Presiza iha mobilizasaun nasionál ba povu nia moris di’ak la’ós tuur, la’o tun sae de’it, simu osan boot depois impoin ba ema seluk atu hamriik iha liña oin no atake veteranu no juventude sira dehan la halo buat ida. Uluk iha funu komandu ida de’it hodi hamutuk hatán ba inimigu ida nia invazaun no okupasaun. Agora ida-ida hadau nia moris laiha diresaun ida mak permanente husik de’it povu nia moris ba merkadu komersiál. Ha’u nia opiniaun iha kauza interligadu barak mak kontribui ba paralizasaun juventude sira nia reatividade, no lakon sentidu asaun koletivu ka esforsu popular; Primeiru ulun boot sira husi funu agora iha dalan di’ak tebes ba riku matak de’it ona, segundu sira haloot malu sees husi povu ne’ebé sira defende uluk, terseiru ligasaun emosional kotuk hafoin funu, ulun sira ko’alia ibun boot de’it bainhira iha eventu ruma atividade real no kontinua mobiliza povu kuaze laiha. Komité Sentrál Fretilin uluk iha ai-laran dehan komité Sentrál Fretilin mata dalan Povu nia, Falintil Liman kro’at povu nia. Falintil mak ikan no povu mak bee. 1999 funu hotu, Komité sentrál nia kontinuador sira la lori sees de’it matan maibé husi kakorok hotu lakon ba hadau ida-idak nia moris. Bee besik maran maibé ikan bokur liu iha foho dekor maran ida. Belun, Timor Hau Nian Doben, Timor Post, SAPO Timor Leste. Nuno Rodriguez Tchailoro, Sisto Lanarra Estevao Cabral, Antonio Freitas, Antero Benedito da Silva, Jose Antonio Belo. A luta kontinua noticias.sapo.tl/tetum/info/artigo/1348211.html
Posted on: Wed, 13 Nov 2013 03:39:17 +0000
Trending Topics
Recently Viewed Topics
© 2015