Samkvæmt fjárlagafrumvarpi, er gert ráð fyrir að ríkissjóður verði rekinn með 458 milljóna afgangi á næsta ári. fróðlegt er að sjá það sem var lofað í vor og efndirnar. Bend……… HVAR ER LÆKKUNIN Á LÁNUNUM OG SÉRSTAKA SKATTALÆKKUNIN TIL ALMENNINGS? Forystumenn ríkisstjórnarinnar hafa sagt að þeir vilji ná hallarekstri ríkissjóðs niður með því að auka umsvif í efnahagslífinu í staðinn fyrir að skattleggja sig út úr vandanum sem þeir segja að fyrri ríkisstjórn hafi reynt að gera. Hætt er við að þessi auknu umsvif, sem þeir tala um, skili sér hægt inn á næsta ári vegna lítils hagvaxtar. Það er því líklegt að ef stjórnvöld vilja skila hallalausum fjárlögum verði þau að beita enn strangara aðhaldi í útgjöldum. Það er því hætt við að það verði fleiri forstöðumenn ríkisstofnana fyrir vonbrigðum en forstjóri Landspítalans. Fjárlagafrumvarpið gerir ráð fyrir að sjúkrahús hefji innheimtu á gjaldi á sjúklingum sem leggjast inn á sjúkrahús. Lagt er til í frumvarpinu að gjaldið verði 1.200 krónur fyrir hvern legudag. Á þetta að skila Landspítalanum 200 milljónum á næsta ári. Nefnd undir forystu Péturs H. Blöndal alþingismanns er að vinna að endurskoðun og samræmingu á gjaldskrám í heilbrigðisþjónustu. Ríkisstjórnin ætlar að lækka skatt á einnota bleium úr 25,5% í 7%. Bjarni Benediktsson fjármálaráðherra segir þessa breytingu liður í að bæta stöðu barnafjölskyldna Tryggingargjald á að lækka um 0,34 prósentustig á næstu þremur árum samkvæmt fjárlögum ríkisstjórnarinnar sem voru kynnt í dag. Mun gjaldið lækka úr 7,34% niður í 7% og mun það hafa bein áhrif til lækkunar á útgjöldum fyrirtækja um 3,8 milljarða þegar breytingarnar eru komnar til framkvæmda að fullu. Þorsteinn Víglundsson, framkvæmdastjóri Samtaka atvinnulífsins, segir í samtali við mbl.is að þessi breyting sé afar jákvæð. Hann telur að lækkun tryggingagjaldsins muni vafalítið styðja við atvinnulífið, en þó hafi verið svigrúm fyrir frekari lækkun. kveðjur niðurskurðar eru sendar til landsbyggðarinnar með lækkun á niðurgreiðslu húshitunarkostnaðar og afnámi jöfnunar á flutningskostnaði. Loforð um bætt kjör aldraða og öryrkja verða ekki efnd. Í kosningastefnuskrám bæði Framsóknarflokks og Sjálfstæðisflokks er að finna loforð um að leysa skuldavanda heimilanna með því að veita sérstakan skattaafslátt sem verði notaður til að lækka höfuðstól húsnæðislána. Framsóknarflokkur lagði í kosningabaráttu sinni höfuðáherslu á að nýta það „svigrúm sem skapast við uppgjör þrotabúa bankanna ... til að leiðrétta stökkbreytt verðtryggð húsnæðislán.“ Sjálfstæðisflokkurinn lagði í sinni stefnu fram tillögu um að færa „allt að 40.000 krónur á mánuði í sérstakan skattaafslátt vegna afborgana af íbúðaláni“. Flokkurinn lagði líka til að fólki yrði heimilað að nota framlag sitt og vinnuveitanda í séreignarsparnað til að greiða skattfrjálst niður höfuðstól lánsins. Þetta myndi þýða að mánaðarlega færu 4% launanna inn á höfuðstól íbúðalánsins Þessi ríkisstjórn hefur lækka’ veiðigjöld, lækkar nú líka sérstakan skatt á raforku til stóriðju, lækkar tryggingagjald og búið er að lækka fjármagnstekjuskattinn.
Posted on: Tue, 01 Oct 2013 18:22:16 +0000
Trending Topics
Recently Viewed Topics
© 2015