Republic of the Philippines Brgy. 10 San Miguel, Sarrat Ilocos Norte November 6, 2013 Dear Benefactor(s): Kablaaw manipud kadagiti opisyales ken miyembros ti TABUNAY BUILDERS CLUB iti Brgy. 10 San Miguel, Sarrat, Ilocos Norte!! Adun a tawen iti naglabas kalpasan iti pannakabuangay ti organisasyon tayo ket adu metten a tawen nga intayo sursuruten dagiti tinawen-tawen nga aktibidades na daytoy. Saan a laksid kadagiti pumurok iti purok Tabunay dagiti sumagmamanon a nagapuanan ti organisasyon sipud pay panagtakem dagiti immun-una a grupo. Addan dagiti nagapuanan nga project a pakakitaan ken makatulong kadagiti pumurok iti purok Tabunay ket isun dagiti agdama nga maus-usar ita. Ket ita a tawen, nagasat unay ti TABUNAY BUILDERS CLUB ta inna man rambakan iti SILVER Anniversary wenno maika-25th Annual Christmas Program and Ball inton December 27, 2013 idiay Brgy. 10 Basketball Court. Awisen dakayo ngarud amin nga umay makipagrambak kadakami. Iti daytoy a gundaway, ibilang dakayo man ngarud a kas maysa kadagiti kankanayon ken naayat a mangsupsuporta kadakami kadagiti isu amin nga aktibidades kangrunaan na iti panangpasayaat ken panangpaprogreso iti Tabunay. Ipanamnama mi kadakayo nga anya man nga tulong nga inkay maipaay kadakami ket agserbi a kas premyo dagiti umay makipagragragsak ken iti daduma ket maibanag a kas projects iti gunglo. Ket manen, naimbag a Paskua yo ken sapay koma ta iti isasangbay ti Baro a Tawen ket ipaay na kadakayo ken iti pamilya yo iti ad-adu pay a bendisyon ken grasya manipud iti ayat ni Kristo. Agyaman kami unay iti ado kadagiti naimbag a panagpuspuso yo ken suporta yo nga awan patengga na. Toy agyaman: TABUNAY BUILDERS CLUB AND MEMBERS
Posted on: Wed, 06 Nov 2013 08:28:21 +0000
Trending Topics
Recently Viewed Topics
© 2015