semper por wordo Nenga-anque cu el a wordo hustifica, nos por tira e don di salbacion afo. Nos ta tir’e afo Di pika grave (mortal) (Huan 15:5-6, Romanonan 11:22-23, 1 Corintionan 15:1-2, CIC 1854-1863). Pablo ta bisa nos, “E pago di pika ta morto” (Romanonan 6:23). Lesa su cartanan en mira cuanto biaha Pablo ta avisa e Christiannan contra pika! Nunca e no lo a sinti su mes obliga si nan pikanan no por a exclui nan di cielo (lesa, p.e., 1 Corintionan 6:9-10, Galatanan 5:19-21). Pablo tawata corda e Christiannan di Roma cu Dios “lo duna tur hende recompensa segun nan trabou: Bida eterna pa esnan cu ta rondia gloria, honor, y inmortalidad dor cu nan a persevera den trabounan bon, pero rabia y furia na esnan cu egoistamente ta desobedese y cu ta obedese maldad. (Romanonan 2:6-8). Pica ta nada mas cu trabounan di maldad. CIC 1849-1850). Nos por evita pica dor di hasi trabounan for di custumber. Cada santo tawata sa e mihor manera pa ta liber di pica dor di resa regularmente, e Sacramentonan (principalmente Eucharistia), y dor di hasi obranan di caridad. Cielo Ta Wordo Garantisa Na Bo? Tin hende cu ta hasi propaganda pa un idea attractive: Tur Christian berdadero, Sin tene cuenta cu con nan ta biba, tin e siguridad absoluto di salbacion, ora nan asepta Christo den nan curason como nan “Señor y Salbador personal”. Ta importante si cu bo tin un relacion personal cu Cristo. Pero e problema ta cu esaki ta contrario di e Bijbel y e enseñansa Cristian constante. Corda loke Pablo a bisa e Christiannan di su tempo: “Si nos a muri cu n’E [den bautismo; Romanonan 6:3-4], nos lo biba cu n’E; si nos Persevera nos lo reina cu n’E tambe” (2 Timoteo 2:11-12). Si nos no persevera, nos no lo reina cu n’E. Cu otro palabra, Cristiannan por perde cielo (CIC 1861). Bijbel ta hasi claramente cu Cristiannan tin un siguransa moral di salbacion. (Dios lo tene Su mes na Su palabra y duna salbacion na esnan cu ta cere de Cristo en ta obedesido na E (1 Huan 3:19-24), pero Bijbel nos ta siña cu nos tin e garantisa absoluto pa cielo. No por tin un garantisa absoluto di salbacion. Scirbiendo na e Cristiannan Pablo a bisa, “Mira anto, e bondad y severidad di Dios: Severidad contra esunnan cu a cai, pero Dios Su bondad na bo, riba e condicion cu bo ta ceda den Su bondad, sino bo tambe lo wordo corta afo”, (Romanonan 11:22-23, Mateo 18:21-35, 1 Corintionan 15:1-2, 2 Pedro 2:20-21). Nota cu Pablo ta inclui un condicion importante, “si bo ceda den Su bondad”. El a bisa cu Cristiannan por perde nan salbacion dor di tire afo. El a avisa, “Cada cen cu cere cu nan ta para firme mester tene cuidou pa e no cai” (1 Corintionan 10:11-12). Si bo ta un Catolico y un hende puntra bo si bo ta “salba”, bo mester contesta, “Mi ta rescata pa medio di e sanger di Cristo, mi tin speransa den dj’E so pa mi salbacion, y mescos cu Bijbel ta siña, ‘mi ta traha pa mi salbacion cu temor y temblamento’ (Filepensenan 2:12), cu e conosimento cu e ta bin dor di e gracia di Dios cu ta traha den mi”. E OLA DI E FUTURO Tur e altenativonan pa Catolisismo ta demonstra na nan mes con inadecua nan ta: E secularismo gasta cu ta rondona nos cu niun hende ta haja satisfecho mas, E culto strañonan y movementonan cu ta ofrese comunidad temporadamente pero no un hogar permanente, incluso e otro sortonan di Cristianismo incompleto. Mientrastanto cu nos mundo cansa ta bira mas desespera, hendenan ta acudi cu e unico alternativa cu nan no a considera ainda: e Iglesia Catolica. Nan ta encontra berdad den e delaster lugar unda nan a spera pa encontre. Nunca Popular, Semper Atractivo. Con esei por ta posibel? Dicon tin hopi hende cu seriamente ta wak pa promer biaha na Iglesia Catolica? Algo ta atraja nan na Iglesia. E algo ei ta berdad. Esaki nos sa: Nan ta considera Iglesia Catolica no como un desea pa gana fabor di publiko. Catolicismo, por lo menos awe un dia, nunca ta popular. Bo no por gana un concurso di popularidad dor di ta un fiel Catolico. Nos mundo den decadencia ta duna recompensa na e sabi nan, no esunnan bon. Si un Catolico ta wordo apoja, esei ta bin dor di su talentonan mundano cu e ta demonstra, y no pa su birtudnan Cristian. Aunque cu hendenan ta purba di evita e berdadnan doctrinal cu Iglesia Catolica ta ofrese (pasobra berdad nan claro ta esihi cu bo ta cambia bo