Reitana riki: Ea roko te bong ni ukeuke, ao ia bus ni kaea te Taiwan Embassy i Bairiki ba ena start au ukeuke nte aoa 9am ao ena bane 3pm. I nanoni kawaiu iaon te bus ao ibon aki toki au korona ibukin makakin te tai aei. I weteaki ao ituangaki are au moani bwai ae nna karaoia bon te chemistry...aio bon au moani beeba are ia kaman maakua ngke imoan ongo are nna ukeuke. E bebete angin te maaka iaki ataia ba ekanga n reke anne, ma titebo ba ia bon rangi ni tauraoi ngke ia weteaki. I rinnako nte ruu ae tii ngai iai, ao ia anganaki au beeba n ukeuke ao iaki tuangaki ba ena maanra ae nna karaoia iai, ma ia bon tii tuangaki naba ba ngkana e tia ao ia nikiria naba iroun te Tia koroboki nte office anne. Te ukeuke bon rinean te reke te kamironron ao mwaitina bon 50 te titiraki. I wareka te titiraki man namba 1 ni karokoa 50 ao ikaotia ma te koaua ba bon akea 1 te titiraki ae iataia. Au iango ba ataei ake a form 6 ke a form 7 abon rangi ni bebete irouia ma ngai are ai bon akea au form 6 & 7 ai bon akea teutana ae ikona ni kaeka. Ibuta au korona are i uouotia inanoni buuan au kunikai ao ia manga wakina naba au korona, i niira au been (Pen) n te korona ao ia bubutia Nei Maria ba ena butia natina ae Iesu ba ena karaoa au exam nte tai arei. Ti tebo ia kamironron nakea au kanganga, iaki kani wareka te titiraki ba are ia bon tia ni kaman noori ao bon akea ae iota iai...ia bon tii kabuta naba tabon au been ao ni kamirona are itaku. E rangi ni kamanga ba i karaoa au test nte chemistry aei ti inanon 20 tabun te miniti. E bane arei ao iaki manga kani kaokia ba are nna kaokia ke nna manga taraia ni kanga ao are abon ake te bwai ae iongo nanona nte titiraki akekei! ngaia are ngke ebane arei ao ia bon bane naba...ia naba n nikira au beeba are au moan beeba anne...
Posted on: Tue, 13 Aug 2013 00:12:55 +0000
Trending Topics
Recently Viewed Topics
© 2015