bida), toch nan ta wordo atraja na Iglesia. Ora nan scucha Papa y e Obisponan uni cu n’E, nan ta tende, palabra cu e zonido di berdad-maske nan ta haja difisil pa biba e berdad ei. Ora nan contempla e historia di Iglesia Catolica y e bida di su Santonan, nan ta realisa nan mes cu mester tin algo special. Porta algo supernatural, di e institucion cu a produci Santo Agustin, Santo Tomas di Aquinas y Madre Teresa. Ora nan sali for di un caja druk y drenta e gangnan di un Iglesia Catolica cu ta parse bashi, nan no ta experensia un bashi completo, ma un Presencia. Nan ta experencia cu tin un Hende cu ta biba den dj’e, cu ta warda pa consola nan. Nan ta realisa cu e oposicion constante cu ta enfrenta Iglesia Catolica - si e ta dor di no-crejentenan of “Bijbel Cristiannan” of di hende cu ta ensisti pa jama nan mes Catolico Romano - ta un señal di e origen dibino di Iglesia Catolica (Huan 15:18-21). Y nan ta sospecha cu net Iglesia Catolico, di tur cos, ta e ola di futuro. Cristianismo Incompleto No Ta Suficiente Durante di e delaster paar di decadanan hopi a sali for di Iglesia Catolica, hopi a cai completamente fo’i religion, otro a join otro iglesianan. Pero un ta tur ora e trafico a bai den un direction so. E trafico den direccion di Roma crese rapitamente. Awendia nos ta mira na Merca mas cu 150 mil hende cu ta comberti cu ta drenta Iglesia Catolico Romano, na otro parti di mundo manera na e continente di Africa, cada aña tin miljon di hende cu ta comberti pa Iglesia Catolica. Hende sin religion, Catolico cu no ta practica nan fe of cu ta inactive, ex-Catoliconan, hende cu no ta Cristian, y miembronan di otro iglesianan Cristian ta “bolbe cas na Roma”. Nan ta atraja pa Iglesia dor di diferente rasonnan, pero e rason principalmente cu nan ta comberti ta e rason cu abo mester ta Catolico: e berdad solido di e fe Catolica. Nos rumannan separa tin hopi berdad Cristian, pero no tur di nan. Nos por compara nan fe cu un bentana di glas den loos, den unda e glasnan original a wordo reemplasa pa glasnan mat: Algo cu tawata presente pero awor no t’ej mas, y algo cu no ta pas a wordo poni pa jena e lugar bashi. E unidad di e bentana original a bira dof. Tempo cu siglonan pasa cu nan a separa nan mes di Iglesia Catolica Romano, e antepasadonan teologico di e Cristiannan aki a elemina ceremente authentic y a pone esunnan nobo cu nan mes a traha. E formanan di Cristianidad cu nan a establese echt ta Cristianidad incompleto. Iglesia Catolica so a wordo funda dor di Hesus, y e so ta capable pa warda berdad Cristian, sin error - y un candidad grandi di hende ta cuminsa mira esaki. BO TAREA COMO UN CATOLICO Bo tarea como un Catolico, maske cuanto bo edad ta, ta insera tres cos: * Conose bo fe Catolico. Bo no por biba bo fe si bo no conos’e , y bo no por comparti’e si bo no a promer hasi’e di bo mes. (CIC 429). Pa conose bo fe Catolico ta tuma sierto esfuerso, pero e ta un esfuerso cu ta bal la pena paso e estudio, literamente, ta infinitamente balioso. * Biba bo fe Catolico. Bo fe Catolico ta algo publiko. E no ta pa wordo laga atras ora bo sali f’oi cas. (CIC 2472). Pero ser a bisa: Pa ta un Catolico publiko ta insera algun risko y perdida. Bo lo perde sierto amigo. Bo lo wordo considera como un persona straño. Pero como un consolacion, corda e palabra nan di nos Señor na esnan cu ta wordo persigui: “Sea contento y alegra boso mes, paso boso pago lo ta grandi den cielo” (Mateo 5:12) * Disemina bo fe Catolico. Hesu Cristo cier captiva dor henter mundo dor di nos, y e berdad aki ta Hesus mes, cu ta “e caminda, berdad y bida” (Huan 14:6). E plamamento di e fe no ta e tarea di obisponan so, sacerdotenan y religioso nan (frere cu sur) - e ta un tarea di tur Catoliconan. (CIC 905) Promer cu Su Asencion, nos Señor a bisa Su Apostelnan; “Bai anto, y hasi tur nacion disipelnan di Mi, y batisa nan den nomber di Tata, y di Yui, y di Spirito Santo, y siña nan pa nan tene nan mes na tur cos cu Mi a manda boso ta tene. (Mateo 28:19-20) Si nos kier tene nos mes na tur e mandamentonan di Hesus, si nos kier cere tur cos cu El a siña, nos mester sigui’E den Su Iglesia. Esaki ta nos gran reto - y nos gran privilegio. Bron: catholic, apayem.blogspot
Posted on: Tue, 30 Jul 2013 05:08:36 +0000
Trending Topics
Recently Viewed Topics
© 2015